هذي فائدة التذاكر المجانية يا أبو سلطان ..!! - نادي الهلال السعودي - شبكة الزعيم

محروم الهلال · #1 08/03/2007, 11:32 AM

السلام عليكم ورحمة الله وبركاته

الكل حضر أمس والكل شاف مهازل جماهير التذاكر المجانية
ماذا عساي أن أقول بل كيف سأتحدث ,,,
فوصى ... لعب .... مهازل ... إستهتار

بداية من بعض الجماهير ( النضيميه ) والتي طوال المباراة بتردد مع حقوي ولكن بدل ماتقول يا هلال تقول إتتي
هذي نمشيها

الشي الثاني الكل لم يستمتع بالمباراة والسبب الحونشيه الي متجمعه عند حقوي

حتى حقوي عجز عنهم يقولهم أجلسوا يقولون مالنا كراسي طلعوا الأخوان متشاركين كل إثنين بكرسي
الشي الثاني لما دخل أبو سلطان يحيي الجماهير الهلالييه ويوم جى بيطلع جته زبيريه
بالله هذا جمهور هلالي بالعكس هؤلاء جماهير المجاااااااااااااااااااااان

يا أبو سلطان لا نريد تذاكر مجانيه نريد أن ندفع من جيوبناااا لاحد يقول فيه ناس ماتقدر تدفع ياخي الي مايقدر يدفع
يدخل على حساب الرابطه او على حساب النادي والله ثم والله ماراح تقصر الادارة أو ( ينثبر ببيته )
اما مسئلة أنك تفتح للجمور مجاني وتخلي الفووووضى بالملعب فهذي جريممه

يعني الجماهير الهلالييه الي تحضر المباريات الماضيه وش ذنبها تتعب وتدفعه وتجي من العصر وبالاخير باللقائات الحاسمه تقول الدخول مجاني ولا نستمتع باللقاء ...

أنا حضرت لقائيين متتالييت للهلال وكان الدخول ليس بالمجان وكان التنظيم رائع رائع رائع جداً الكل كان متفاعل مع حقوي
لكن امس لم يصل التفاعل لدرجه المطلوبه وبسبت جماهير المجان الي جالسين قدام ويتراصون يا جعهلم يتراقصون بجهنم

جماهير المجان ::: بالعقل والزبيريات يتضاربون
جماهير المجان ::: ضربوا أبو سلطان
جماهير المجان ::: تسببوا في ضرب ضابط لجنديـ
جماهير المجان ::: قامت بضرب مسؤول أستاذ الملك فهد بين شوطي اللقاء وبالتحديد مدخل 22
جماهير المجان ::: قامت بالتحرش بطفل بعد اللقاء وأمام والده
والله يا أبو سلطان جماهير الهلال تحب ناديها وماعندها اي استعداد تدفع وأكبر دليل شوف النهائيات ولقائات الهلال بالنصر والاتحاد لكن المجاني لا والف لا

الكلام كثير بس تعبت يديني يالله وفيه واحد غثني بالماسنجر

رائع · #2 08/03/2007, 11:35 AM

والله اخوي كلامك سليم لكن مو بشكل عام

يعني هذه الفئة تشكل القليل والقليل.. وبالعكس يعني انت شفت يوم كانت مجان امتلئ الملعب..
وهذه الفئة الي تقول .. لو ارادو التخريب لدخلو حتى بالتذاكر

لك تحياتي

الســـ الهلالي ـــهم · #3 08/03/2007, 11:41 AM

لاتنسى جمهور المسيار

جمهور النحس اللي منتشرين في جميع انحاء المدرجات

محروم الهلال · #4 08/03/2007, 11:44 AM

والله جمهوووور الهلال قادر على ملئ الملعب لكن بتذاكر المجانيه والله ماراح يحضر جمهووووور

aseg_alzaeem911 · #5 08/03/2007, 11:52 AM

انا معك في كل كلامك يا حبيب وهج

محروم الهلال · #6 08/03/2007, 12:14 PM

مشكورين على الردود

@الذيب9@ · #7 08/03/2007, 12:18 PM

للاسف لاعبين لايقدرون احد

العسيري الهلالي · #8 08/03/2007, 12:35 PM

إقتباس


	بكرسي الشي الثاني لما دخل أبو سلطان يحيي الجماهير الهلالييه ويوم جى بيطلع جته زبيريه بالله هذا جمهور هلالي بالعكس هؤلاء جماهير المجاااااااااااااااااااااان

علـي بالحــرااااام لو إنـي بالمـلـعب وشفت هالأشكال اللي تقول عنهم إني لأخليهم عبرهـ لمن أعتبر ..

مسوين فيها حونشيه هاهـ

آآآآهـ يالقهر وكمان انا مقهور من المباراه والمنتيجه وأحصل هالمبزره قدامي .. وربي لألعن سلسبيلهم وأخليهم يعرفوا كيف يحضرو المباراه بأدب ..

وللله تبوون الجـد الشرهه عليكم تشوفونهم ومو قادرين عليهم

لعنه الله عليهم جماهير الفقر والمسياار

اكيد مو هلاليه ولا فيه أحد يرمي على رأيس ناديه بالحذيان اكرمكم الله ..؟

آهـ يالقهر لو إني حضرت الملعب وشفتهم مسوين رجال هاه

abuliaan · #9 08/03/2007, 01:25 PM

أؤيدك وبشدة يا حبيب وهج

المبرقع · #10 08/03/2007, 01:30 PM

لا لا ووانا اخوك مامثل التذاكر المجانيه وماعليك من الشواذ

انت تقدر تدفع وغيرك يقدر

لكن وش ذنب الهلالي اللي مايقدر يدفع فلووس التذاكر

ويارب يستمر المجاني

محروم الهلال · #11 08/03/2007, 04:41 PM

^^^^

مع احترامي لك اسئل حقوي وهو يجاوبك ايهم افضل المجاني او الفلوس
انا حضرت الوحده والحزم وكان الملعب هدوء بس امس .. لاتعليقـ ..؟