السلام عليكم ورحمة الله وبركاته :
والله ما أدري وش أقول يا زعماء من الهم اللي فيني اللي اصاب اكثر الجمهور الهلالي .. والله حرام هالجمهور الكبير اللي ما قصر وحضر من مختلف المناطق لعيون الهلال وابو سلطان ويتعادل الهلال بآخر ثانية !! يعني عاجزين تتماسكون شوي ! عادة المنتخب السيئة انتقلت اليكم !! ولكن لن ازيد على كلام ابو سلطان : اللاعبين ما قدرو الجمهور الكبير بهذا المستوى الباهت !! ما عدا من رأيي الشخصي الدعيع وتفاريس والتائب .. حتى اللي نستغربه التمريرات ليش كذا !! اكثرهم خطأ !! ما فيه تفاهم وضغط على لعيبة الخصم عكس الكويت االي ما اعطوا اي لاعب هلالي مساحة لأنهم لياقيا أفضل !! حتى اللعبات الجماعية والون تو التي تميز بها الهلال اختفت !! حتى اللاعب تحصل زميله فاتح له بمكان فاضي ويمرر عند الزحمة او يتأخر بالكورة !! وهذا تكرر خصوصا مع الغامدي والفين !! عموما ابرز الملاحظات على اللاعبين اللذين لم يظهروا بمستواهم المعهود :
عمر الغامدي : استغربت مستواك السئ ولا تمريرة صح !! 95% تمريرات مقطوعة وتعطيل وتبريد للعب مدري ليش !! حتى تسديداتك الصاروخية اختفت !! او ان مكانك الجديد بالتكتيك غير مناسب !!
ياسر القحطاني : فيه أكثر من كورة استعرضت فيها والمفترض تلعبها بلمسة واحدة !! ومستواك لم يكن بالفورمة وأنا ما ألومك يمكن لعامل الأرهاق لأنك أساسي بكل مباريات الزعيم لذلك يبي لك فترة راحة وننتظر منك أكثر .
روديغو الفين : مستواه غير ثابت مباراة ممتاز ومباراة جيد وما قصر سجل هدف لكن عليه ملاحظة عجيبة !! أنه ما يلعب كور أرضية دائما ألعابه وتثبيته هوائية !! وما يلعب اللعب السهل !! نتمنى أنه يتحسن مستواه للأفضل.
نواف التمياط : ما أدري وش حصل لك بعد مباريات القادسية والطائي والفيصلي !! فهذه أحسن مباريات لعبتها هذا الموسم !! أما باقي المباريات فتلعب ببرود وتثاقل عجيب !! حتى الفرصة الذهبية في المباراة التي من المفترض تلعبها مباشرة في المرمى المنكشف لكن لا أعلم لماذا تباطأت وحاولت تثبيت الكرة وهي لا تحتاج لتثبيت !!حتى البعض قال جالس تصور !!