|
من يحمي جمهور الهلال ..؟؟ من عصابات الإجرام ..!! بسم الله الرحمن الرحيم كم كانت سعادتي لا توصف لفوز الهلال بهدفي الجابر الذي جبر به خواطرنا .. فألف مبروك لكل هلالي لكل ازرق لكل محب .. لكن الشيء الذي تألمت منه كثيراً .. هو ما تعرض له بعض الجماهير الهلالية من عمليات نهب وضرب من قبل عصابات منظمة !! البداية كانت بين شوطي المباراة .. عندما خرجت انا وصديق لي الى البوفيه لا حظت ان هناك مجموعة تتراوح اعمارهم بين 14الى 19 سنة يتجمعون حول الشخص وينهالون عليه ضرب ويسرقون جواله ومحفظته .. وتكررت هذه العملية امامي مع اكثر من شخص من ضمنهم صاحبي بل انهم اعتدوا على رجل في الاربعين من عمره حضر الى الملعب مع اثنين من أبنائه !! لم استطع تمالك نفسي ورحت مسكت واحد منهم وهو اللي سرق جوال خويي وانا اطاق معهم خويي ناد العسكري ويوم جاء هرب الجميع وأخبرته العسكري بقصتهم فقال لم يشتكي احد !! فقلت أنا اشتكي .. فجاء مجموعة من رجال الأمن وقبضوا على بعضهم وقال لي العسكري ياليت تجي لقسم الروضة بعد المباراة تتعرف على المجرمين .. طبعا رحت كملت المباراة والأخلاق زفت الين جاب سامي القول .. وبعد المباراة رحت لقسم الروضة وكان المصيبة عشرات الهلالين تعرضوا لهذه العمليات والسرقات .. أخبرني الضابط أن ثلاثة من جمهور الهلال تعرضوا للطعن وهم يرقدون في مستشفى الملك فهد ... إذن من يحمي جمهور الهلال من هؤلاء .. كلمة حق كان تعاون رجال الأمن رائعاً .. لكنه متأخراً .. تم القبض على بعض المشتبه بهم وتعرفت على احدهم >>> بس قهر اني مالقيت اللي ابيه معهم :D باقة ورد .. وقبلة حب .. ودعوة صادقة للغالي ابراهيم حقوي .. ولأولئك الهلالين الذين يرقدون في المستشفى .. وختاماً .. الف مبروك ومن فوز إلى فوز إنشاء الله ,,, |
لحول ولا قوة الا بالله كل ماقلنا هانت زادت شئ ماينسكت عنه |
شباب عادي هذول مراهقين صغار في السن ومفلسيين ويبون مصرووف دخان مخدرات من ويين يجيبون .. لازم يسرقون .. اللهم لا تبلانا يا رب .. الله يستر علينا ويهديهم والله حراام اللي قاعد يصير لكن لا حول ولا قوة الا بالله .. انتبهوا لحد يطلع من الملعب لحاله والله من جد الا اذا كان راعي حديد ومجسم شوي |
ضعف رجال المن في الاستاد وعدم فرض شخصيتهم على حثالة المجتمع الاستاد موقعه سيء ولك ان تقارن بينه وبين ملعب الملز بان الاشخاص في ملعب الملز محترمين ولا تسمع بمثل هذه المشاكل ابدا اما في الاستاد فحثالة المجتمع موجوده مراهقين بروح اجراميه يبحثون عن اي نظره لعمل اي مشكله ومضاربات كل خمس دقايق .. ورمي كلام على المحترم والغير محترم والتحرش بصغار السن .. استاد الملك فهد يقع في منطقه سيئه جدا وهي اثرت محيطيا على مايجري في الاستاد من مشاكل دائمه فمجاورته لاحياء النظيم والنسيم والفيصليه.. وومايعرف عن سكان هذه الاحياء عدا المحترمين منهم طبعا من خروج دائم عن النص وعن المالوف وانتشار الجريمه والمشاكل هناك .. يجب ان يكون هناك تواجد امني قوي وبشخصيه قويه لرجل الامن وتكون هناك قرارات رادعه وان يطبق الشرع في حق هؤلاء المجرمين الحراميه ونحن جميعا نعلم بان حد الشرع لاي سارق معروف ولا داعي لذكره وحتى لو سرق بيضه فيجب تطبيق القرار الرادع .. فنحن نخاطر بذلك ونخاطر باموالنا وحياتنا من اجل مشاهدة مباراة في استاد وربما لانعود لمنازلنا سالمين اذا كان هذا الانفلات الامني موجود .. شكرا لك والف سلامه للكبير ابراهيم حقوي .. |
احاسيس الهلال .. بالفعل ينبغي ان يكون هناك ردع .. شكرا لك ,,, عزك عزنا .. كما ذكرت اخي الحبيب انهم صغار ولكنهم مشورع مجرمين جاهز .. لو رأيتهم في التوقيف وجأتهم وعدم مبالاتهم لتعجبت ودم بخير ,,, FORZA HILAL .. بالفعل هم يأتون جماعات وزرفات من الاحياء التي بجنب الملعب ( رجلية ) ولا يعرفون من الكورة الا اسمها .. ويدخلون بلاتذاكر .. تعرفهم بأشكالهم ملابسهم نظراتهم تجمعاتهم .. للأسف حتى اولياء امور بعضهم حضر لقسم الروضة يدافع عن ابنه بكل وقاحة !! اخي الغالي .. (( ربنا يستر )) ودمت بيخر وعافية ,,, |
الله يعافيهم |
ALZa3eEm 3AmaHoM ... شكراً اخي الغالي والله يعطيك العافية .. |
والله مهزلة وين فيه عايشين والله انا كنت ناوي احضر مباراة الكويت يوم الاربعاء لكن الحين ماني حاضر بعد اللي صار اجلس ببيتنا اتفرج عليها وانا بامان ابركلي من اروح للملعب وانا ماني ضامن نفسي |
والله شئ ما ينسكت عنه الله يعطيك العافية |
مالك الا وحده من ثنتين اما تدافع عن نفسك وذالك بالخروج للملعب مع اخوياك والي يجي يهددكم ادبجوه او اول ما تطلع من الملعب عض ثوبك وانحش:D:D |
مع الاسف .. اللي حصل جريمة بمعنى الكلمة و تم التكتم عليه اعلاميا و الغريب انه ما يحصل الا في مباريات الهلال !!! و هذا بيقلل من نسبة الحضور الجماهيري في مباراة الكويت القادمة بشكل كبير .. و نصيحتي للي بيحضرون .. يتركون جوالاتهم و محافظهم بالبيت !! و اللي يخاف على سيارته من هالعصابات .. يجي بليموزين .. و يتفق مع سواق الليموزين يرجع له بعد المباراة !! و بالشكل هذا الواحد يضمن على نفسه و سيارته و اغراضه و حسبي الله و نعم الوكيل |
نداء الى وزير الداخليه بوضع الشرطة السرية كما هو موجود الان بمسمى المرور السري ارواح وممتلكات الشعب غالية واتمنى وجود وكثافة الشرطة السرية بالقرب من استاد الملك فهد الله يكفينا الشر والله ينتقم من كل مجرم |
هلا دكتور ماجد وش زرفوا عليك يا ابعدي . ؟ المشكلة في التنظيم الأمني هي أنهم لا يحضرون بكثافة في مواجهات الهلال مع الفرق الصغيرة كما حدث بالضبط في مواجهة الهلال مع الفريق الأوزبكي في العام الماضي . أتوقع إن الأمير سلمان والأمير نايف ما راح يسكتون . شكراً دكتورنا الموقر |
والله لي عتــب كبيير على محمد بن فيصل .. ما نبـي تذااكر ببلاااش .. نبيهـا بفلوووس .. حتى لو بـ 100 رياال .. مو مشكله .. بس تذاكر مجـانيه ماا يصيير .. يدخل اللي يحب الهلال واللي ما يحبـه .. (( ادري ان سلطان بن فهـد هو اللي أمـر بدخول الجماهير مجـانا في مباريات الهلال والشباب )) .. لكن احنـا ليش ما نرفض ونوضـح له الموضوع .. تكفــى ياا بوو سلطـان .. مـاا نبـي تذاكر مجـانيه .. انا جـاي لمباراة الهلال والكويت من جـده للرياض .. شلون اضمـن انـي برجـع للفنـدق سـاالم ؟؟؟!!! إقتباس:
:D :D :D :D :D :D :D إقتباس:
بالعكس هذا اخطـر شي .. وش يضمن لك ان صاحب الليموزين بيجي بعد المباراه .. تجلس تنتـظره في الشاارع :D عـز الله بتروووح فيهــااا .. :D .. اللي معـه سيااره .. يرركب سياارته وعلى طوول يمشـي .. الله يستــر .. أتمنـى من ابو سلطـان : 1- الدخوول بفلوووس .. 2- يطالب بـ تكثييف رجاال الامن دااخل وخـاااااارج الملعــب ,, أهم شي خـارج الملعب ,, |
الله يعطيكم العافية جميعاً ... والامر ما يوصل ان الواحد يترك حضور المباريات s13s وزي ما قال اخوي Czech Republic حط جواللك في البيت اما سالفة ليموزين احي مالها داعي :D رغم اني شفت ناس انسرقت سياراتهم ... اخوي صلاااح مسيك بالخير :D أبشرك ما سرقوا مني شي s60s بس من خويي ولا تخاف علي خويك المطاقات لعبته ههههههههههههه:p في تكتيك طول حياتي اتبعه اذا في مطاقة رح لراس الكبير وادبغه :laugh: وهذا اللي سويته وقسم بالله ان اشوته تشويت وطبقت عليه كل اللي اشوفه بالافلام خخخخخخ:D الا اذا تبي فزعة قلي هههههههههههs60s اخوي هلالي في جدة تعااال يابن الحلال بس اهم شي اذا شفت تجمعات ابعد عنها سواء في الملعب او خارج الملعب :D والموضوع دام الامن التفتوا له انشاء الله مش حيتكرر s13s دمتم بخير ,,, |
| الوقت المعتمد في المنتدى بتوقيت جرينتش +3.
الوقت الان » 04:24 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd