هلا اخواني هذه بعض الالغاز والتسالي اطرحها لكم لعلكم تجدوا الحلول المناسبة لها ومن يستطيع الحل فله مني خمس حبات سنبوسة وكاس توت وتطلي

1- ماهي الكلمة التي تنطقها اسرع اذا اضفت اليها حرف ( ع ) ؟

2- هناك خمس تفاحات في سلة وهناك خمسة اشخاص فكيف نعطي كل واحد تفاحة وتبقى تفاحة واحدة بالسلة ؟

3- اسرة مكونة من زوج وزوجته ولهما ثلاث اولا د . الولد الاول له ولد واحد والثاني له ولدان والثالث له ثلاثة اولاد فكم عدد افراد الاسرة كلها ؟

4- رجل لديه قفص به نحل وكل يوم يزداد النحل ضعف اليوم الذي قبله والقفص لايستطيع حمل اكثر من ثمانين نحلة وفي اليوم الرابع امتلئ القفص بثمانين نحلة . ففي اي يوم كان القفص منتصفاً؟

يالله من هو الفائز بالسمبوسة والتوووووووووووت ؟

هلا بالاسير
انا صراحة اليوم ابفطر عندك ولم التمر والقهوة وفلة الحجاج
وخل عنك السنمبوسة والتوت ابهن بعد صلاة المغرب لانه مايمدين
اكلهن تعرف المذن على طول يقيم.خلاص اوكي يالله باااااااي


اوووووه نسيت الغازك
طيب بسم الله ابحاول بس تكفى ابي السنمبوسة على الاقل
1- الكلمة هي كلمة (اسر) لانها اذا اضيفت لهاحرف العين صارت (اسرع);)
2- هذي بسيطة لانه راعي السلة اللي يبي يوزع التفاحات هو من ضمن الخمسة اللي يبي ياخذون التفاحات فيعطي الاربعة اللي معه كل واحد تفاحة ويبقى له تفاحة يخليها بالسلة بتاعته . صح والا لا ؟
3- عدد افراد الاسرة خمسة لانك قايل اول شي اسرة مكونة.. يعني جاوبت على السؤال شكرا لك
4- قفص ونحل ماتجي هذا راعي حمام مهوب نحل ;)
عموما الحل اتوقع والله اعلم انه مدامه يزيد الضعف عن اليوم اللي قبله فبماان اليوم الرابع 80 حمامه آسف نحلة والتي تمثل ضعف اليوم اللي قبله اللي هو اليوم الثالث اللي فيه 40 نحله وتمثل نصف الثمانين (الله يذكرتس بالخير يالرياضيات الحديثة مادري فيه رياضيات قديمة )اذن يكون الحل اليوم الثالث ;) ;)

قايل لك ابفطر عندك الا اذا كزيتن للمسجد افطر مع الهنود
عاد بكيفك بس ترى ابناظر طاش ماطاش عندك

عندك سؤال غلط ؟؟؟؟؟؟؟؟؟ يعني انس الفطور ودور اقرب مسجد ولا عليك امر وترى التعديل ممنووووووووووووووووووووووووووووع

<============= واحد نذل هههههههههههههههه

افا ياذا العلم اجل مهنا فطور
يارجال اغديك تهون عن التعديل
رمضان كريم
تكفى آخر مرة
لايصير سؤال حق كم عدد الاسرة ؟
كان هذا اللي اخطيت به فهزلت صراحة لانه مايحتاج تفكير عد وانت ماشي
كانه غيره اشوا ..الشكوى لله نفطر بالمسجد

اقول اخوي انا بجاوب بس المشكلة وشلون اخذ الجائزة وافطر عندك وانت اللي ساكن عندي وتفطر عندي وين تبي تعزمن ؟؟؟؟؟؟؟؟
<========= فضيحة هههههههههه يعني تبي تعزمن من حلالي وفي بيتي ولا وشلووووووووووون

الاجوبة هذي هي وتراي احتري فطورك

كلمة - اسر - حط معها حرف __ع__ وتصير اسرع
خمس تفاحات وخمسة رجال ياخذ كل واحد تفاحة والخامس ياخذ السلة وبها تفاحة
عدد الاسرة ــ 14 ــ اللي هم
الزوج وزوجته واولادهم ثلاثة يصيرون خمسة وزوجات عيالهم ثلاث حريم يصيرون ثمانية وستة عيال للاولاد يصير الجميع اربع طعش ماتبيلة ذهانة بس مدري عن حبي تيماوي مراه نسى حريم العيال الثلاث؟؟؟؟؟؟ وين الذهانة ياحبي تيماوي افاااااااااااااا ولا مكثر من الفول عقب الفطور؟؟؟؟؟؟
القفص الى منه صار يزود كل يوم ضعف اليوم اللي قبله يصير القفص منتصف في اليوم قبل الاخير وهو اليوم الثالث
وبس يالله عاد دور لك على محل تعزمن به تراي مانيب مخليك ؟؟؟؟؟؟؟؟؟ حتى لو انك اخوي وبكيفك الحق حق

يمدحون بوفية ابو بندر

ههههههههههههههههههههههههه

ماني مجاوب وش رايك



ليش مارديت على الرسالة الخاصة




أقلقتنا عليك طول الفترة الماضية .



المهم الحمدلله على السلامة وأيضآ على سلامت الغالي حبحور .



ماني مجاوب على الأسئلة غصب




لأني ماأعرف جواب ولا وحدة

@ يالأسير
عز الله راح فيها اللي بيفطر عندك
قال بيفطر اللي يجاوب
أقول دن هناك

@تضامنا مع الداج جاج ما راح أجاوب

@سهل 888 حبيبي
كح كح كح كح كح كح كح كح كح
يااااااااااانت قدييييييييييييييم
شكلك منذ مبطي ما طبيت الديرة

تطورت منفوحه عقبك