#1  
قديم 06/03/2007, 03:49 PM
زعيــم متألــق
تاريخ التسجيل: 17/10/2006
المكان: الحين بجي
مشاركات: 1,363
مجلس محمد بن فيصل

في جميع المبارايت يحدث ما سوف انقله ولكن مبارة الحزم فرضت علي ان اكتبه وليس شي جديد ولكن اعتبروها كلمة شكر وكلمة حق...........

هذه الميزه يحظى بها جمهور الزعيم ولا غيره...............

عندما عدت بعد مباراة الحزم سألتني الوالده وين كنت ؟ قلت معزوم .. قالت عند مين ... قلت عند محمد بن فيصل رئيس النادي!! طبعا على طول عطتني ظهرها وقالت تبي قهوه بس بلا خربطه

الموقع كان استاد الملك فهد الدولي.....
المناسبة كأس ولي العهد.....
المعازيم او الضيوف الجمهور الهلالي
السالفة كانت المبارة
إلي يسرد السالفه نجوم الهلال
العشاء هدفين ما يقدر يجيبها افخم فندق
المعزب و مضيفنا هو محمد بن فيصل

وكان واقف ويباشر على ضيوفه وما كان مطلوب منه الشي هذا ولا أحد بيقوله شي..... فيه رابطه فيه مجلس جمهور فيه منظمين ناس كثير ممكن يقومون بالشي هذا...بس لأنه أصيل وكريم ما يرضى

يدخل محمد بن فيصل الملعب واول شي يسويه يلتفت ويسلم على جمهور الدرجة الثانيه ويتطمن عليهم ويشوف مرتاحين ولا لاء؟............ يقطع الملعب ويصل لمقاعد الإحتياط وقبل ما يجلس يسلم على جمهور الدرجة الاولى ..... ويروح يسلم على اخوانا المعاقين واحد واحد ويتكلم معهم ويمازحهم ويحسسهم بأهميت حظورهم ........ وبعد ما يتأكد إن ظيوفه مرتاحين يجلس وعينه على (السالفه المباراة) وعينه الثانيه واذنه على الجمهور ( ضيوفه) ويصفق لللاعبين ويحمسهم ويمتعك بقوة حماسه وحركاته ما تدري تتابعه لتعرف إنه يهتم لأدق التفاصيل ولا تتابع المباراة ......... وإنتهت المباراة بوقتهاالأصلي وبداء الشوط الثاني الإضافي........

قلت بشوف ابو سلطان ولا لقيته على مقاعد الأحتياط!! وقامت الأفكار تلعب بمخي لعب مره اقول مشى عنده ارتباط ومره اقول تعب وراح يجلس بالمنصه ..... معقول المعزب يترك ضيوفه ؟؟؟!! بديت احبط واقول لو المباراة مهمه ماراح ....... وانا اتابع الهجمات وافكر وشلون يطلع الا هذا هو قدامي امام جمهور الدرجه الثانيه يقول لي وللي جنبي والجمهور كله قم شجع ليش جالس هز الملعب ويتنقل من طرف لطرف ...... ولا إراديا قمت اضبط شماغي واقول ليتني مريت الحلاق قبل مااجي ... وكأني في مجلس محمد بن فيصل وبيجي يصافحنا ويقول لي تراك منت مشجع ما ندري عنه ........... انتوا ضيوفي .....نحترمكم ....ونقدركم...... ونسئل عنكم ..... ولو غبتوا لمناكم وعاتبناكم ..... لأني أحب ضيوفي واحترمهم ........

محمد بن فيصل يجعل استاد الملك فهد صغيرا من تواضعه ويجعلك تخجل .... يعلمك معنا عشق الهلال وخدمة الهلال...... وكل مباراة للهلال يأتيك إحساس بأنك معزوم عند محمد بن فيصل

أتمنى أن يأتيه ما يتمنا ...... وأن يبقيه للهلال أعواما واعواما فهو روح الهلال النابض ....وفعلا المشكله كيف تجزيه على ما يفعل


ما حصل هو ما يحصل دائما أمامي في كل مباراة من رئيسنا وعندما احضر اقول والله تستاهل العنووه يا ابو سلطان

ودمتم

اخر تعديل كان بواسطة » HEAF في يوم » 07/03/2007 عند الساعة » 03:03 PM
اضافة رد مع اقتباس
  #2  
قديم 06/03/2007, 04:03 PM
موقوف
تاريخ التسجيل: 22/10/2005
مشاركات: 1,321
تسلم لي على هذاء التعبير الرائع
اضافة رد مع اقتباس
  #3  
قديم 06/03/2007, 04:03 PM
زعيــم متواصــل
تاريخ التسجيل: 29/12/2006
المكان: نيويورك
مشاركات: 176
ماشاء الله عليك
اضافة رد مع اقتباس
  #4  
قديم 06/03/2007, 04:13 PM
زعيــم مميــز
تاريخ التسجيل: 05/03/2004
المكان: تايه في دنيا الران
مشاركات: 3,404
ترا ابو سلطان يمثل المشجع الهلالي على اصوله
اضافة رد مع اقتباس
  #5  
قديم 07/03/2007, 12:06 PM
زعيــم متألــق
تاريخ التسجيل: 17/10/2006
المكان: الحين بجي
مشاركات: 1,363
رناا

اشكرك على حضورك وصدقيني لو ابدعت هو السبب والهلال السبب
اضافة رد مع اقتباس
  #6  
قديم 07/03/2007, 12:07 PM
زعيــم متألــق
تاريخ التسجيل: 17/10/2006
المكان: الحين بجي
مشاركات: 1,363
أبو محمد

ما شاء الله عليه هو والله ... واشكرك على حضورك وردك
اضافة رد مع اقتباس
  #7  
قديم 07/03/2007, 12:09 PM
زعيــم متألــق
تاريخ التسجيل: 17/10/2006
المكان: الحين بجي
مشاركات: 1,363
الموهوووم
هو ما يمثل المشجع الهلالي هو النبض الأزرق في كل مشجع ولاعب واداري هلالي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:18 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube