هاردلك يا زعماء الخساره بالتعادل من الفريق الكويتي واعتقد انها خساره اهم نقطتين في البدايه راح تكلفنا الكثير وبالتالي الاعتماد على نتائج الفرق الاخرى
ارجع للموضوع من وجهة نظر شخصيه اعتقد ان سبب الخساره هم ثلاثة التايب والشلهوب والفن البنقالي
استعراض من التائب ماله داعي يعني لازم التايب يلتفت يمين ويناول يسار ويلتفت يسار ويناول يمين طريقه مكشوفه ولا لها فائده للفريق فقط تعطي اللاعب كم تصفيقه من جمهور الترييش اللي ما يصدق يشوف لعبه شكلها حلو ولكن نهايتها هجمه مرتده يعني بالعامي (زبرقه ) يعني (هايلكس مركب جنوط كراون )
ولايهون الشلهوب اللي صار ما يمرر الا بالطريقه البرازيليه يعني بالعربي الفصيح (ركل الكره بمقدمة الحذاء) علشان تكون لافه صح هي حلوه بس مو كل مره يا بو شلهوب لان كثير من هالكور تكون غير دقيقه
اما الفن ابو كعبات فحدث ولا حرج مقلب كبير شربه الزعيم واراهن على هالشي بصراحه احس انه يحسب انا اول مره نشوف احد يلعب الكوره بالكعب مسوي فنان وهو من جنبها ياليت ابو يعقوب فيه كان يشوته ويرجعه لديرته
ختاما عندي ثلاث رسائل اوجهها لــ :
الاولى لنجوم الزعيم اتمنى ترك الاستعراض والتفنن اللي ماله داعي وعدم الاستهتار بالفرق الاخرى مهما كانت ضعيفه
والثانيه للجمهور العزيز والاعب رقم واحد والرقم الصعب خفو على الاعبين شوي شجعو اللعب الجدي فقط واستهجنو الاستعراض اللي ماله فايده (يعني فكونا من الترييش)
والثالثه لعمر الغامدي اذا مالك نفس تلعب فالحق الدوخي
والسلام
الوضع العادي
