تبت يديكم # نصراويين أخذوا مقطع سامي#قصيدة طلال لسامي السلام عليكم يازعماء .. بصراحة ياشباب يوم سامي سوى حركة تك تك بمباراة الحزم أحس إنه هزني هزه مو طبيعية - كأنه يقول شوفوا نبض قلبي الأزرق إلى الآن ينبض ويعطي ويفعل كل شئ - صرح وقال وصاح كثير وأنجز لكن الحاقد يبقى حاقد - ففي هذه المره لم يعد للتصاريح مكان بل كان المشهد خير من 1000000 تصريح - عندما نبض قلبه أمام مرأى المشاهدين في الملعب وفي البيوت - أعرف نصراويين حفظوا هذا المقطع بجولاتهم وقالوا والله إنها أقوى حركة شفناها - ليت إخواني النصراويين يدرون إنها ماهي حركة فوز بقدر ماهي شارات تحذير من قلب سامي بأنه لازال موجود ولعطائه بقية- سامي كم أحبك أو دعني أقول كم نحبك والله إنك أسرت قلوبنا. يوم شفت الحركة تحرك قلبي وأتى بكل ماعنده من مشاعر صادقه لهذا السامي وأنا ماني ذاك الشاعر لكني أملك مشاعر قويه .. وإليكم القصيدة .. بدور الثمانية كأس ولي العهد *** قدام الحزم بيومن شهير بدت المباراة وزعيمنا ماركد *** مرات يهدي ومرات يغير مر الوقت وأملنا ماجاء بعد *** وكلنا نترقب حنا والامير لين طقت روح سامي وزبد *** وصرخ حانة ساعة التغيير دخل الملعب بشموخ كنه أسد *** والعالم من الفرحة بتطير سلم وإستلم وأبرق ورعد *** وسجل وأدمى الشبك الكسير وفجأة نبض قلبه وكلن شهد *** نبض قلبه ونطق سامي here بعده حي ويعطي وجه السعد *** الله أكبر عليك أرددها يالسفير أنا طلال وحبك في قلبي وقد *** ياحبنا ياقدوتنا يالشوق الكبير وربك محد مثلك عندنا محد *** أنت كل شئ يالسام الخطير قالوا شايب ولاينفع أبد *** بعتوا الامانة ياكتًاب بلا ضمير بيعيش ناجح ومبدع للأبد *** وانتم بتلزمون المرض والسرير شاهت الوجوه ياكتًاب الحسد *** وتبت يديكم يادعاة التزوير انتهى كلامي والتاريخ شهد *** لسامي بإنجازت عددها كثير |
صح لسانك يا طلال ... صح لسانك اقولها من قلبي وربي يشهد يا طلال :) قصيدة من اروع ما سمعت عن سآمي ,, وان شاء الله يـ( تك تك ) قلب السام اليوم وتكتب لنا قصيدة بدايتها بدور التمهيد لكأس آسيا // رفعنا القبعات للسام وارتفعت عاليا ً |
رووووووووووووووعة شعورك واحاسيسك يعطيك العافية وسامي غير عن كل اللاعبين فديته القلب النابض |
صح لسانك ويستاهل سمسم |
الله يعزك ياابو بندر .. وردك شرف لي ولموضوعي .. وزي ماقلت إن شاء الله يحسمها زعيمنا اليوم - ونبدأ بفك أسر الكأس الذي بكى علينا كثييييير - |
مشكورين يازعماء على الإطراء والله يخلي لنا أبو عبدالله |
صح لسانك ياطلال |
صح الله لسانك ياطلال وفالك المليون محب هلالي ومافيك حيله وخير من يمثل سامي وتفضل أحينه لميلس الجمهور |
صح لساااااااااااانك .... |
صح بدنك يامخاوي النجوم. (لمن يهمه الأمر ) هههههههههههههه حصلت على 12% من أصوات الجمهور ألف مبروك المليون |
صح لسانك يا طلال وصوتي معكـــ |
إبدااااع × إبداااع ويكفي انه عن سامي .... وصح لسانك يالغلا ... |
طلال..... صح لسان يابعدي.... أعجبتني والله القصيدة بقوووووووووة!! الله لا يهينك يالذيب.. ولا تبخل علينا بالجديد...! |
صح لسانك .. ويستاهل النبض الهلالي .. سامي .. أحلى وأغلى الأسامي !! والله يعطيك العافيه !! تحياتي |
والله ماسطرت الا روعة أخوي ( طلال ) وصح لسانك وبانتظار المزيد s60s |
الوقت المعتمد في المنتدى بتوقيت جرينتش +3.
الوقت الان » 03:35 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd