08/03/2007, 03:49 AM
|
| زعيــم فعــال | | تاريخ التسجيل: 03/12/2005
مشاركات: 418
| |
الي يشجع الزعيم بصدق يدخل
بسم الله الرحمن الرحيم
صباح الخير لجميع جماهير نادي الهلال وهاردلكم على المستوى قبل النتيجه.
أخواني جماهير الهلال اوجه لكم انتم الرساله قبل اللاعبين والاداره .محب أتفلسف كثير ولكن بسالكم كذا سؤال وجاوبوني بصراحه ليه كل هالقسوه على لاعبينا ليه كل هالالفاظ الخارجه عن الادب والذوق العام قبل أي شيء قاعدين تتشمتون في منتديات الانديه الاخرى وانتم تسيرون على منوالهم نعم اعرف الي فيكم من غبن واعرف الي فيكم من قهر وانا منكم اقسم بالله العظيم اني بكيت ودمعت عيني ولكن ابي ناخذ الامور بموضوعيه لو فرضنا ان هدف التعادل لم ياتي للفريق الكويتي وش بتكون مواضيعكم مدح وقصائد وبسط طيب المستوى هزيل بيقول احدكم اهم شيء النتيجه على عيني وراسي بس بالامس القريب قدم الهلال مستوى اكثر من سيء امام الحزم وربي وفقنا وفزنا بتوفيقه ثم بمجهود الكابتن القدير سامي الجابر وضعف حراسة المرمى الحزماويه وبعدها نثرنا قناديل الفرح واشعلنا شموعها وكاننا حققنا البطوله وقلنا يالله يمكن اللاعبين مركزين على آسيا وجا اليوم مستوى اكثر من سيء روح معدومه باستثناء محمد الدعيع المهضوم حقه من جمهورنا الكريم وسجلنا هدف غير شرعي واضاع الكويت الكويتي الهجمه تلوى الاخرى حتى حققوا التعادل المستحق طيب بسالكم بالله لو فزنا هل بيطلع الامير بهالتصريح وهل بتنفعلون هالانفعال لا والله ولكن التعادل جاء ليفيق الهلال وجمهوره من سبات أننا الأفضل نعم نحن الأفضل عناصريا ولكن فرديا اما جماعيا فللاسف لا. احبائي سؤال اخر لماذا تمنون على ناديكم بالحضور بهذه الكثافه التي تشكرون عليها هل حضرتم من اجل لاعب معين ام من اجل النادي الكيان جمهورنا العزيز قبل اسبوعين انهزم برشلونه على ارضه في دوري الابطال من ليفربول وتضائلت اماله في التاهل ولم يتاهل كما راينا بالامس ولكن بعد مباره الذهاب كانت المباره التي تليها مع فريق اتلتيك بيلباو متذيل ترتيب الدوري الاسباني وراينا كثافة الحضور والتشجيع الي ابي اوصله ليه منكون كذا يجمهور زعيم اسيا ياجماعة انا بحكم اني شفت المباراه بالتلفاز وربي المعلق المتميز عصام قاعد يتغزل فيكم انتو كل خمس دقايق يعني اتمنى شيء رغم اني متوقع اتمنى اقل شيء عشره الا 15الف في مباراة الفيصلي وربي وقسما بالله مو اعتلاء على علم الغيب لو صارت ياللاعبين يخجلون على انفسهم وتشوفون كلامي صدقوني بتكون هذي المباراه نقطة تحول رائعه للهلال شرط ان تكونو معه انتم بالاول اتمنى خلاص نوقف الحزن ونحط الحلول ياجماعه ابسال ادارة المنتدى ليه ما تتكرم علينا وتستضيف احد الخبراء مثل ابو ابراهيم خليل الزياني وبعد كل مباراه يقولنا العيوب والسلبيات قبل الايجابيات صدقوني اللاعبين يقرون المنتدى يعني لما يشوف النقد من خبير كروي ياثر فيه مع احترامي لكل المشجعين بس ترا فيه تحركات للاعبين وبعض الامور الخبراء اخبر منا فيها قبل انا اختم انا لم اوجه رسالتي الا لكم يجمهور الزعيم اما اللاعبين فانشاء الله بيرجعون مثل أول واحسن واخوي السامي كسمو الهلال كفا ووفا في رسالته لهم ودام ابو سلطان موجود مفيه خوف من الامور الاداريه رغم تحفظي على تصريحه.
اخيرا يا ادارة المنتدى اي موضوع فيه تجريح لاي شخص من منتمين الهلال حتى لو البواب حق النادي اتمنى يحذف الموضوع ولا احد يزعل ولكن لو سمعنا بالاراء الي قريناها اليوم بيتنسقون كل لاعبين الهلال ومايبقا حد فقليل من الهدوء والعقلانيه كما قال عميد الكتاب صالح بن علي الحمادي.
|
الوضع العادي
