#1  
قديم 08/03/2007, 05:59 PM
زعيــم متألــق
تاريخ التسجيل: 04/11/2006
المكان: منتدى الزعيم
مشاركات: 1,346
Angry خلاص نبي نسامحكم000بس لاعاد تعودون لها مره ثانيه فاهمين

من يوم ماخلصت المباراة البارح ومحاكيكم ماغير يفتح موضوع جديد ويرجع ويقفل الصفحه ويهون..
كل ماجيت ابفضفض عن اللي في قلبي واطلع حرتي على لوحة هالمفاتيح تعوذت من ابليس وقلت ياولد ترفق واصبر شوي لين تهدى اعصابك لاتقعد تجيب العيد..

بس بيني وبينكم وبعد تفكير طويييييييل00 عيت تهدى اعصابي
وكل ماقريت مشاركة جديده لأحد الاعضاء تقفل معي زياده.

الحين وش السالفه اللي لعب البارح مين..

اتحداكم تثبتون ان اللي كان يلعب البارح هو الهلال..

بدون مجامله رغم ضعف المستوى الهلال كان الاقرب للفوز..

والكويت الكويتي لم يتجرأ على الهجوم وتكثيف الهجوم الا يوم شاف لاعبينا ماودهم يفوزون..

صحيح ماكان ودهم يفوزون..

هجمه لياسر والاخرى للشلهوب والثالثه للتمياط واللي رفع ضغطي التايب آخر المباراة
((هجمه مرتده والحارس في النص ووالباب فاضي يعني مايبي لها الا عقليه واحد في ثاني ابتدائي معطيه الله نشاط ويمزع ام الكوره ""ظفر"" وهدف )) يقعد يفرفر لي في النص ..

صراحه هذي مالها اي داعي حتى لو كنا فايزين بعشره.

تخيلوا لو ان الحكم ماحسب هدف رودريغو كان مهزومين..

والجماهير 0000 آآآآآه يالجماهير جايين من كل مكان ومخلين اهلهم واشغالهم عشان يشوفون مباراة تفتح النفس او على الاقل نتيجة ترفع الراس لو بدون مستوى وهذي آخرتها..

جوال الزعيم له اسبوع ماله شغلة الا احضروا تكفون احضروا نبي نفوز نبي نصمخهم نبي نحوسهم حوس الله يعين الحارس على تطليع الكور من الشبكه وهذي آخرتها..

مافيه اي مبرر للي صار البارح

لاتقولون لي اصابة عزيز ولا غلطة مدرب ولا اخطاء تحكيميه..

لو الهلال لاعب بــ 20% بس من روحه اللي حنا خابرينها كان فاز بهدفين وثلاثه ويمكن اكثر..

لكن ارجع واقول كلمه اوجهها لجمهور الهلال ..
0
0
0
0
مافيه احد بالدنيا كلها يقدر يتنبأ باللي نبي نسويه..
0
0
انا من رأيي المباراة الجايه قدام الفيصلي في الاستاد في نفس الملعب
0
انادي كل الجماهير الهلاليه انها تحضر المباراة حتى لو ماتشجع
حضورها يكون لتسجيل موقف للاعبي الهلال لانهم مهما كان رجال والرجال مايحرجه الا فعل الطيب.
0
ولا فيه اطيب من جمهور الهلال
0
0
اما عاد اللاعبين فاذا انتهت المباراة بالفوز وكان المستوى مشرف نقدر ذيك الساعه نقول لهم..
خلاص00
نبي 00
نسامحكم00
بس 00
لاعاد00
تعودون00
لها00
مرة00
ثانيه00
0
0
0
0
وكان الله في عون الجميع واللي يعرف دكتور نفسي كويس يعطيني رقمه ابجلس معه كم جلسه يمكن يلقى لي طريقه يمسح فيها المباراة من راسي..

آسف للاطاله
ومع السلامه
اضافة رد مع اقتباس
  #2  
قديم 08/03/2007, 06:04 PM
زعيــم نشيــط
تاريخ التسجيل: 09/02/2006
مشاركات: 605
خذ نواف معك لانه بصراحة عصبني
اضافة رد مع اقتباس
  #3  
قديم 08/03/2007, 06:33 PM
الصورة الرمزية الخاصة بـ هلالي جامعه البترول
مشرف سابق في منتدى الجمهور الهلالي
تاريخ التسجيل: 02/05/2006
المكان: Khobar
مشاركات: 9,324
الحل: نقول للاعبين لاعاد تعودن لها مره ثانيه فاااااهمين

والله انك راااااااايق



مشكور يالغالي وان شاء الله القادم بيكون اجمل للزعيم ونحقق الثلاثيه
اضافة رد مع اقتباس
  #4  
قديم 08/03/2007, 09:12 PM
زعيــم متألــق
تاريخ التسجيل: 04/11/2006
المكان: منتدى الزعيم
مشاركات: 1,346
اخوي هلالي جامعة البترول وش اسوي00
ماباليد حيلة وانا اخوك..
هذي قرصة اذن والعاقل خصيم نفسه
اضافة رد مع اقتباس
  #5  
قديم 08/03/2007, 09:14 PM
الصورة الرمزية الخاصة بـ الزعيم في الصميم
زعيــم مميــز
تاريخ التسجيل: 15/05/2003
المكان: بين النجوم
مشاركات: 1,905
بإذن اللّه تكون خيرهـ

وترتيب أوراق



يعطيك العافية
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:02 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube