عتبي عليك يا حقوي بدايه هارد لك يا هلال على التعادل وإنشاء الله الجايات احلى انا ما راح اتكلم على اللاعبين ولا على المدرب اعتقد اخذو حقهم بالمواضيع وزياده بتكلم عن الحقوي رئيس رابطه مشجعين الهلال استغربت من اسلوبه مع الجماهير وكانه سجان وهم المسجونين بدون مبالغه والي حضر المباراه بيعرف كان حقوي يرفع صوته على الجمهور حتى انه قال لاحد الحضور (( ياخي استح على دمك )) وكل هذا لانه ما رضى يرفع الشالات الي وزعها مجلس الجمهور طيب يا حقوي نشكر حماسك بس ما توصل لدرجه انك تامر الجمهور امر اذا يبي يشجع الشخص يشجع برغبته مو بامر منك انت كذا تنفر الناس من الحضور ومن التشجيع لانه اذا بيحضر للملعب بيحضر بكيفه وبيحلس وين ما يرتاح وبيشحع على كيفه حتى انا والي معي لما شفنا اسلوبه وقفنا عن التشجيع وغيرنا مكانا من فوق الرابطه الى الجهة المقابله للرابطه اتمنى نصيحه من اخ اتبع اسلوب اللين مع الجمهور وراح تشوف نتائجها لكم كل الود |
ابو خليل كبير وماضنتي يسوي كذا الا اذا زودوها معه |
ياليت الحقووي يرررد......... ويعلمنا الي صار صح او لا........؟؟؟ اتمنا الموضوع ياخذ اهميته من قبل الزعماااء |
صحيح ومو في المباراه هذي وبس وغيرها من مباريات حقوي كلمة ابقولها لك اذا بنشجع بنشجع بمزاجنا مو باسلوب الاجبار على فكره انت من دوننا ولا شي |
بصراحه حقوي ما ينلام المسكين انواع الترجيم يجيه من هالهمجيه ولا تبيه يقول استح على دمك |
http://upload.alhilal.com/img/005/54.jpg ياخوي لو احطك مكان حقوي واقولك نظم 70 الف واحد وش بتسوي ؟؟ تجلس توزع ابتسامات عليهم ولا تطق حنكـ ـ معهم !!! حقوي جاي للملعب من الظهر يستعد للجمهور ويضبط امور الرابطه انسان واقف على رجوله 10 ساعات متواصله من العمل ,, وانت جالس تتصيد اخطائه ؟؟ طيب الشخص اللي اتكلم عليه حقوي ماجاء فبالك انه يمكن يكون : 1- خويه 2- يمكن تكلم على الرابطه 3- يمكن ويمكن انت جالس تسمع الصوت الواضح اللي بالمايك واهملت الكلام الغير مسموع من الشخص الاخر !!! ياحقوـوـوي انت تأأمر أمر ,,, وكلنا خلفك يا أســـــــــــــد المدرجات كل هذا في سبيل مساندة عشقنا الأزرق اخر كلمه اقول عيب من ينتقد شخص وهو لم يعلم عن طبيعة هذا العمل وصعوبته |
اخوي مجـ ـ نونــهـ11 شف كلنا بشر والعندليب الازرق اعتقد انه بشر مثلنا قد يخطي وقد يصيب لكن انا عندي لك استفسار اذا هذاالمشجع الي تقول ما رفع الشعار ليش من اصله ياخذه يعطيه اي احد ثاني مستعد انه يرفعه حنا رايحين لا جل يطلع جمهور الزعيم بأحلى صوره وبيني وبينك ما الومه في ناس تجيب الضغط بتصرفات لا مبالاه في جهود مجلس الجمهور الهلالي وتقبل طرحي بكل رحابة صدر تحياتي لك . اخوي صوت الهوى ريح عمرك الموضوع ما راح ياخذ الاهمية الي في بالك هذا العندليب الازرق سميته ويامر امر يكفي انه زعيم اصلي مو محترف من الانديه الخليجيه ... 29 مشاركه وتجيب لنفسك الكلام !!!!!!!!!!! |
والل ما ينلاام . .!! |
ههههههههههههههههه حقوي بعد كل اللي سواه للهلال يجي من يدور على أخطاءه .. وكأنه حقوي منزه عن الخطأ أقول كاتب الموضوع ما عندك سالفة وتبي تكتب أي شئ ثانياً الادارة أنفو هذا الموضوع . |
يارجال وش فيكم شبيتو على الرجال هو صادق والله ياحقوي انه مايدري وين الله حاطه بس الله يعين |
موضوع المفروووض انه يحذف من قبل الاداره |
معــه خق الصراحــه لان الجمهور رفع ضغطه |
لا تفهموني غلط انا قدمت نصيحه لحقوي عشان ما يتفاجأ يجي يوم يشوف نفسه وحيد وما يلقى تفاعل من الجمهور |
ياخوي مافيها شي يمكن الرجال كان متنرفز لأن المباراة كانت ترفع الضغط بصراحه وبعدين لو انك مكانه أعتقد انك راح تعرف ليش يتكلم بخشونه مع بعض المشجعين |
إقتباس:
|
إقتباس:
|
سبحان الله لم يبقى الا حقوي من الانتقاد هل هذا جزاء من يتعب ويخلص لهذا الشعار ويضحي حتى بصحته لأجل هذا الكيان (وكلنا شفنا مباراة الحزم ماذا حدث له ) سر يا أسد المدرجات ونحن خلفك |
إقتباس:
الحقوي من قبل المباراه بساعتين وهو يبدا التشجيع وعلى بدايه المباراه يكون الجمهور هالك من التعب؟؟؟؟؟ |
اخوي انا حاظر الملعب وجمب الرابطه وصدع راااسي من الأزعاج والكلام فقشه على فقشه |
هو بس يبيكون تتحمسون |
لا يهمووووووووووونك يا بو خليل |
أحب أوضح نقطـه لأخوي كاتب الموضوع صحيح كلامك حقوي قال للمشجع ياخي استح على وجهك بس اتمنى انك تذكر الموضوع كامل وماتظلم الرجال لمأ بدأ مجلس الجمهور بتوزيع الرولات كان فيه يشخص يعيقهم عن شغلهم ويشد الرولات ومايبيها تمشي على الجمهور والفئة هذي كثير واعتقـد حقوي معاهـ حق يوم يقوله ياخي استحي على دمك الرولات ياعزيزي مو بلاش والا جايبينها من الغرابي هذي خسرانين فيها فلوس عشان يطلع الجمهور بالصورهـ اللي نطمح لها واخر يجي بزر ويقطعها وابو خليل تقطع صوته وهو يترجاهم يااخوان تعاونوا معنا اتمنى اي مشجع يعيق عمل الرابطة ويخرب الاشياء اللي يخسر فهيا مجلس الجمهور يشقلونه مع رجلينه ويذبونه بالنظيم <<خخخخخخ وش تقصـد أتمنى ماتزعل من وجهة نظري واختلاف الرأي لا يفسد للود قضيه |
ياخوي مافيها شي |
بعد الله يجزاه خير يبي ينضمكم وعاد انتم ماتبون احد يقولك اف |
حبيبي انا والله ماالوم حقوي من شيء يشوفه من الجماهير في الملعب.. وبعدين انت قلتها ((تشجيع)) يعني لازم تتفاعل مع الرابطه وتلتزم بالتنظيم.. اللي جاي يشجع يختلف مع اللي جاي يتفرج.. انت اخوي جاي تتفرج خلاص شف المباراة في التليفزيون او اجلس بعيد عن الرابطه عشان غيرك يشجع.. |
إقتباس:
متخلف همجي عنصري :mad: وش قصدك لمن تقوله تراك حقوي تراه يسواك ويسوى عشره من اشكالك طفشنا من الحنس:wallbash: لا تتفلسف وتتكلم بعنصريه محد مخرب جمهور الهلال الى اشكالك المتخلفه |
ايه انت ويااه الا حقوقي ياخي الرجااال مغير يساافر من مكان لين مكان وينبح صووته علشاان الهلااال وانت تجي تقول عنه هالكلااام الله يهديك بس ويخليك لعين ترجيك حقوقي لا تشيل في خااطرك |
إقتباس:
|
يا شباب نبي النقد يكون هادف وبدون تجريح وما تطلع الردود عن الموضوع وتذكرو اختلاف الرأي لا يفسد للود قضيه |
ما أدري ليه كل الأعضاء يكتبون ( سلبيات ) حقوي . ويتركون أيجابياته ؟؟ أول شي .. الأخ أبراهيم مشكور من صلاه الظهر وهو يشتغل ويرتب ويجهز للمباراه .. وبعض الجماهير تجي بعد المغرب وتجلس عند الرابطه ولا تشتغل ولاشي .. فقط شكل .. تبي أبراهيم يناظر فيه ..؟ أبراهيم قدم الغالي والنفيس من دون كلل أو ملل من أجل عيون الزعيم وجماهيره .. فله منا كل الشكر والتقدير على مابذله وما يبذله .. وما ينكر أفعاله إلا جاحد .. شكرا ً يا عندليب الهلال ... |
احب اشكر واحيي المراقب الي غير عنوان الموضوع وهذا يدل على انه إنسان راقي ربما العنوان مو مناسب وتغييره كان الافضل مو مثل بعض المراقبين الي يدخل وينفي الموضوع من الوجود شكرا لك |
إقتباس:
|
اخوي ياليت تذكر قبل كم سنه ايام كان الملعب يمتلي ولا تسمع منهم الا كلمة (( هلااال هلااال .. هوه هوه )) بس مع اسد المدرجات ابراهيم حقوي صار للجمهور الهلالي شكل وصوت وكل الفرق اللي تلعب قدام الهلال يصيبها ذعر من التشجيع .. راجع حساباتك ، |
ابو خليل كبير وماضنتي يسوي كذا الا اذا زودوها معه |
إقتباس:
المبارة مثل ما انت عارف دخولها مجانآ ويوم اجازه من الممكن بل الاكيد ان يكون ابوخلليل الحقوي سمع كلامآ غير لائقآ من احد الحضور او تعليقآ ساخرآ ورد ب استح على وجهك ومن حقه بل من ابسط حقوقه ان يرد ب استح على وجهك فمن غير المعقول ان يكون من صباح يوم المباراة يحضر لما سيقوم به بالملعب ويحضر من صلاة العصر للملعب ويأتي من يحجز له المكان وينتضر الى ان تغيب الشمس ويحضرويتريق ويتمسخر ويسكت عنه انا اقولك لوي مكان الحقوي واتعرض للسخريه ماراح اقول استح على وجهك بعطيه طال عمري بالمايك على وجهه وفيه خير يتكلم كنت ولازلت وستبقى كبيرآ ب اخلاقك يابو خلليل فلا تبتأس بما يتفوه به المبطلون سر ونحن معك يا بو خلليل الحقوي |
احترم رايكم الشكر لكل من شارك |
الوقت المعتمد في المنتدى بتوقيت جرينتش +3.
الوقت الان » 01:34 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd