عطني اذنك يامحمد ابن فيصل هنا العلاج
 

الضاهر الكل شاف المبارة امس وانحرقت اعصابة على لعيبة ادلع منهم ماشفت:cry: :cry:

ياطويل العمر والله العظيم انالهلال هالسنة مهوب مثل السنة الي قبلها:cry: من اول الموسم وهو تعبان الهلال

تبي تعرف السبب ؟

السبب طال عمرك الدلع الي تعطونة الاعبين في كل فوز حتى لو بمستوى مهزوز تصكون يطلعلي واحد من اعضاء الشرف ويصك الواحد بعشرة الاف؟؟؟؟؟؟؟؟


سؤال ليش تعطونهم رواتب؟؟؟؟


عشان يجلس ساعة في النادي وبعدين يروح؟


والله قبل ايام يوسف وسامي والغشيان يلعبون بروح الهلاااااااااااااال عشان كذا خذو الاسيوية 6 مراتs13s


اما هالاعبين الفاشلين يلعبون بروح (الريااااااااااااال) :cry:

اقطع عنهم المكافئات حتى لو فازوا بكاس العالم وصدقني راح يرجع هلال اول

وبعدين ليش مايكون فيه عقاب بعد كل مستوى متدني ؟

اخصموا رواتبهم اجلدوا الواحد لين يعرف ان وراه الملايين ارتفع الضغط والسكر عندهم:cry:


وامس شفنا ياسر وياليتنا ماشفناه والله لو مافيه مهاجم كان افضل وخاصة الكورة الي مسوي فيها مهوب اناني معطيه الشلهوب ياخي جتك كورة والباب فاضي ليش ترجع وتناولها؟؟؟؟ :mad:

وفرنانديز الشايب الضاهر دمه ديزل بطيئئئئئئئئئئئئ :upset:

والشلهوب تغير مهوب مثل قبل تنقطع منه الكور تمريرات خاطئة !! والسبة المدرب هو وشنبة:mad:


والمفرج المتفرج وجه النكبة يبدع مبارة و1000 مبارة فاشل:upset:

والخثران الضاهر كبر ان طاح ماعاد قام :mad:

هاذا الي عندي والسلام

وين الردود

فعلا الهلال فريق مكثر من المكافأت ولا الفوز على الحزم يعطي كل لاعب 15 ألف ( على ذمة جريدة الرياض)
الهلال لعب ضد الحزم بمستوى مهزوز و أخذ هذه المكافأت فأكيد اللاعبين بيتراخونط


أنا شبابي ولكن أتمنى عودة الزعيم لبطولته المحببة كأس أسيا
والنهائي بإذن الله بين الزعيم و الليث

بالتوفيق لكم

انا لا اؤيدك في كلامك

صحيح انك حطيت يدك على الجرح بس مو هذا اسلوب نقاش او ايجاد الحلول للمشاكل ... انا مو قصدي اطبل للاعبين لا بالعكس انا من المطالبين بمبدأ الجزاء والعقاب ولكن هذه المهمة مناطة بالادارة ليس بالمشجعين اللي نقدر نسوية نوصل كجماهير للادارة الهلالية استيائنا وعدم رضانا وتترك الامور الادارية والفنية لها للبت في الموضوع ولايكون ذلك بالاساءة للاعبين

ولكم تحياتي

مشكووووووووووووووووووووور ويعطيك ألف عافيه

فريقنا سئ سئ للغايه

وربي قههههر

يجب أن تستثني لعيبة مثل الدعيع التايب الغامدي ولو لم يصاب عزيز لكان فيه كلام آخر
وإلا القحطاني أمس ما سوى ولا ردريقاو
أنا لا أغتذر للاعبين لكن أقولكم شيء الحكم أمس حرمنا من هدف الشلهوب الصحيح 100% مافيه غبار عليه وأنا أقول أسلوبك في عملية الجزاة شنيع والجلد للمدارس مو للأندية الكبيرة وأنشاء الهلال يرجع للمستوى المأمول ولكم تحياتي