بسم الله الرحمن الرحيم

بداية هارد لك للجميع

دخول...

حضر الجمهور وابدع ... وغابت روح النجوم ,كل شي اكتمل الا الهلال....غريبه !! لان العاده هي اكتمال الهلال ;)
توقعنا امس نتيجه تاريخيه عطفا على تاريخ الفريقين والنجوم والجمهور:) لكن تلك المباراة التي اصبحت من الماضي
اثبتت ان المدجج بكل شي ليس هو المنتصر .... طيب مااختلفنا .

أؤمن بأن النتيجه بعلم الغيب ... وهي مكتوبه من مباراة الامس حتى منصة الكأس ... لكن لكل نتيجه افعال ودروس وعبر
ماذا فعل نجومنا لكي نقول لهم قدمتم ماعليكم ولكن خذلتكم النتيجه.........لاشيء
انتهى

- جميع اللاعبين امس صفر على الشمال بدون استثناء الا الدعيع والتايب وبدر الدوسري
وانا تعمدت اذكر بدر لانه ماينلام لاعب شاب وكبيره المباراة عليه بسبب الحضور وتخاذل بقية اللاعبين النجوم
اللي نشد بهم الظهر والكل يتمناهم ............ لكن للأسف .

- اتمنى يكون حضور الجمهور بالشكل والعدد والمضمون ارسل رساله للاعبين بمكانة اسيا وانها مطلب للجماهير الهلاليه
بالطيب بالغصب كاس اسيا لازم يرجع للعريجاء.

- تصريح ابو سلطان بعد المباراة كان على الجرح لكن يابو سلطان انت تتحمل جزء كبير من المسؤوليه تدري ليه ؟
الدلع الزايد اللي كان عليه اللاعبين في السنتين الاخيره هو اللي ادى الى هالتخاذل في وقت الجد .

- اتمنى من اللاعبين النجوم الاستفاده من مباراة الكويت الكويتي وعدم تكرارها مهما كلف الامر
واتمنى مراجعة انفسهم لانه بصراحه امس الفريق ماهو في وضعه الطبيعي تركيز مشتت تمريرات خطأ نفسي اعرف
وش اللي مشغل بال اللاعبين .

- امنية اتمنى من ابو سلطان يحققها ويكمل عقد جمايله علينا وهي ضرورة وجود اخصائي نفسي للاعبين
لانه كرة القدم ماعاد تعترف الا بالحضور الذهني والبدني , فإذا كان فيه اخصائي او مدرب لياقه للحضور البدني
في المباريات فما بقى الا اخصائي نفسي للحضور الذهني , قيمة اللاعب ومكانته بالفريق ومهاراته واسمه ماهي كفيله
بالحضور في جميع المباريات بمستوى ورتم واحد .

منتخبنا لذوي الاحتياجات الخاصه حقق كأس العالم :) ومن اقوى الاسباب بعد الله سبحانه وتعالى هي وجود الاخصائي
النفسي اللي يسيطر تماما على شعور اللاعب قبل واثناء وحتى بعد المباريات اللي يكون بعدها الاحتفال زايد عن حده.


- تونا في بداية البطوله والفوز في اول المباريات ماهو معناه التاهل والخساره ماتعني الخروج باقي ثلاث مباريات
يعني تسع نقاط :) بشرط مايتكرر اللي حصل امس .

- جمهورنا امس كان غير واجزم انه كان افضل مافي الجوله الاولى من البطوله اتمنى يواصل التألق والوقوف مع ممثل
الوطن الاخر نادي الشباب:)

-خمس سنوات واسيا غايبه عنا اكيد اشتقنا لها وهي اشتاقت;) صح والا يانجومنا


اخيرا

كلن على همه سرا جمهور يبي بطولة خارجيه وجمهور يبي محليه :) الله يجمع ويهني سعيد وسعيده ;)



تمرين مغلق <<<< من جد قافله اخلاقي منه