|
أقل اللاعبين أخطاء ضد الكويت+وش يسوي سيريزو والشلهوب +(نقطه مهمه الكل يدخل)من المسئول السلام عليكم ورحمة الله وبركاته أول شي هارد لك الهزيمه بالتعادل وأمس أمتعونا نجوم الزعيم بتضييع الفرص ووالله ما زعلت مثل زعلي على كورتين الأولى هجمة التمياط اللي ضيعها والثانيه يوم الحارس متقدم للركنيه وجت هجمه مرتده للهلال والحارس عند باب الهلال ولكن التايب قاعد يتفنن وينتظر الحارس يرجع عند الاوت وماضيع مباراة أمس الا استهبال اللاعبين ولكن الكل أخطأ والكل نكب الا كم لاعب فقط أولهم الجندي المجهول اللي محد جاب طاريه مع أنه كان ماسك وسط الهلال ولا نكب ولا مره وهو عمر الغامدي الثاني الدعيع مع أنه تسبب بالهدف الا أنه أنقذ أكثر من هدف وأيضا التايب لولا أنه (فقع كبدي)بالكوره اللي يوم يتقدم الحارس وقد يكون رابعهم العنقري الا أننا ما شفنا منه ولا طلعه هجوميه الا اذا كان من توجيهات وخطة المدرب وبالنسبه للهدف الدعيع يتحمل خطأه من ناحيتين طلعته الخاطئه والثانيه نعرف أنه بالركنيات لازم لاعبين يمسكون زاويتي الباب ولكن ما جاء ولا لاعب وهذا من جهلهم ولكن حارس خبره مثل الدعيع المفروض هو اللي ينادي اللاعب المناسب ويمسكه العارضه وكذلك الكابتن المفروض يوجه ولا كابتن على ايش عالعموم هارد لك وان شاء الله يعوضون الشباب بالكويت ----------------------------------------------------- وبالنسبه لسيريزو المفروض ما يطلع القحطاني يطلع الشلهوب لأنه بالشوط الثاني الظاهر ولا مناوله صح وأيضا ما عنده نزعه دفاعيه يعنه مدري ايش الفايده يوم تركه يلعب والموضوع اللي قلته بالعنوان وش يسوي سيريزو والشلهوب كتبته لكل من طالبوا بلعب الشلهوب أساسي المدرب أدرى منكم كان يدخله بالشوط الثاني ويقلب المستوى والنتيجه ومهب عيب أن اللاعب يقعد احتياط ويدخل الشوط الثاني الثنيان الله يذكره بالخير كان دايم يدخل الشوط الثاني ويقلب النتيجه مع الهلال والمنتخب وكثير لاعبين عالميين كذا روبن مع تشلسي يقعد احتياط ومافيها شي ومهب العيب باللاعب يمكن الخطه ما تصلح للشلهوب أساسي الشلهوب بمستواه وفنه وتمريراته يستاهل أساسي بكل المباريات لكن قبل كان يدخل الشوط الثاني وتنقلب النتيجه للهلال والجمهور يقول نبغاه أساسي بدال التمياط ومسوين ازعاج لعب أساسي وبصراحه كان ضاااااايع الشوط الثاني ما أدري لياقه أو أنه نزل مستواه مع نزول مستوى اللاعبين واستهتارهم أنا ما أتكلم عشان الشلهوب الشلهوب يستاهل أساسي ولكن أتكلم واقول المره الثانيه اتركو المدرب براحته هو أدرى منا ويحط التشكيله اللي تجوز له عالعموم هارد لك مره ثانيه على التعادل وبالتوفيق بالمباريات القادمه |
غيره بغيره |
امس صراحه استغربت لعب الخثران تسرع باصات غلط اغطاء بالهبل مدري وش جاه ........ |
أفضل لاعب الدعيع بلامنازع أمس دفاع الهلال رايح فيها. |
مثل اللي فوقي امس الدعيع هو نجم المباره بس الله يصلحه يوم تقدم ضيع الفرصه :( |
إقتباس:
وفزنا في الشوط الأول وجاء الشوط الثاني وطاح مستوى الشلهوب وخسرنا بالتعادل صورة مع التحية للي يبغون الشلهوب اساسي قلنا لكم تكتيك مدرب يرهق الخصم في الشوط الأول وينزل الشلهوب الشوط الثاني ويكون متحمس ويحسم المباراة بس لا حياة لمن تنادي |
أنا اللي أبي أعرفه أن تفاريس أمس وش قاعد يسوي ؟؟؟؟؟؟؟؟ |
صدقونى مشكلة نادى الهلال فى الجزء الخلفى اى انه دفاع الهلال بما فيهم حارس المرمى لازم يتغيرو لانهم مش قد اللعب فى نادى كبير مثل الهلال بكل صراحة وكورة القدم مافيها مجاملات تأدى كويس تلعب اساسى وفى كل مباراة تأدى غلط تروح تشوف نادى تانى وهذا رأى بالنسة الى تفاريس والمفرج والختران اووت والدعيع السن ليها دور |
إقتباس:
تافاريس هو من شال الدفاع عند تقدم العنقري الدائم ويترك الخانه طريق سريع |
الوعد الاحد |
المشكلة امس ما كانت بمتوسط الدفاع كانت بالوسط والهجوم والخثران والعنقري |
كبوة جـــــــــــــواد خيره في غيره |
بصراحة تعادل بطعم الخسارة وفية كم لاعب على استفهام كبير الله يستر من الجاي بس |
والله امس الهلال لا يوجد لاعيبه يلعبون بروح سوا ابو عبدالعزيز والخطاء الهدف لالثاني هو خطاء المفرج اللي مغطي المدافع والدعيع ابتلش واخر شي يجي المفرج ويفر جسمه ويترك اللاعب والكورة صراحة امس الاسطورة محمد الدعيع ماقصر امس وسوا كل شي واخر شي تجون وتسبونه وش هالنكران منكم |
الشلهوب يجب أن يكون اساسيا وكوره الخاطئة قليلة ومرر أكثر من كرة سليمة للقحطاني لو اسثمرها لكانت اهداف لم يكن مستوى الشلهوب ولكن الشلهوب لم يكن سيئا وافضل من لعب بعد الدعيع الشلهوب والتائب أنت لاتنظر للاعب أن يكون في أوج مستواه إلا إذا كانت المجموعة كلها متوهجة يكون توهج اللاعب مكتمل نطالب بالشلهوب اساسيا دائما الخطأ الذي اخطأه المدرب اخراج ياسر وادخال التمياط لو اخرج فرناندوا فقط لكان افضل الشلهوب لم يكن له من يسانده كيف تريد لاعب يقدم مستوى والخثران الظهير المساند للشلهوب كان في أسوأ حالاته والتائب ركز على تمرير أكثرا لكرات للجهة اليمنى رجاء لاتنظرون للاعبين بنظرة أنني أريده في أوج مستواه والفريق ككل سيء حتى التائب الذي كان نجما لم يكون الشوط الثاني مثل الشوط الأول بل قل توهجه هي غطلة مدرب في الابقاء على ردريقوا كل هالوقت وكأنه مدافع خامس للكويت |
| الوقت المعتمد في المنتدى بتوقيت جرينتش +3.
الوقت الان » 09:30 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd