مساء الخير للجميع
قرأت ومثل ماقرأ الجميع من عشاق الزعيم المنتدى بعد المباراة ، وحقيقة لي بعض العتب على بعض المواضيع اللي أعتبرها في نظري ونظر كل من يحب ويعشق الكيان الأزرق أنها مواضيع سخيفة ومن أناس متعصبين وجهال ، (أعذروني في هذا الكلام ولكن من حبي والله في هذا الكيان ومن يرتدي شعاره)
أولاً / المباراة أفتتاحية للمجموعة وفي المباريات الأفتتاحية دائماً مايكون هنالك تعادل أو هزيمة للفريق المستضيف وخير شاهد على ذلك بطولات كأس العالم والبطولات الأخرى .
ثانياً / المشجع العاقل والفاهم لا يسيئ إلى اللاعب أو اللاعبين عموماً في مباراة وينسى ماذا فعل في الماضي من انجازات لفريقه .
ثالثاً/ هل اللاعبين أنفسهم يريدون الخسارة ( لا والله ) لو بس ذلك الجمهور اللي نفتخر به أنه الجمهور الصعب فعلاً . ويكفي أنها مباراة عادية بثلاث نقاط وتذكرنا بالمباريات النهائية أو مباريات المنتخب ( يوم كان سامي يصول ويجول بالملعب ويحمل الكابتنية ويجبر كل أهل الرياض للحضور والأستمتاع بفنه )
رابعاً / عندما تكتب بالمنتدى أعرف على نفسك أن موضوع سيقرأه اللاعبين وعلى ذلك لن يؤدي المطلوب منه مستقبلاً . وضع نفسك مكان اللاعب . زش تسوي أعتقد ( ماراح تلعب للفريق وستبحث عن فريق يحترمك )
خامساً/ أعذروني سأعطيكم مثال بسيط عن فريق أعتقد أنه فريق لا يحتذى به كالهلال ( من وجهة نظري ) . في مباراة الهلال العام قبل الماضي إن ماخاب ظني مع فريق الاتحاد وفي دور الأربعة من كأس ولي العهد عندما سجل الصقري هدف في مرماه أخر المباراة (البركة في الصويلح) وش سوا الجمهور في المباراة الثانية في كأس البطوله العربية مع فريق جزائري تدرون وش سووا ( كتبوا لافتة كبيرة على الدرج ... تفداك مليون بطولة ياصقري) وهم خرجوا من الهلال ذلك الموسم . واحنا عشان مباراة بالإمكان تعويضها من اللاعبين بالفوز وليس التعادل وفي الكويت إن شاء الله .
سادساً/ حسابياً والله أعلم سنتعادل مع الفريق الأزوبكي هناك (الله لايقدر ويارب نفوز ) أعتبروها نقطة .
ويلعبون معانا هنا ونهزمهم . صارت أربع نقاط .ونلعب مع الكويت هناك ونهزمه إن شاء الله . كذا صارت سبع نقاط . وعلى كذا أحنا متأهلين قولوا آمين يااااااااارب . ملاحظة : وش حالك عندما نتأهل وتقوم تكتب بالمنتدى وتمدح اللاعبين وبالأمس القريب أنت تسب وتقول اللاعب فلان فيه كذا وكذا . واللاعب فلان فيه كذا وكذا . على طول اللاعب بيقول في باله فعلاً جمهور غير حضاري وما همه إلا الفوز وبس ( يعني فيه فريق ماينهزم ) والله حرام عليكم .
أخيراً/ عندي أقتراح في مباراتنا مع الفيصلي يوم الأحد طبعاً للجمهور اللي بيحضر . ياليت والله من كل قلبي يكتبون لافته عند الجمهور وكبيرة مكتوب فيها مثلاً : ( الجمهور الصعب ......لو الغلا ماكنت عتبان فيكم ... سامحونا )
أتمنى من رئيس الرابطة الأخ إبراهيم شفاه الله أن لا يجعل هذي المباراة تمر مرور الكرام على اللاعب دون وضع شئ للإعتذار لهم . نعم هم كانوا في أسوأ حالاتهم ولكن تذكروا (قدر الله .... وماشاء فعل )
آسف على الإطاله ولكن الرجاء كل الرجاء بالرد على هذه الرسالة لأني كتبتها في هذا المنتدى ومنتدى الكابتن سامي ومنتدى القناص والشلهوب وبالردود التي تفيدنا وتفيد جميع اللاعبين والجماهير الهلالية الغالية . ولاتنسوا أن بعض الجماهير غير الهلاليين يدخلون المنتدى ويستعرضون وياعيباااااااه لو وجدوا ردود غير لائقة من جمهورنا الغالي . اللي نفتخر به وهم يبحثون عن بعض الهفوات لنا . وماهمهم إلا الزعيم إذا أنهزم ولا ينظرون للبطولات فهزيمة الهلال لديهم بطولة .
والسلام عليكم
يشرفني مراسلتكم على بريدي التالي [email protected]