* توقعت حظور جماهيري اكبر في هذه المباراة ... الشباب مسنترين بالملعب من خمس
ونص بزعمهم يحجزون اماكن.... ودخلنا الساعه 7ونص والملعب شبه فاضي بالنسبه للي كنا متوقعينه.

* استغربت الهجوم من الجماهير بالملعب على نواف التمياط .... واقولهم يا شباب لا تنسون وش قدملنا
نواف.. واصبرو عليه شوي وبيرجع نواف 2000 واذكرو كلامي....

*فهد المفرج يعجبني فيه انه يلعب من قلب... ما قصرت اليوم ويعطيك العافيه.

*ما توقعت لاعبين الحزم يتمتعون بلياقه (عاليه) .. وماشالله عليهم كملو المباراه باشواطها الاضافيه بتغيير
واحد (فقط) وقدرو يقفلون دفاع بطريقه (ممتازه) لولا الله ثم (الذيب) سامي الجابر. <-----وش عنده جستنيه :D

*البرنس طارق التايب .... ياخي انت كل مباراه تعلق الجماهير فيك زياده...
ماشالله عليك والله لا يظرك وانشالله القادم افضل.

*ياسر.... الكبير كبييييييير حتى المدرب بغا ينزل يمسكك مع الدفاع... وانشالله هذا الهدوء
ما قبل العاصفة.. واتمنى العاصفة تكون في الآسيويه.....

*سامي عبدالله الجابر..... اليوووم بسبتك انبح صوتي من بعد الهدف الاول... واختفى صوتي من بعد
هدفك الثاني... وعقبها امي حلفت علي معد احظر مباراه يلعب فيها الذيب :D ... عمر الذهب ما يصدا يبو عبدالله ;)

*عمر الغامدي.... والله فقدناك اليوم .

* المباراه كانت نااااااااااااايمه وتحسفنا على جيتنا الملعب... بس عوظها الذيب وصارت المباراه
النايمه من احلى المباريات اللي حظرتها (الهدف من ابو عبدالله له طعم ثاااااااني ) ;)

*ابو خليل ما قصرت .. وماتشوف شر انشالله :)