من هنا طالب نواف التمياط بالنجوميه في مبارة الكويت - نادي الهلال السعودي - شبكة الزعيم

ذيب الجزيره · #1 04/03/2007, 12:09 AM

ياليت قبل ماتخرج تكتب كلمه لنواف وامالك في مباره الكويت

واكيد ان نواف ما يحتاج وصيه

ولكن اللي بقوله

ان منتخب الكويت كان متعقد من نواف خصوصاً بعد كاس اسيا عام 2000

ياليت يرجع الذكريات

نواف في هذه المباره ماهو شرط يسجل المهم يبدع بفنه الراقي

وياليت من الجماهير الهلاليه وعشاق الفتى الذهبي مطالبة بذلك من هذا الموضوع لعل وعسى ان يقرأه نواااااااافنا

مع التحية · #2 04/03/2007, 12:16 AM

ان شاء الله يبدع

الرّحال الأزرق · #3 04/03/2007, 12:27 AM

والله ماقصرت الاداره بمواقفها الكثيره مع نواف
ولا قصر الجمهور ايضا بدفاعه المستميت عن نواف

واظن انه وقت نواف يثبت نفسه لان المبارتين الماضييتين احرجنا
كجمهور هلالي ومعجبين بنواف شخصيــا
تصدقون ان نواف صار خشن هذا ايش دليله؟؟
اتمنى رجوعه باقرب وقت

ااسامه · #4 04/03/2007, 01:08 AM

والله يا اخوي لا أفضل أن يلعب نواف أساسي في المباراة القادمة لمصلحة الهلال اولا ونواف ثانيا

المباراة القادمة لا تحتمل ي مجاملة كلنا شاهدنا نواف بعيد عن مستواه لذلك أتمنى أن يبدأ المدرب بالشلهوب ثم ينزل نواف إذا سمحت ظروف المباراة

أنا عندي ثقة كبيرة بنواف إن شاء الله سيعود إلى سابق عهده لكن هذا ما يقوله المنطق

بنت الزعيـــــم · #5 04/03/2007, 01:28 AM

نواف ان شاءالله راجع

وان شاء الله نشوفه مبدع في مباراة الكويت

اوه اوه ياهلال · #6 04/03/2007, 01:31 AM

مـــاشي ويــن

الخالدي الهلالي · #7 04/03/2007, 01:33 AM

نتمنى من نجم النجوم...الفتى المظلوم...كاسر الخشوم

ان يرد على من بادر عليه بالهجوم
ويسجل من الاهداف كوم
ويمتعنا بفنه ضد الخصوم

الهـ ابودحيم ـلالي · #8 04/03/2007, 01:33 AM

حرااااااااااااااام علييييييكم كل هذا الابداع وماسوى شي......
بس والله معذورين لانه ماهو نواف الحقيقي اللي نعرفه .....
لكن لو يسجل لاعب مع الهلال لعبه مثل لعب نواف الان ان كان نقول ماشاءالله عليه....
بس والله الفتى الذهبي نطمح منه المزيد والمزيد مشتاااااااقين له والله...
وعن الشلهوب انا افضل نواف اساسي بعدين الشلهوب ......
لن تجد في الهلال صانع لعب يعطي الكوره بالرفعات مثل نواف.....

هلالي القرعاء · #9 04/03/2007, 01:35 AM

لو كان التمياط في البداية إحتياط ..

ودخل في الـ نصف ساعه الأخيرة .. أو في الشوط الثاني ..

من الممكن أن يُبدع ..

لكنـ لعبه في التشكيلة الأساسية يُشكل ضغط كبير عليه ..

خصوصًا أن المباراة من المتوقع أن تشهد حضور جماهيري كبير ..

لذلك أتمنى أن يكون إحتياط لـ الشلهوب والتايب ..

يعطيك العافيهـ ،،

سينمائي الزعيم · #10 04/03/2007, 01:35 AM

والله اتمنى من كل قلبي يرجع نواف التمياط نواف عام 2000
ولك وحشة ياتمياط 2000 الفتى الذهبي والعبــ11ــقري
يالله يارب تحفظ لنا نواف يالله يارب

ea32 · #11 04/03/2007, 01:39 AM

مااضيه يشفع له.. وان شااء الله يبدع في المبااراه

الموهوووم · #12 04/03/2007, 01:57 AM

والله انك صادق منتخب الكويت ماينام الليل من نواف هههههههههههه

ياخووووي انت تتكلم عن نواف قبل 7 سنوات يعني الحين عمره 30 سنه

سلملي على الرعب اللي مسويه نواف ههههههههههههههههههههه

مجنووون نواف · #13 04/03/2007, 03:46 AM

ان شاء الله نواف يبي يبدع ..

لكن اتنمى انه يكون احتياطي في مباراة الكويت لأن المبارة هي مباراة افتتاحيه بالنسبه للزعيم في مشواره الاسوي فلازم يكون الهجوم قوي من البدايه بالزج بمحمد الشلهوب من بداية المباراة ..
ويتقدم الهلال بالشوط والاول ويدخل نواف بالشوط الثاني ويكون اللعب مفتوح ويمتعنا بفنه ..

هذا مجرد رأي ولكم الحريه في قبوله ..

خالص احترامي لكم ,,

عزالهــلال · #14 04/03/2007, 04:33 AM

اتمنى نواف يكون رده حاسم يوم الاربعاء وماادري وش سر هذا الانخفاض في المستوى

يالله يابو بندر شد حيلك تكفى

(المحبوب ياسر) · #15 04/03/2007, 06:08 AM

ولا تنسى الموهوب الشلهوب تراه عقده لهم الكويتيين

والله يوفقهم كلهم ان شاء الله