باردايمي احس انه خطيييير

الصراحه موضوعك حلووووو ومفيد اول مره احس اني استفيد من وقتي
بقراية شي , بجد العالم تقرا وتتعلم وانا اقرا علشان انجح بس , يعني برادايمي ماعنده سالفه مثلي

بس بجد انت مميز في المنتدى بردودك ومواضيعك مره علمي بحت ومره زحفي بحت هههههههه

مشكووور على الموضوع وعلى السؤال

~~ راشد ~~

راشد إسم حفره الحب في قلبي ...

إقتباس وصدقني أن قرأته أكثر من ثلاث مرات وفي كل مرة كأنني أقرأه لأول مرة ( لايقول بارادايمك أنني بطئ الفهم

هههههههههه اه من الباردايم السلبي اه

إقتباس ( تصور لو رأينا إمرأة متبرجة فهناك من ينبهر لجمالها وهناك من ينقهر لمعصيتها ,, هل التصور صحيح ؟

أعتقد ان هذا التصور له علاقة بالجانب الديني للشخص اكثر من كونه باردايم لكن لو قلنا ان احدهم قال هذه المرأة كذا وكذا من الصفات السلبية اما الاخر فقال لا ربما ان فيها كذا وكذا من الجوانب الايجابية فهذا هو الباردايم ...

إقتباس هل كنا نتصور أن يكون الجوال بييننا بهذا الشكل وبهذا الإنتشار أو إنتشار القنوات الفضائية ,, إذا كنت فهمت المعنى فقل لي ؟

بصراحة لو جاني واحد قبل عشر سنوات وقال لي بيصير عندك جوالين واحد اتصالات والثاني موبايلي
وعندك خدمة الجيل الثالث وتتكلم مع اللي تبي صوت وصورة بوديه عند الشيخ الغرابي يقرا عليه

شكرا لك راشد هذا التواجد الرائع ودمت بخير ,,,


^^^^^^^^^^^^^^^^^^^^^^^^^^^^^^^^^^^^^^^

~~ رائدة الزعيم ~~

المبدعة المتميزة رائدة الحرف ...

حروف تنبض .. ابداع يتحدث .. تواجد مذهل ..

تميز لا يضاهى ..

أخيتي ...

قلتها واقولها مرة أخرى رائدة هي الاولى بلا منازع ..

شكرا لك تواجدك الجميل ودمت بحفظ الله ورعايته ,,,

^^^^^^^^^^^^^^^^^^^^^^^^^^^^^^^^^^^^^^^

~~ مطيع الهميمي ~~

اهلا بك اخي الغالي الحبيب مطيع ...

انت من يكبر عندنا كل لحظة ويزيد حبنا لك مع كل حرف ..

اخي الغالي حقاً انه تواجد جميل وكلمات راقية بنكهة المبدع المميز مطيع ..

شكرا لك اخي الحبيب هذه المشاركة وهذا التواجد ..

واتمنى لك برادايماً جميلاً :p

دمت بخير وعافية ,,,

^^^^^^^^^^^^^^^^^^^^^^^^^^^^^^^^^^^^^^^

~~abu_riman ~~

هلا وغلا بالغالي المبدع ابو ريمان ...

إقتباس ماجد عاد بشكل مختلف !!

وبرادايم جديد أيضاً ابوريمان حقيقة انا لم اغب ولكني كنت على الصامت

اما بالنسبة لمعنى الباردايم فهو نظام التفكير ..

وعلى طاري التفكير ذكرت موقف وهو ..

اني كنت واقف عند باب القاعة ;) في الدورة وجاء رجل كبير في السن وقرأ اسم الدورة نظام التكفير

طبعاً طلع له نخل في راسه وتعجب وبدأ يحقق معي لين فهمته انه تفكير مو تكفير

ويرجع أصل كلمة البارادايم إلى اليونانية «Paradigma» وهي تعني مثالاً أو نمطًا أو نموذجًا.

اخي الغالي ابو ريمان ...

شكرا لك تواجد الجميل وبتظار عودتك ..

دمت بخير ,,,

^^^^^^^^^^^^^^^^^^^^^^^^^^^^^^^^^^^^^^^

~~ ابو راس ~~

هلا وغلا بابو ارس ...

ومشكور على تواجدك الجميل ومرورك الرائع ...

بالفعل البارادايم لازم يكون واسع ومرن يستوعب كل الاراء والانتقادات ..

وصاحب الباردايم الضيق هو المتضرر الاكبر من باردايمه ...

وأنا اعتقد ان بين الباردايم الايجابي والسلبي شعرة

شكرا لك اخوي ابوراس ودمت بخير ,,,

^^^^^^^^^^^^^^^^^^^^^^^^^^^^^^^^^^^^^^^

~~ فرصة ضايعة ~~

هلا بأخطر فرصة ضايعة في المنتدى

ونجي لنقاط اللي قطعت نياط بطني

إقتباس هلا والله بمدربنا المقبل ماجد ....

هذي نمبر واحد وتدل على بلاغتك هههههههههههههههههههه

إقتباس تصدق عاد أني حلمت بالبارادايم ... من زود إعجابي فيه

هذي نمبر تو وتدل على انك من جد منسمة مع سبق الاصرار والترصد هههههههههههههههههه

إقتباس إيه عطنا كذا من الدورات اللي تحضرها خلنا نستفيد بدون لا ندفع شي >>>> الله من القعاطه

هذي نمبر ثري وتدل على قمة الدجة مع حب طلب العلم هههههههههههه

إقتباس جا ببالي أحد الأعضاء يوم قريت الكلام

هذي نمبر فور وتدل على انك انواع التدقيق والتحجير ههههههههههههههههههههه

الا صحيح من هو هذا العضو

إقتباس ودي اسوي كم نسخه لهالمقترحات واوزعها على ناسن واجد يمكن يفيد

هذي نمبر فايف وتدل على انك كااش وما عندك وقت ههههههههههه

فرصة شكر لتواجدك المميز ولنا لقاء مع ردك الثاني انشاء الله ...

الى ذلك اللحين نستودعكم حفظ الله ورعايته ,,,

^^^^^^^^^^^^^^^^^^^^^^^^^^^^^^^^^^^^^^^


~~ بنت الزعيم ~~

اهلا بالمبدعة المتألقة بنت الزعيم ...

تواجد جميل ومشاركة رائعة ...

أشكرك على كلماتك الرائعة التي تدل على طيبك وأدبك ..

ومرورك المميز الذي سعدت به كثيراً ..

قصة الدكتور مع المدمنين مضحكة الى حد ما ولكن ...

وش نتوقع يصدر من ناس عقولهم مقفلة

بنت الزعيم تواجد رائع ومميز..

شكراً لك ودمت بخير ,,,

^^^^^^^^^^^^^^^^^^^^^^^^^^^^^^^^^^^^^^^

~~ نــ15 ـــمر ~~


هلا وغلا اخوي متعب

وش سالفتك لا قي علبة ألوان طايحة :p

خط مايل ولون مدري وش يبي وحركات جديدة

لا لا لا منت بمضبوط ابد ها اليومين :p

إقتباس ابد قارى الموضوع كله

أفلقني ياشيخ هههههههههههه

أنا من يوم ما شفت ردك داري انك ماشي بالبركة ههههههه

عاد انت يامتعب لو تدخل وتضحك بس يكفيني

يعطيك العافية اخوي الغالي وبنتظار عودتك >>> ;)

دمت بخير وعافية ,,,

^^^^^^^^^^^^^^^^^^^^^^^^^^^^^^^^^^^^^^^


~~ جرح يشكي ~~

هلاااا وغلاااا بالمبدع اخوي جرح يشكي ...

وش دعوه يالغالي والله احرجتني بكلماتك الكبيرة ..

التي أحطتني بها مشكوراً رغم اني لا أستحقها ...

اخوي محمد ..

يارائد الفضاء

أسعدني مرورك وتواجدك وتوقيعك

والله يعطيك العافية على ها المشاركة الجميلة جداً ..

واما بالنسبة لرسالتك فهي من القلب خرجت وبالدمع كتبت ...

ربما انك أظهرت جانب أخر من الموضوع في هذه االرسالة

يدل على نقطة جميلة وهي ان برادايم ألاجداد لم يكن يتصور

ما حال بنا الحال بعدهم ...

حقيقة لفتة رائعة جداً ...

شكرا لك اخي الغالي محمد ..

ودمت بحفظ الله ورعايته ,,,

^^^^^^^^^^^^^^^^^^^^^^^^^^^^^^^^^^^^^^^


[CENTER] جاني شد عضلي بكمل بعدين انشاء الله :p

على فكرة اللي وده يتوسع ويتبحر في هذا الموضوع يقولي ويبشر انشاء الله

دمتم بخير ,,, [/CENTER

ابو مقبل تدري انك رهييييب ولا ماتدري

بس بيني وبينك انا قريت عنوان موضوعك اول شي قلت وش يبي ابو مقبل هو وبارادايمة ذا

بس يوم قريت الموضوع وفهمت وشو البارادايم تغيرت نظرتي<<وش تسمي الباردايم هذا

بس ياخوي ورا اسمه صعب وش ذا الاسم يروع

وعلى فكرة الف مبروك صرت قلم قدير بالتوفيق لك خيو;)

بس بقولك شي

ياخي كل ماقريت اسمك تذكرت ماجد الشبل مدري وراه

عوافي على الموضوع مجودي

.

... ختييير سراحه هازا العلم ...

... جميييل .. بل مفييد ...

... تمتعت في قراءته ...

... أعجبني المحتوى بشكل ...



... سوكرن على الموزووع

^-- مااااااقد كل يوم اكتوب <--

.

~~ صدى الأمس ~~

اهلين سعادة العميد صدى ...

الا صدى وش رايك اعطيك أديب وتعطين عميد هههههههههههههههه

ياحبي لك اخوي صدى ومشكور على مشاركتك الي ترد الروح

إقتباس قرأت الموضوع اكثر من مره .. لكن كل ماجيت برد احس اني مافهمت شي !!

هههههههههههههههههههههههههه
عدي صدى ترى دايم تصير ها المواقف مع المبدعين
بس اهم شي ان الفكرة وصلت ;)

إقتباس اعذرني موضوعك واضح بس انا اللي مقفل !!

ياخي حتى وانت مقفل ما حلاك ماحلاك هههههههههههههههه

شكرا اخوي صدى على ها التواجد الجميل وسلمت يداك ...

دمت بخير وعافية ,,,

~~~~~~~~~~~~~~~~~~~~~~~~~~~~~

~~ البارق ~~

ياهلا وغلا بالغلا كله ...

حيا الله مشرفنا الرائع والغالي والحبيب البارق 2007

إقتباس يعني نقدر نقول إن لكل شخص نافذة خاصة ولون خاص يرى بها الآخر أو الموقف ..

ماشاء الله اخوي البارق فاهم الدرس مضبوط بعطيك 10/10 تستاهل هههههه

إقتباس طيب هل يوجد تحديث أو ( أبديت ) لإصدار الباردايم حقنا ..

ياشيخ في ناس ما ينفع معهم التدحيث و ناس يبيلهم اعادة تشغيل وناس يبيلهم فورمات

وبعض البشرمقفل ما ينفع فيه شي الهاردسك عنده مضروب هههههههههههههههه

بالفعل الإنسان يستطيع ان يتحكم في برديمه ويزينه ويغيره ايضاً متى ما ارد ذلك ..

البارق شو بحكي فيك لحكي ... ;)

كبير ورهيب وذوق وفتيت كوره هههههههههههه>>> الاخيرة مدري وش جابها

شكرا لك من هون الى هنيك من اليوم الى ابد الدهر على كل شيء ..
ودمت بخير وعافية ,,,

~~~~~~~~~~~~~~~~~~~~~~~~~~~~~


~~ ...SoMe OnE... ~~

أهلا بك أستاذي المبدع رماد الحرف ...

تواجد يعني لي الكثير ..

ومشاركة رسمت البسمة والفرحة على قلبي ...

سرني حديثك الرائع الذي غمرتني فيه بثنائك ..

اتمنى ان اكون عند حسن ظنك دائماً ..

شكرا لك اخي الحبيب رماد الحرف من اعماق قلبي ...

ودمت بحفظ الله ,,,

~~~~~~~~~~~~~~~~~~~~~~~~~~~~~


~~ أميرة الإحساس ~~

أختي المبدعة ..

الاديبة الرائعة المتميزة ...

بصدق .. مرورك هذا ومشاركتك هذه ضرورية ولو بكلمة ...

فحضورك يعني لي الكثير ..

اتمنى ان تقضي مع البرادايم وقتاً ممتعاً ..


وشكرا لك تواجدك الجميل والرائع وكلماتك العذبة النقية..

حفظك الله ودمت بحير وعافية ,,,

~~~~~~~~~~~~~~~~~~~~~~~~~~~~~

~~ الكلاسيكي ~~

اذا كنت تريد ان ان ترد على الكلاسيكي فعليك ان تدعو الله باخلاص على ان يسهل عليك امرين ..

الاول : ان يسهل عليك مجاراة هذا الإنسان الرائع والمذهل بكلمات تليق بفخامته وذوقة وأدبه ..

الثاني : ان يعينك الله على تفسير بعض كلماته واخطاءه الأملائية ( الجميلة )ههههههههههههههه

اخي الحبيب عادل ..

شو بحكي لحكي ... وانت الحكي كلو

إقتباس خلنا في الموضوع .. كيف باردايمك ؟

احم احم برادايمي منعفس الله يستر منه بس ماشي جالس أسمكره الله يعيني :p

إقتباس وسبق وان سالت الاخت تغريد عن شخص له تاثير في المجتمع او شخصيه اعجبتك وبدون تردد قلت الدكتور ايوب الايبو .. بجانب ميسره .. وانت الثالث

منهو أنت ؟؟ لا يكون تقصد الدكتور انت لامبراد هههههههههههههههه

والنعم فيهم كلهم بس انت ارسلي اللي خبري خبرك هههههههههههههه

إقتباس هذا مانخشاه .. ان نعود لصفر بشكل سريع ولسبب تافه ..

صدقني انك جيت على اهم نقطة في الموضوع (( العودة للصفر ))

ماشاء الله عليك قارئ بطل ههههههههههه>>> عليك اسلوب :p

إقتباس دمتي في رعاية الله

عاد هذي مالها داعي ههههههههههههههههههههههههههه

الله يرج ابليسك يالكلاسكي ..

يالغلا اسعدتني جدا بتواجدك الرائع وكلماتك الجميلة ...

حفظك الله في حلك وترحالك .

ودمت بخير وعافية ,,,


~~~~~~~~~~~~~~~~~~~~~~~~~~~~~


~~ رعبوبة الزعيم ~~

هلا وغلا بالمبدعة رعبوبة ...

حياك ربي .. بصراحة منور الموضوع بمشاركتك

المتميزة والإستراتجية الرائعة في تلوين الرد ..

شكرا لك رعبوبة كلماتك وثناءك ..

وأنت بعد ترى غيابك واجد بس عذرك ثالث ثانوي

الله يعينك وتتخرجين وتطلعين الاولى على مدارس العالم

سعدت بتواجدك اخيتي والله يعطيك الف مليون عافية ...

دمت بخير ,,,

~~~~~~~~~~~~~~~~~~~~~~~~~~~~~

شكراً لكم أحبتي ولي عودة إنشاء الله قريبة

ياهلاااااااااااااااااااا بماجد مقبل ..

ياااخي اول مرة اسمع بكلمة بارادايم <-- جلست خمس دقايق اكتبها

صراحة موضوع جدا جدا جدا رائع وقيم ويستحق 5 نجووم ذهبية ..


الفايدة لكل من بارادايمه الخاص به وقليلا مايفهم البعض بارادايم الاخر

دمت

السلام عليكم ورحمة الله وبركاته

~~ فرصة ضايعة ~~

نوبتن ثانية ..

إقتباس وش رايك مب هذا نفس مثالك عطني أنت وش تشوف بهالوحه ... خلنا نشوف بارادايمك

بالظبط فرصة هذا هو البارادايم بزاتو

ماشاء الله تستاهلين منتاز هههههههه

هذي اللوحة تذكرني بالعضو لوحة مميزة ههههههههههههه

>>> برادايمي مهوب سهل

اما اللي اشوفه في ها الصورة فهو ..

انها صورة ابدع فيها رسامها حيث ارى انه استطاع ان يوظف مهوبته الجميلة

في فن الرسم ويخرج لنا باللوحة رائعة جمع فيها بين مشهدين يمثلان نمطين وصورتين

مختلفتين في هذه الحياة ..

فتجدني ارى في هذه اللوحة منظر لصورة الحب والترف ومشهد لصورة المأساة والفقر ..

كلا المشاهدين يلتحمان في لوحة واحدة ومكان واحد ووقت واحد ..

مع شاسع الفرق بينهما ..

بالفعل انها رسمة فنان ...


ها وش رايك في بارادايمي ههههههههههههههه

شكرا لك ايته المبدعة فرصة هذه الاضافة الجميلة ...

دمت بخير وعافية ,,,

~~~~~~~~~~~~~~~~~~~~~~~~~~~~~

~~دلع-20 ~~

مرحبتين وسهلاوتين بالمبدعة دلع -20 ...

شكرا لك تواجدك وكلماتك اختي الرائعة دلع ..

والحمد لله ان بردايمك ايجابي ودوم انشاء الله ..

واخيراً عرفت معناها العلمي " البارادايم" <= قاعده اكررها كم مره علشان اقولها بكره للبنات..
افااااااا ما اتفقنا على كذا .. حقوق النشر محفوظة هههههههههههههههههههه:p

^
^
^

لكل عضو وعضوة

اما من ناحية النمطيين فان كانوا حولك الله يعينك عليهم ..

بس ترى النمطيين لهم افكار واراءء ويستفاد منهم ومن الممكن تغييرهم خاصة اذا كنت من الرواد ..

شكرا لك دلع فقد سعدت بك وبحروفك ..

دمت بحفظ الله ورعايته ,,,

~~~~~~~~~~~~~~~~~~~~~~~~~~~~~

~~ iq1399 ~~

هلا وغلا بالغالي محمد ( المنقذ )
اجل لايفتى ومحمد في الزعيم ههههههههه
منور الحتة يابيه ويا هلا وسهلا ..

إقتباس قرأت الموضوع في حدود الثانية والنصف صباحاً .. ووقتها لا عين ترى بشكلٍ مميز , ولا عقل يستوعب ما نظرته العين ! لإنعدام الرؤوية والفهم في هذا الوقت المتأخر من الليل ..

الله يهديك يامحمد سهران ومسهر موضوعي معك
انا اقول وشفيه تعبان صباح ذاك اليوم أثريك انت السبب

إقتباس هارد لك لـ عشاق الملكي ! ومبروك لـ البرشا التعادل

من جد يحمدون الله على التعادل الصعب ..

إقتباس اخاف ارد واسهب بالكلام ويضيع علي الوقت , بإذن الله ابرجع له بكره واقراه ثانية عشان اقدر اكتب رد مناسب

تسلم والله محمد والله يعطيك العافية على تواجدك رغم تأخر الوقت وانعدام الرؤية وحياك الله في أي وقت واي موضوع واي مباراة ههههههههه

دمت بخير وعافية ,,,

~~ مجد ~~

مرحبا بالمبدعة المتميزة مجد ..

إقتباس هو رؤية الشخص لموضوع معين و التي بالتأكيد تعتمد على طريقة تفكـيره من واقع تجارب أو رؤى معينة أو ظـروف محيطة.

ممتاز هذا هو بعينه الباراديم

إقتباس يشتـرك البعض في ذات الباردايم في موضوع معين أو عدة مواضيع حتى و إن اختلفت أجيالهم و تباعدت ديارهم.

قد يشترك البعض في البارادايم كم انهم قد يختلفون

إقتباس الشخص الواحد لديه عدة باردايمات أو ربما واحد, أحدهما يتولد بسرعة بمجـرد رؤية الشيء و الآخـر يتولد بعد التفكير العميق.

الشخص لديه برادايم واحد لكنه يستطع ان يتحكم فيه
ان يوسعه او يغلقه يجلعه ايجابي او سلبي ..
لكن اذا رأى صورة جديدة فانه ينشئ له ملف بناء على بارايمه

شكرا لك تواجدك الجميل مجد والله يعطيك العافية ...

دمت بخير ,,,

~~~~~~~~~~~~~~~~~~~~~~~~~~~~~

~~ ابو يارا المغترب ~~

هلا بالغالي ابو يارا ..
شخبارك انشاء بخير حبيب قلبي ..
الا وين الحركات بتاعك ..
اللي كنت تحطها في الردود ..
ياشيخ حطي لو وردة واحدة بس ..

إقتباس صراحه احس ان مخي انلحس من موضوعك

ماش عنك مشكلة في الباراديم ههههههههه

إقتباس وانا مع نمر15 وردهـ...

عز الله جبت العيد مالقيت الا رد نمر15 ..
ابو يارا اترك عنك نمر تراه دجة وشد حيلك
واقرا الموضوع مرة ثانية هههههههه

اخوي الغالي تواجد جميل أسعدني كثيراً ..
الله يعطيك مليون عافية ..
ودمت بخير ,,,

~~اسيرة الزعيم ~~

اهلا بالمبدعة المتميزة اسيرة الزعيم ..

شكرا لك اختي اسيرة هذه الكلمات وهذا التواجد الرائع ..

إقتباس البعض يعتقد أن " برادايمه " من المسلمات التي لا تقبل التغيير ! واقتناعه بهذه الفكرة هو ما يصعب تغييرها !

بالفعل هذا اعتقاد خاطئ وهو بحد ذاته مشكلة ..
وفي هذا الجانب اعجبتني مقولة أظنها لنابليون
انه كان يقول لجنوده ..

لا تقل لا استطيع ولكن قل سأجرب
ولا تقل صعب ولكن قل سأحاول ..

>>> شكلي عفست الحكمة وجبت العيد

إقتباس أشكر لك هذه النزهة الممتعة حقاً .. وأنا أقرأ موضوعك .. زار فكري " بارادايمات " أشخاص كثر

والشكر لك ايضا دكتورتنا اسيرة
بس عسى الباراديمات اللي جات على بالك كويسة :p

دمت بخير اسيرة والله يرعاك ,,,

~~~~~~~~~~~~~~~~~~~~~~~~~~~~~~~


~~ سفير الزعيم ~~

هلا وغلا بالغالي سفير الزعيم ..
يالله ان تحييه ومنور ياشيخ ..

إقتباس باردايمي احس انه خطيييير

هههههههههههه ماشاء الله عليك
عاد تصدق والله اني احس ان براديمك خطير
الا كلك خطير ورهيب وذوق واخلاق ..

إقتباس بجد العالم تقرا وتتعلم وانا اقرا علشان انجح بس , يعني برادايمي ماعنده سالفه مثلي

نو نو نو كلنا نذاكرونبي ننجح لكن الواحد يحاول انه يستفيد
وينظر الى الدراسة على انها نجاح + علم ومش حيخسر حاجة
وبعدين اذا انت عارف ها النقطة فابشرك ان برادايمك 100/100

إقتباس بس بجد انت مميز في المنتدى بردودك ومواضيعك مره علمي بحت ومره زحفي بحت هههههههه

والله اخوي الغالي هذي شهادة اعتز وترتى المواضيع تجي حسب الجو لان بردايمي ما عنده مشكله هههههههه

سفير تسلم يا اغلى سفير في الدنيا ..:p

دمت بحفظ الله ورعايته ,,,

~~~~~~~~~~~~~~~~~~~~~~~~

~~ الهنوووف ~~

هلا وغلا بالمبدعة الهنوووف ..

وش ها التأخير كنك ما بغيتي تردين ...

>>> وش يبي ذا

إقتباس استهل لياقتي من هنـا لعل وعسى ان تعوود

الدعوه فيها لياقة عز الله رحنا فيها وينك يانمر15 ;)

إقتباس الله مير يسلمك ويهديك ماغير اهوجس بهالباردايم بالطريق الصبح بس افكر بالباردايم الحين بديت صدق الي يقول علم النفس يصيب الانسان بالتعقيد نوعا ما يعني مثلا من قريت هالموضوع صرت اركز اكثر بتفكيرالناس

ههههههههههههههههههههههههههه
بس ترى البارادايم بالنسبة لعلم النفس يعتبر نقنقه
بس كويس انك بديتي تتنزهين في بردايمات الناس
الله يعينك حتشوفي هوايل الباردايم

إقتباس الباراديم الخاص بي لاحظت فيه اموور مثلا يربط بطاقه سوا بالمعاكسات اذا شفت احد حاط سماعه جوال احس انه يسمع اغاني على طوول

أنا قايل عندك مشكلة في البارادايم هههههه

إقتباس الله يجزاكـ خير وياليت تكثر من هالنوعيه في الطرح لانه محببة لدي وتعجبني هالمصطلحات وعلم النفس على قولتهم

ابشري هنوفه عاد الموضوع الجاي بيكون انشاء الله عن الحيزبون بس علم النفس ترى يخوف وفيه قليل من الهبال فما له داعي نخش فيه .. :p :p

إقتباس والى الان اتعجب من نوبة الضحك التي اتتني بعد قرايه الموضوع

كله بسب بردايمك المنسدح ههههههههه

شكرا لك اختي الهنوووف هذا التواجد الجميل
وهذا الرد الرائع ..

ودمت بحفظ الله ورعايته ,,,

~~~~~~~~~~~~~~~~~~~~~~~~~

~~ عاشق مدريد ~~

هلا وغلا بصديقي في رابطة الريال ههههه
ها بشرني عساك صغرت الصور كل ابوهم وترى عرضي قائم إلى الان اذا ماشتغل معك البرنامج اللي دلك عليه iq1399

إقتباس بس يوم قريت الموضوع وفهمت وشو البارادايم تغيرت نظرتي<<وش تسمي الباردايم هذا

ههههههههههههه هذا يسمونه البارادايم المدريدي وهو احلى برادايم بس فيه تنسم شوي

إقتباس بس ياخوي ورا اسمه صعب وش ذا الاسم يروع

أي والله معك حق قسم بالله جلست شهور لين ضبطته
يعني قضت الاسامي ولا لقوا الا البارادايم
ياشيخ من جد يبيله برادايم جديد اللي أسس ها العلم :p

إقتباس ياخي كل ماقريت اسمك تذكرت ماجد الشبل مدري وراه

يؤيؤيؤ يالله .. يا انت قديم والله من زمان ما له حس ماجد الشبل
عاد انا كنت اتشقق عند برنامجه مسابقات حروف في رمضان ايام القناة الأولى وعلى فكرة سمعت انه مريض الله يشفيه ..
بس يمكن وجه الشبه بيني وبينه وبين ماجد فرحان اللي كان في إذاعة لندن >>> الوالد يقدره ;)
اننا كلنا إعلاميين .. >>> احلى ههههههههه

تسلم والله اخوي الغالي عاشق مدريد هذا التواجد الجميل
وهذه الكلمات الرائعة ..
والله يعطيك العافية ,,,

~~~~~~~~~~~~~~~~~~~~~~~~~

~~ محبوبة الزعيم ~~

هلا وغلا ومرحبا وقود نايت ..

بصاحبة الافكار المنسدحة والخيال المتفتق هههههه

تواجد رائع بنكهة محبوبة الخاصة وكلماتها المميزة
واسلوبها الجميل ..

محبوبة اعتقد انك في تصنيف البارادايم ضمن المبدعين ..

إقتباس ... سوكرن على الموزووع ^-- مااااااقد كل يوم اكتوب <--

والله مافيك حيلة هههههه

شكرا محبوبة والله يعطيك العافية ...

دمت بخير ,,,

~~~~~~~~~~~~~~~~~~~~~~~~~~

~~ مرسول الهلال ~~

هلا بك اخوي الغالي مرسول ...

وينك مختفي انت وبرادايمك ههههههههههه

مشكور على تواجدك وبيني وبينك بغيت اقولك رد ياشيخ بس سبقتني

إقتباس صراحة موضوع جدا جدا جدا رائع وقيم ويستحق 5 نجووم ذهبية ..

صار الموضوع فنيلة المنتخب البرازيلي

الغالي منصور اتمنى انك اسمتعت في البارادايم ..وسبحت فيه وغصت في اعماقه

وفي ناس برادايمهم مشكلة اذا شافوك تاكل سوفييله قالوا خيانة ههههه

تسلم مرسلول والله يعطيك مليون عافية ..

دمت بخير ,,,

~~~~~~~~~~~~~~~~~~~~

شكراً لكم احبتي جميعاً ,,,

موضوع رائع

it couldn,t be better



سطر ابداعاتك ونحن خلفك ايها القلم المبدع.

سلمت أناملك أخي ماجد على الموضوع الرائع

إطروحه رائعه منك ومعلومات جديده وهذا ليس بمستغرب عليك

في الأخير
الف مبروك اللقب وتستاهل اخي ماجد

وبالتوفيق

إقتباس وفي ناس برادايمهم مشكلة اذا شافوك تاكل سوفييله قالوا خيانة ههههه

ماعليك بيتغير البرادايم اذا رحنا حق الروضة وطلع احلى خخخخخخخخخخخخخ

إقتباس ماجد مقبل قلم أديب بالمجلس العام

مبروك
الف مبرووووك