تعالو اعلمكم عن توقعاتي عن المنتدى وش صار به قبل ارجع لكم
 

بصراحة يوم رحت من عندكم بسبب المرض الله يسلمن ويشفين والحمد لله طبت ورجعت لكم بخير وعافية
اقول يوم رحت منكم وقبل ارجع قعدت افكر قبل اكتب اول موضوع لي عقب عودتي بالسلامة وقلت اكيد هالحين المنتدى متغير عقبي وحطيت براسي فكرة توقعتها انها هي اللي صارت بالمنتدى عقبي وتوقعت بعض التغييرات بالاعضاء وحياتهم الاجتماعية وطلعت بالتوقعات هذي :D :D :D :D

1- توقعت ان ابوسليمان تقاعد وصار يجلس بالبيت لحاله ويناقر المعزبة بالمطبخ وراك ماتسوي كذا وكذا تعرفون متقاعد ماله شغلة غير مناقر المرة :D :D :D وتوقعت انه بهالضحوية يبسط بساطه ويقعد بالعاير حق بيتهم يتفرج على الرايح والجاي <===== الله من الفضاوة يابوسليمان .
المهم ويجمع شيبان الحارة عندهم ويدق حنق معهم لين يذن الظهر .

2- عاشق النمر توقعت انه من التنسيم اللي براسه لانه مثل ماتعرفون منزلج توقعت انه يغير اسمه بالاحوال من عاشق النمر الى عاشق (التمر) ويخلي المنتدى ويروح يبسط بسوق عتيقة حق الخضرة ويبيع تمر ومسمي محله محلات (عاشق التمر عقب العصر) وبصراحة بيع التمر اصرف له من السلتحة بالمنتديات ونقل مواضيع خلق الله :D :D :D :p ولا هذا وجه منتديات هذا ؟ هذا وجه منديات وتباسي :D :D :D

3- J.A.A جاج بياع الدجاج توقعت انه يفتح له منتدى هنا ويسميه منتدى جاج لبيع الدجاج . ويحط ملاحظة فوق المحل ويكتب علية ( من اجلكم نواصل فتح محلاتنا لبيع الدجاج حتى لو الجو عجاج ) لا ومغير اسمه عقب المحلات ومسمي روحه( رجل الاعمال بمنتديات الهلال ) امحق رجل اعمال سم روحك رجل موضي اصرف لك :D ;) :D

4- المهبول BOW.WOW باواواواواواوا يقولون انه من كثر الواوات باسمه راح لوزارة التجارة يبي يفتح محل يبيع فيه واسطة يحسب كل واوا واسطة هالخبيل مادرى ان فيه واوا واسطة وفيه واو ماسطة مثل الواو اللي باسمه واللي باسم رامبو:D :D :D الطاغية الا صق وينهو اشوفه متغيب وراه عسى ماهوب خاف يومني جيت ايه على باله جساس يوم رجع الزير هج بس هين اذكركم ان ماجبته لكم وتشوفون

5- عنود الصيد توقعت انها تزوجت من العضو الحريف وانه عقب المحبة صار شراني وطلب منها تستقيل من الوظيفة لانه حسب كلامه انه يحسبها موظفة في مجال التدريس اثر اهله يوم خطبوها قالو له انها موظفة ويحسبها مدرسة ويوم شاف انها كاتبة مبدعة بالمنتدى قال لها افصلي ولا تراي بطلقك واظطرت تفصل علشان العيال لانهم حسب ماتوقعت انهم جابو ولدين وبنت :D :D مالقيتي غير الحريف ياعنود شوفين انا وش ملحي وش زيني وراك ما احتريتين ؟

6- لجين لايامال الذهاب يالجين انتي لهالحين ماعرستي نعنبو دارك عجزتي ووصل عمرك 21 سنة ماعرستي وش تحترين ؟ توقعت انك معرسة واشتغلتي خطابة توفقين بين الاعضاء والعضوات وتزوجينهم واثرك الى الحين معنسة ؟

7- الشايب فهد توقعت انه فتح ورشة ومحلات كمبيوتر يترزق الله من الاعضاء من كثر ادمانهم على الانترنت وخراب اجهزتهم فتح له محلات واشتغل واسترزق الله :D :D :D :D

8- منصف الذئب توقعت انه صار مهندس معماري متخصص في تفصيل البيوت الطين بس لاكن للاسف المادة وقفت بطريقه :D :D :D

9- هلالي الخبر توقعت انه فتح بحر هنا بالمنتدى للاخوان اللي بديرتهم مافيه بحر لكن للاسف قفل المشروع من ثاني يوم لانه كل ماجاء لقى البعض من الاعضاء مثل عاشق الذيب والصبحي وسداح وابومنار ومحب الشلهوب يلقاهم جايبين بزارينهم وفوطهم وشامبواتهم ويتروشون مادروا انه بحر للسيحاسة بس ماهوب للتروش ههههههه

10- سلمان ابو تسعات توقعت انه مركب سفتي فوق راسه وصاير دوريات يحسب كل تسعات لازم تصير دورية عزالله انك صتيمة يالاعصار يالنجدة على غفلة ههههههههههههههههه لاومدير متابعة بعد انت المفروض مدير مكافحة ههههههههههه ياحبي لك

11- سفر المرزوقي توقعت انه فتح مزرعة ارانب ودواجن ومحرت بيع جزر من كثر ما يفكهن من ورى خط الثمانطعش بس صدقوني انه هذا مصيره بعد التقاعد تربية ارانب ومواشي ههههههههههههه

12- محترف توقعات توقعت انه صار محترف بس بدون توقعات وسجلوه الهلال عندهم لاعب يوم سمعو انه محترف وطلع صفقة فاااااااااااشلة لان رجليه الثنتين كلهن يسار ماعنده يمين ابد شكله يساري متطرف ههههههههههههههههههههههههههههههه

13- راعي المحبة ابونورة (محمد عبده على غفلة) توقعت انه اعتزل الكتابة وخلا اهله وراح يعيش بالبر وتعلم جر الربابة وعاش لوحده بين الهضاب والجبال تعرفون هواوي الولد ويوم تزوجت حبيبته الوصال من غيره طفش من حياته وهام بالبراري وسكن له بخيمة واذا جا الليل مغير يتونون ويجر ربابته ويكتب من هالقصيد والتوجد من قصيدة
البارحة ونيت خمسين ونة ====== ولولا الحيا ونيت واحد وخمسين
وانت جاي

14- ماروكو توقعت انها تزوجت غني من اغنياء المنتدى وكبار المسؤلين وحطوها مسؤلة هي بعد وخذ يامقاشر مع الاعضاء والعضوات من قدها ؟هههههههههههههه

15- جار القمر توقعت انه تهاوش مع جاره القمر وراح وخلا الحارة كلها له وسكن جنب النجوم وغير اسمه جار النجوم

16- صدى الامس المقلع توقعت انه تطوع وصار داعية بالمنتدى ويدعي للخير والله من جنبها يانايف لاوصرت محرر بعد اوالله الغرابيل

17- اللورد /allord هالانقليزي ذا ماهوب عاقل مسوي فيها انه انقليزي ثاني متابعة هذا توقعت انه على خبري ماتغر ابد ماغي دوران بهالقوايل بالخنينة حقته ومن شارع لشارع ماكني غبت عنه الحبيب هذا هههههههههه

18- حبي تيماوي يوم اروح وانا اخبره رجال راكد ومتزن مع اني ما احتكيت به زين مرة مرة بس لي نظرة بالرجاجيل انا وتوعت انه فتح بوفية بالمنتدى بس برمضان تعرفون مدمن الله يعافيه ولايبتلينا مدمن تووووووووت لو يمر يوم ماشرب توت يموت يادافع البلا بس ولو مازال راكد ولاهوب عيب يترزق الله بوفية ولا انبغى محزرة وان نوى يفتح مجزرة عندي له اثنين يحبهم قلبه محمد ثور وناصر صلوي من احسن الجزارين عندنا ومعهم شهادة خبرة

19- الوصال مع اني ماعرفها من يوم كنت بالمنتدى بس اقرى لها مواضيع زينة ولها خيال واسع ماشالله توقعت انها فتحت دار للنشر وصارت ليل نها كتابة لدرجة انها مفصلة غرفة نوم بسريرها من ورق من كثر ماتكتب ماشالله عليها

20 - نجمة الابداع هذي بعد مهيب بعيدة من الوصال خيالن واسع وفكرن متفتح وعالي وتوقعت انها كل صبح تستغل الفرصة اذا الاعضاء بالدوام وتجمع خوياتها العضوات وخذ ياهمق وسوالف مع شوي كراث وخبز تميس هالصبحية لين عقب الضحى شوي وينفض مجلس الامة للاخوات العضوات .

لكن الصدق ياخواني يعلم الله اني فعلا كنت مشتاق لكم وكنتم على بالي يشهد الله دايما اسال اخوي وشقيقي الاسير الهلالي عنكم وعن المنتدى واخباره ويشهد الله اني مانسيتكم ولا نيب ناسيكم وان كانني نسيت احد ماجبت طاريه ولاذكرت اسمه بهذا اعذرون ترى الذاكرة لكم عليها بس يشهد الله انكم غالين غالين غالين على قلبي

اخوكم حبحور مقطع البحور مذوب الصخور موسع الصدور ملحس القدور حامي الضبان بالجحور
الحبحر الحار الهلالي / الرس

هلا والله بالحبحر الهلالي
الحمدلله على السلامة طهور ان شاءالله
اشوا انك ماجبت طاريي ولا تعرفن شكلك تبي تمسخر بي
:D :D :D
والله لك وحشة انت واخوك الاسير
لا تبخل علينا بكتاباتك الحلوة
والله الله بالمتخرمات

باي ورحمة الله وبركاته
;)

هلا والله اخوي انا قايل من قبل اخوي ماهوب كاتب عني شي
 

حبيبي انت اخوي انا كنت متوقع انك ماراح تتعرض لي وانا اخوك وبالفعل ماخاب ضني فيك :p :p :p :p
بس حرام عليك عاد الوصال وعنود الصيد و J.A.J والشايب فهد مايستاهلون هذولا عاد لحالهم ترى وانا اخوك

مشكور وفعلا الان عرفت ليه يغلونك الاعضاء اللي يعرفونك اثرهم عارفينك زين وعارفين علومك ؟

السلام


اخوي الغالي جدا الحبحر الحار

الحمد لله على السلامه للمره الالف

وفعلا حركة ركود المنتدى الله يعطيك العافيه

ونبي المزيد

اما من ناحية عنود الصيد يشرفني ويزيد من قدري ماذكرت

وصحيح اني شين لكن اهم شئ الأخلاق




تحياتي

الحريف

حبيبي حبحور انا كنت متوقع انك ماراح تتعرض لي وانا اخوك وبالفعل ماخاب ضني فيك :cool: :rolleyes:

قلت الخاتمه :eek: وزادت الحراره ومتوقع هطول امطار !!

اشوى اني اعرف الاسير هالبارد هالثلجه هالدين هالمصلي هالمزكي :p

والا انت منتهي ;) ;) ;)

ههههههههههههههههه جابك الله سهلووووووووووه
 

جمجمة الهلال / انت كلك عظم لا لحم ولا شحم وش تبين اتوقع لك تبين اتوقع انك ركبت لحم وباروكة وطقم سنوووووووون هههههههههههه بس ابشر حقك بالجايات بحول الله هههههههه

اخوي الصغير الاسير / وخل بالك من كبمة الصغير يعني تراي اكبر منك واعقل ولاتدافع عن احد بلا جاج بلا دجاج .. والعنود مالك شغل بة هذي خويتي قبل تعرفها انت وانا ابخص بها بس هي خانتني واخذت الشبهة الحريف ههههههههههههههه والوصال احبها علشانة تذكرن بالاوصال والريش والكباب :D :D :D :D
وانت حقك بعدين بس خلن اتفضى لك مضبوووووووووط وانا اخوك

حبي تيماوي / انت كلك حلا وطرى انت تطلي بالبشمل وانت سكر حامض ياخيي انا قايلن لك انك راكد ورجال مزركش وتكانة بس ولو عليك بعض المصرقعيات بعض النوبات بس ولو ماهنا بزين منك هنيا

الحريف / وش دعوة حركت المنتدى وش قالو لك جاين للمنتدى بمغرفتي وقاعدن احركه حشى صار جريش مهوب منتدى هههههههههههههههههههه ياحبي لك ياولد ديرتي انت وعلومك يالشين بس الشرهة على عنود الصيد مدري وش لاقيتن بك يازين الطبايع هههههههههه

سهل ابو ثمانيات انت على البال بس انا ما اذكرك الا اذا طلعت للبر وشفت السهول ( السهول يعني كثبان الرمل ترى ماهم قبيلة السهول توهقوننا مع خلق الله ) حلوة كثبان هذي مدري منين طلعت :D :D :D
وبعدين انت وش ازين منك الى من الواحد بسط بساطه عليك وقام يهوجس يتونون يالسهل يالطعس بالعربي هههههههههههههههههه

مشكورين على ردودكم المتزحلقة بقوووووووووووووووووة هههههه:confused: :D :confused:

اولا اهنئك اخوي الحبحر الحار الهلالي على السلامه


ثانيا المنتدى من دونك مايسوى شي اخوي الحبحر


ثالثا مبارك عليك الشهر وعلى كل الاعضاء
http://mypage.ayna.com/m111o/ramadan1.jpg

أنا ماقلت لك مر علي انت ووجهك بعد ماتجي من الخارج :mad:




توني شاري ملاقيط يابانية الصنع مخصوصة لك :D



هلا والله بهالطلة الحلوة ماني مصدق الغالي حبحوري عندنا يامرحبا يامرحبا .

ألف حمدلله على السلامة ياغالي والله لك وحشة كبيرة .

ماردني للمنتدى الا بعد ماسمعت من بعض الأعضاء الحبايب انك رجعت بالسلامة .

والا أنا نويت عدم فتح الأنترنت الا بعد نهاية الشهر الكريم .

نورت المنتدى يا أبضاي :D :p :D

هلاء حبحور

حسبي الله على الفرنسيين:mad: سوها ودمور كل الفيوزات:eek:

بس اشوى خلو لنا الفيوز اللي يمشي مع المنتدى:D :D

هلا وغلا بالحبحر الهاااااااااار;)

:rolleyes: مساء الخيرات يا اخي الكريم ... وكل عام والجميع بألف خير ....

والمنتدى منور على قولت الأخوان الاعضاء السابقين .. والحمد لله على سلامتك ....

الله يهديك ما لقيت من الدنيا كلها الا كراث وتميس ... ما عندي وقت حتى اسولف واكون مجلس الأمة ....

يا اخي " فول وتميس " والله ارحم .....

شكرا لك على توقعات الرهيبة ......

السلام عليكم ,

الحمدلله على سلامتك , وأجر وعافية ان شاءالله ..

ومشكور على الموضوع ..


بس ماتلاحظ ان ملحك زايد في بعض النقاط , يعني ترى فيه امور ينمزح فيها وامور لا :) ..



اتمنى يكون نقدي مقبول منك ,

ومرة ثانية .. الحمدلله على السلامة ..


تحياتي ,

:p :p

تدري ؟ يوم رجعت بعد العمليه احس انك منسم اكثرررررر :D

وش سوو فيك خخخخخخخخ :D لا امزح :rolleyes:



والحمد لله على السلامه وماتشوف شر :D

ألف ألف ألف ألف حمد لله على السلامة
هذا أولاً

ثانياً/
الله يخليك ما حس فيني إلا أنت يا بعد عمري
وأحب أصحح لك البيت ===> مشكلة هالمدرسين ما يعرفون الا التصحيح:cool:
اقولك البيت الصحيح
البارحة ونيت خمسين ونة ***** ولو ما نمت كان ونيت واحد وخمسين
وثاني موضوع لا تحرف بقصايدي لا أقوم أحب راسك

أبو سليمان خلها على ربك
لا وأزيدك بعد الرجال غيروا الكتاوت حقه ,حطو له كتاوت فرنسي :rolleyes: :rolleyes:
يعني الله يخلف الرجال صارت علومه من جنبها
و ما فيه الا مواضيع مدحدرة :( :( :(

هلا والله بالربع كلهم ياهلا هم هلا
 

زين الدين زيدان / اول شي قبل ارد عليك تكفى ماتجي وتحترف بالهلال واعطيك من عندي شهريا كيس علوووووووب حاااااااارة بس تفكنا من هالمقالب والزلايب اللي كل سنة يجون يجربونهم عندنا ويطلعون ضاربين وتقليد .
ثانيا مشكور حبيب قلبي على الترحيب والمنتدى منور بوجود اخواني الاعضاء وانت اول واحد بهم

J.A.J جاج الداج ياهلا هم هلا بك يالغالي انا اقول الصمعاني اعتزل اثرك حتى الضعيف قاشرته بصنعته وصرت كواااااي بعدين انا مانيب من ربعك تلقطن بملاقيطك انا اعرمشك انت وملاقيطك ولالالالالالالالالالالالالاشي ههههههههههههههه ومشكور على الرجعة علشاني ولادريت اني مهم للدرجة ولا كان خليت الرد بخمسين على اي موضوع لي ههههههه

نجمة الابداع هلا والله بالغالية الاخت نجمة الا اقول وش تقرب لك النجمة اللي بعنيزة ؟؟؟؟؟ وبعدين الكراث ازين من الفووووووووول يالهبلة الفول يقعد على الكبد .

الاخت عنود الصيد الله يسلم عمرك ومشكورة على الرد بعد انتي وانا ااااااااسف ان كنت تعديت حدودي بخصوص الموضوع لاكن يعلم الله انه من زود غلاكم وفرحتي بالرجعة لمكم وصدقين اني ماكتبت الموضوع هذا الا علشان الوناسة والضحك بس واتمنى تقبلين اعتذاراتي وتاسفاتي ان كنت زعلتك وبعدين ولا يهمك كانك زعلانة على اني زوجتك الحريف المنزلج ولا يهمك اغيره بواحد كل بنت تتمناه يسمونه الحبحر الحار بس مدري لين اشاوره وارد لك :D :D :D :eek: ومرة ثانية تراي والله مغير امزح ولا لكم كلكم محبة وتقدير مايعلم بهن الا رب العالمين سبحانه

ماروكو والله انتي المنسمة وش انتي شايفتن يوم تقولين منسم انتي شايفتن اهرب ولا شي ولا حاطتن بطشت ماء ولقيتي تنسيم ؟:D :D :p

راعي المحبة هلا والله بهالطلة يالمليح يالمزركش وبعدين كله واحد البيت اهم شي الواحد خمسين ونة بغت تجي الا قطش ههههههههههههههههه
وبعدين وش فيه الكتاوت الفرنسي تراي هالحين اغار على المنتجات الفرنسية ((الوطنييييييييييييية)) ههههههههههههه فرنسي على غفلة والدليل شف هذي ::: فيغاسو جيفاني ميغاردي (يعني ردو دبشكم عن دبشنا لايختلط الدبش مع بعضه):confused: :eek: :D :D
بعدين وش ذنبي اذا صارت المواضيع مدحدرة غصبن علي ترى لاني واقف بطلعة ومضطر انزل لازم ادحدر ههههههههههههههه