معلومه مهمه : سيرزو انت بهذه الطريقة تخسر نواف و الشلهوب معاً - نادي الهلال السعودي - شبكة الزعيم

mams · #1 02/03/2007, 11:28 PM

المدرب القدير سيرزو حتى الان يقوم بعمل جيد ويعد مكسباً للكرة السعودية ..

ويؤخذ عليه بفرض نواف التمياط اساسياً في كل لقاء ..

وهو بهذه الطريقه يخسر لاعبين معاً ..!!

نواف يلعب تحت ضغوط جماهيرية و مطالبة بتقديم مستوى يشفع له بتمثيل الزعيم ؛ ويخسر خدمات الشلهوب بركنة احتياطياً وانزالة في اوقات متأخرة و متأزمة لتعديل تكتيك اللعب ..

يعلم سيرزو بان الجماهير لا ترحم وتهتف مع او ضد مستوى اي لاعب لا يقدم مستويات جيده وهو بذلك يحرج نواف كثيراً ..

فهل ينتبه لهذه النقطة المهمة ، فهل توصل الادارة هذه المعلومة للمدرب ..

قد اكون مخطأ ..

فما رأيكم انتم ..

نايف القحص · #2 02/03/2007, 11:34 PM

كلام سليييييييييم وفي الصميم ومبروك الفوز

هلالي في مانع · #3 02/03/2007, 11:38 PM

صح لـسـانك ونـواف اخخخخخخ متى اشوفك مثل 3000

walhan2cu · #4 02/03/2007, 11:58 PM

طيب عرفنا من كلامك ان نواف راح تكون عليه ضغوط ,, طيب وش دخل الشلهوب ؟

وماراح يرجع نواف الا لمستواه المعهود الا اذا أعطيناه الثقه واذا رجع نواف عن 100 شلهوب !

معاك ياسريزو

القناص 20 ياسر · #5 03/03/2007, 01:18 AM

نرجو ابعاد نواف والبديل الشلهوب لان نواف بعيد عن مستواه

Mr Hilale · #6 03/03/2007, 01:24 AM

بـ العكس

هذي خطه جهنميــــــــــــه من المدرب

يرهق الخصم من جهة نواف بعدين يدخل الشلهوب

واذا كان الشلهوب في (( كـــــــامل مستواهـ )) أقلـ شي 2 الى 3 اهداف تسجل

وارجع لمباراهـ الاتحاد والوحدهـ وتأكد لولا الحظ اللي وقف ضدنا كان هدفين من صناعه الشلهوب

بس المشكله اليوم الشلهوب ماكان في مستواهـ ابـــــــدااا

عموما هذي الطريقه تنفع (( محليــــــا )) فقط بس اسيويا لا والف لا احنا محتاجين لكل هدف يمكن يأهلنـــا

من البدايه الشلهوب + التايب

وبأذن الواحد احد محد موقفنـــا

هلالي في جده · #7 03/03/2007, 01:45 AM

والله مـن جـد .. بهـذا الشكل حنـا نخسـر الاثنييين ..

الشلهووب تحـطم وهو في الاحتيــااط

.. والتميااط مستواه سيـئ + يلعب وعليه ضغـط كبيير من الجمهـوور ..

انا اقوول الافضل هو اللي يلعـب .. (( الشلهوب اساسي .. التمياط احتياط )) ..

9__15 · #8 03/03/2007, 01:46 AM

جيت على الجرح لأن الجمهور مايرحم ونواف مستواه وثقة الجمهور فيه تتناقص

المدرب يقدم الهلال على طبق من ذهب للخصوم بإبقائه للشلهوب في الدكه

ربك ستر في المباريات اللي راحت بس إلى متى بتسلك مع الهلال

إرجع لمباراة الوحده الأخيره الشوط الأول تحديدا وبتشوف كيف كان الجمهور داعم للوحده ومحبط للاعبي الهلال

بهتافاتهم اللي تأثر سلبا في الفريق والسبب صغر أعمار الجمهور وعدم تفهمهم لأثر هالشيء على اللعيبه

بنت الزعيـــــم · #9 03/03/2007, 02:06 AM

بالعكس كيف يستعيد نواف مستواه وهو في الاحتياط

Deniro · #10 03/03/2007, 02:12 AM

فعلا كلامك عزيزى عين العقل
ولكن ليه مستوى نواف نازل ..اتمنى انه نواف يرتاح بدكه الاحتياط
علشان يحس بقيمة الهلال...

9__15 · #11 03/03/2007, 02:13 AM

إقتباس

الرسالة الأصلية كتبت بواسطة بنت الزعيـــــم


	بالعكس كيف يستعيد نواف مستواه وهو في الاحتياط

ينزل والهلال متقدم والنفسيات مرتفعه كذا ياخذ راحته. أما إذا يلعب من البدايه راح ينضغط من الجمهور اللي مايرحم عند أي زله

والدليل المواضيع اللي ضد نواف في آخر 3مباريات والقادم أسوأ للأسف.

عاشق روبينيو 10 · #12 03/03/2007, 02:27 AM

اتمنى سيريزو يجرب العكس في مباراة واحدة فقط وانا متيقن انه
بيوقف عليها وواثق من نجاحها

9__15 · #13 03/03/2007, 02:31 AM

إقتباس

الرسالة الأصلية كتبت بواسطة عاشق روبينيو 10


	اتمنى سيريزو يجرب العكس في مباراة واحدة فقط وانا متيقن انه بيوقف عليها وواثق من نجاحها

إذا جربها ما راح يطلع الشلهوب

SNIPER SNIPER · #14 03/03/2007, 05:54 AM

نفس كلام المحلل القدير الكابتن خالد شنيف!!!!!!!!!!!!!!!!!!!!!!!!!!!!!!!!!

سعد العثمان · #15 03/03/2007, 06:14 AM

يا شباب المدرب وأخبر..

خلو المدرب يسوي اللي يبي ونعطيهـ الثقة, ياخي ممكن المدرب متفق مع نواف والشلهوب على هالطريقة..

اتمنى ان نعطي المدرب الثقة و في نفس الوقت ما نقلل من نواف ولا محمد.. كلهم عينين في رأس..

تحياتي