|
طالب في ثانوي ثانوي.. هل اقدر اختبر القدرات.. التسجيل بينتهي.. ضروري ضروري يا شباب انا طالب في ثاني ثانوي وسمعت ناس يقولون ان طلاب ثاني ثانوي يقدرون يختبرون قدرات وبهالطريقه تصير عند الواحد اربع فرص للإختبار وياخذ افضل درجة وحملت كتاب من موقع مركز القياس وفيه متطلبات الدخول للإختبار والشرط الاول كان: (النجاح في الصف الثاني او الثالث ثانوي ويجب احضار ما يثبت ذلك مثل صوره من تقرير الدرجات للفصل الاول او تعريف من المدرسه او شهادة الثانويه العامه) واللي ينفهم من هالطلب ان النجاح في الصف الثاني يؤهل لإختبار القدرات ومن الاشياء المطلوبه شهادة الفصل الاول وانا معاي شهادة الفصل الاول ونسبتي 94% تكفون يا شباب اللي فاهم او سجل او متأكد يا ليت يعلمني عن امكانية اختباري لان التسجيل المبكر راح ينتهي يوم الخميس الجاي يعني بعد 6 ايام في تاريخ 19/2/1428 |
والله يالييت اقدر اخدمكـ ان شاء الله الاخوان ماراح يقصرون معكـ |
أهليييينى أخوي: أنا طالب أول سنه في الجامعة وقبل سنتين وقت ما كنت في الثاني الثانوي سجلت في القدرات واختبرت .. وأخذت معي احتياط تعريف من المدرسة .. لكن حتى ماسألوا عنه .. أصلا مادروا أنت من ثاني ولا ثالث .. أهم شيء يشوفون (( الإيصال + أصل بطاقة الأحوال )) ... وأزيدك .. أن توي الإسبوع الماضي مسجل أخوي ..وهو بالصف الثاني الثانوي أتمنى لك التوفيق |
شووووف ... اول شي عندك ثلاث فرص مب اربع ... ونصيحتي لك اول فرصه لك خلها الصيفيه (بين ثاني وثالث) والثانيه في الفصل الدراسي الثاني في ثالث ثانوي والفرصه الثالثه خلها في الصيفيه في ثالث ثانوي هذا اللي انا سويته بالضبط :) واذا تبي تسجل الحين يمديك اتوقع وانت براحتك عاد وبالتوفيق للجميع s41s |
يمديك تسجل ان شاء الله وترى في موقع لهم تقدر تاخد منه كل المعلومات تشــــــــــــاو |
يمديك تسجل وأنت في ثاني ثانوي وتصير لك أربع فرص في اختبار القياس وهم ما يسألونك عن أنك بثاني ولا ثالث أهم شيء زي ما قال الأخ الي فوووق الايصال وأصل بطاقة الاحوال فقط وبالتوفيق لك |
:( هالاختبار حرمني من بعثه :(....مدري وش فايدته |
ايه تقدر تسسجل من الحين ويصير لك (اربع ) فرص .. أنا يا محآتسيك أختبرت السنه اللي رآحت وأنا بثآني :d نصييحه سجل بسرعه لاني سجلت قبل (اسبووع) .. وأغلب القآعات ممتلئه ,, ع فكررهـ هنآك مآ يطلبون الا البطآقة والايصآل ,, نآيفـ |
انت رح لبنك الراجحي او صرافة الراجحي وقله ابي قياس وعطه بطاقة احوالك ومية ريال وهو يسوي كل شي ويبي يعطيك ورقة فيها رقم اشتراك وادخل موقعهم وسو تسجيل جديد وحط رقم الاشتراك ورقم بطاقة الاحوال وبعدين سو كل البقاي واختر المكان حقك .. بعدين اذا اخترت المكان وكل شي اذا جيت تبي تروح لمهم خذ معك بطاقة الاحوال والورقة من الراجحي وشهادتك حقت الفصل الاول وتوكل على الله ورح والله يوفقك .. <<<<<<<<<<<<< مسجل لاخوه خخخخخخخخخخخخخخخ الوافي001 |
أأهلين أخوي ,, بالنسبـة لأختبار القياس للصف الثاني ثانوي مسموح لكن لا تقبل النسبـة بتـاتاً ..!! فقطـ النسبـة تقبل من الطلاب في الصف الثالث ثانوي ..!!:rolleyes: لأني العامـ الماضي دخلت الأختبار وأنا في الصف الثاني ثانوي .. لكن ما أحتسبت النسبة ..!! يعني تجربة حلوووة !! أختبار القياس فقطـ لفترتين.. الفترة الأولى من 3/3 إلى 3/10 .. والفترة الثانية بعد الأختبارات النهائية ..!! يعني .. ادخل بالاختبار .. عشان تأخذ كيفية الأختبار .. ومنها تستفيد أن شاء الله ..!! سيموووووو |
الاختبار لك مسموح والنسبة مقبولة ولافيه فرق لو اختبرته وانت بثاني ثانوي او ثالث او حتى اولى ثانوي |
إقتباس:
إقتباس:
|
لا خذها مني وانا متاكد اذا اختبرت بثاني تحسب النسبة .. الوافي001 |
94% ماشاء الله انا 73%:d |
إقتباس:
ياخذون اعلى نسبه لك يمكن هالاختبار ما اخذت فيه اعلى نسبه لا ابشركم يا شباب سجلت ولحقت على آخر موعد .. لا وفتحو الاضطراري بعد ولحقت عالموعد الاضراري الثاني والاول قفل واختباري يوم 3/3 الخميس مشكورين وجزاكم الله الف خير بس يا ليت اذا تذكرون درجاتكم في الاختبار تعلموني |
| الوقت المعتمد في المنتدى بتوقيت جرينتش +3.
الوقت الان » 02:24 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd