وش اللي صار بالمدرجات بمبارات الحزم ؟؟ السلام عليكم ايها الزعماء مبروك الفوز الصعب بقدم الذئب ابو عبد الله الله يخليه لنا ادري انها متأخرة بس وش اسوي انشغلت شوووي اشكر كل من حضر للملعب في مبارات الحزم الحقيقة انا مشيت من حايل الصبح وتغديت بالرياض انا وشلتي كله لعيون الزعيم فقط لا أكثر...يستاهل الزعيم المهم من الساعه خمس العصر وحنا بالمدرجات فله وضحك ووناسه وتحليل للعب انا ولي شباب قدامي يالبى قليبكم ياشباب الرياض انوااااااااع الفله والتواضع المهم سألني واحد عن توقعي للمبارات قلت له ثلاثه صفر ثنين ياسر وواحد للشلهوب المهم اقنعته بالتوقع :D (يقالي الحمادي) وبدت المبارات واول فرصه لياسر وتعال شف الوناسه قلت ياشباب هذا اوله انتضرو:D :D وبعدها بدت التوهيقة الحقيقة لعب متواضع جدا جدا سبب صمت رهيب بالمدرجات غريب الهلال جدا غريب مناولات مقطوعه تشتيت عقم هجومي :confused: :confused: صدمه لنا صراحه وتعال شف الشلة اللي وراي سب وشتم بلاعبين الهلال الحقيقة انقهرت قطعو كل لاعبين الهلال شكلهم بس كذا جايين يتشمتون الين جت الاشواط الاضافيه ووواحد قاعد يسب بسامي وهذا مو بلاعب وهذا خلاص انتهى ارتفع ضغطي انا وولد عمي ويجيك ابو عبد الله ويسجل الهدف الاول وتعال شف الفرحه والله ولد عمي نزلة دمعته من الفرحه:thumbup: :thumbup: :thumbup: والتفت على اللي قاعد يسب ابي اشوف وجهه وكل اللي حولي يقولون وينه هذا الا الرجال منزل راسه مافرح اصلا قال ايش سهله قدام القول لو ماسجلها ماعنده سالفه ونجلس نحط عليه لين طلع من الملعب المهم الرجال طلع فقراوي قاط وجهه:D :D (شكله خلاص ماعاد يجي لمباريات الزعيم) ياعيني عليك يابو عبد الله ماخيبت ضني فيك......... مشكورين اخواني الزعماء وأوعدكم بالحضور يوم الاربعاء من اول مايفتحون البوابات.. |
الله يبارك فيك اخوي وعقبال مايفوز بالمباراه الجايه وبالنسبه للمدرجات والله مدري شف الشباب وش يقلون خخخخخخخخخخخخخخ |
ياليت كل الزعماء في حماسك لمباريات الهلال يالتمياط 999 المخلص |
ليش ماصفقتوه ولله قهر يسب سامي عندكم أفاااااااااااااااااااااااااا |
والله نزلت دمعتي بعد هدف سامي مدري ليه آه يا سامي |
الله يبارك فيك ويعطيك العافيه لكن ما تبى خوى المباراه الجايه |
الفقراوي مسكين شكله هو سبب تأخير الفوز الله يرجه ولا تنسا تاخذ الصخره خوي وتوصلون بالسلامه تحياتي |
الله يبارك فيك والذهب لا يصدا ابدا يا سامي |
سبحان الله نفس الموقف اللي صار لي كان قدامي واحد نصراوي وشغال أنتقاد في سامي وأخوياه الهلاليين يردون عليه ويتمسخرون عليه يوم جاء الهدف الأول والثاني ولا شعوريه أقوم وأصارخ في أذنه ( مسكيييييين اللي ماعنده سامي ) بدون مبالغهـ كررتها إلين طلع من الملعب وغلطان يامعاند سامي |
الله يعطيك العافيه |
عوافي |
الوقت المعتمد في المنتدى بتوقيت جرينتش +3.
الوقت الان » 02:05 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd