السلام عليكم ورحمه الله وبركاته

بدايه اتكلم عن مدرب الهلال الي يصلح لكل شي الا التدريب ولا تقولون لي انه سبب فوز الهلال بالمباريات الماضيه لان الفوز كان يجي بدون مستوى وبمجهود اللاعبين

اجل معقوله يا عالم فيه مدرب خطته ما تتغير في كل المباريات

يدخل في نفس التشكيله وبعد بدايه الشوط الثاني بعشر دقايق ينزل الشلهوب بدل نواف وقبل نهايه المباراه بعشر ينزل سامي بدل الفان

في كل المباريات كانت هذي خطته حتى مباراه الامس حسيت انه توهق لما امتدت المباراه لاشواط اضافيه ما عرف مين ينزل


ياسر القحطاني لاعب لا يختلف عليه اثنين بس بالفتره الاخيره كثر ظهوره الاعلامي خلال الاسبوع الي راح طلع مرتين على اف ام وفي جريده الرياض وبعد كل مباراه يطلع يصرح كل الي اتمناه من ياسر يكون تركيزه في التدريبات والمباريات ويترك الاعلام والغرور وياليته يتعلم من سامي في طريقه التعامل مع الاعلام


نواف التمياط
لاعب كبير وقدم الكثير واعتقد ما زال بإمكانه يقدم بس مو على حساب الهلال

نواف كان يطالب باللعب اساسي واعتقد انه مو في كامل جاهزيته للعب

صار المدرب يلعبه اساسي على حساب الموهوب الشلهوب والوسط ضايع

كل الي اتمناه يكون الحل الوسط وهو ان نواف يلعب بمباريات الدوري (( الغير حاسمه ))

حتى يعود نواف لمستواه لان الجمهور الهلالي لا يرحم ونواف حاليا يشارك في مباريات حساسه ومصيريه تحدد موقع الفريق من البطولات

وفي كل مباراه نشاهد الاستياء من جماهير الهلال ضد نواف اتمنى يكون احتياطي ويلعب في المباريات العاديه حتى يعود لمستواه


كل التوفيق اتمناه للهلال في الاسيويه

الفريق ناقص اغلبهم في المنتخب الألولبي وعمر الغامدي مصاب التغيير الأطراري لسلطان البرقان لخبط المدرب بعدين للتستعجل في الكتابة وتحكم المدرب في مبارة واحده

وشرايك تمسك رئاسة النادي وتحط الي تبي بالفريق ؟!

بالنسبة للمدرب فلا أنا ولا أنت يقيمه
عرفنا سيريزو لاعب متألق مع منتخب الأحلام البرازيلي وعرفناه مدرباً ناجحاً فرجاءاً من الصعوبة أن نقول بأنه فاشل ونحن نجهل التدريب وخفاياه.
نجي لياسر القحطاني فهذا النجم استهلك كثيراً واجهد بمافيه الكفاية ولو كان ألة من حديد لأنفجر.
ياسر صار له أكثر من سنتين بين معسكرات ومباريات النادي والمنتخب وكثر الله خيره وبالنسبة للتصاريح فهو مطلوب منه التعاطي مع الاعلام كغيره من النجوم وليس في ذلك عيب.

أما نواف التمياط فبصراحة مازال يبحث عن نفسه وإن كنت أعتقد بأنه مازال مقصر في حق نفسه قبل النادي فهو لاعب محترف موهوب وعليه أن يعمل على إعادة إكتشاف نفسه قبل أن تطالبه الجماهير بالرحيل , أما عن ركن الشلهوب في الاحتياط فلا يضير الشلهوب فهو لاعب موهوب وقادر على التألق في أي وقت وأي زمان والمدرب معجب به بل منبهر منه ومشكلتنا في السعودية نعتقد بأن الاعب النجم هو الذي يلعب أساسي وهذا خطأ فكل اللاعبين الأساسيين والأحتياط أساسيين في الكرة الحديثة ولكن كل لاعب له دور يؤديه حسب خطة المدرب

لاتعلييق

هههههههههه بعدين وشفيك معصب عادي نواف افضل من غيره وانا اشوف ان نواف لازم يلعب اساسي علشان يرجع والشلهوب امس ما سوى شي(الاصح ضيع هدف محقق للهلال بسب الانانيه) والمفروض ياسر يرتاح اسبوع على الاقل (اشرب عصير ليمون)

يا أختي ..

المدرب توه جديد وماشي زي الحلاوة !!

و الله المدرب رائع و احساسي يقول ان شاء الله اننا راح نتوفق فيه

بس يمكن المدرب في 4 مباريات تغييراته ما تتغير و اصبحـ كتاب مفتوح للمدربين الاخرين

لكن 4 مباريات كلهــا فوز شيء يبشر بخير ان شاء الله

إقتباس بدايه اتكلم عن مدرب الهلال الي يصلح لكل شي الا التدريب ولا تقولون لي انه سبب فوز الهلال بالمباريات الماضيه لان الفوز كان يجي بدون مستوى وبمجهود اللاعبين

يصلح لكل شي الا التدريب

ابسألك وياليت تجاوبني ببساطه هل انت اقرب للمدرب من رئيس النادي ومن اللاعبين

ومن الذين تعاقدوا مع المدرب ؟

وبعدين ياعزيزي المدرب ما امضى مع اللاعبين الا فتره ما تتجاوز مباريات تعد على

اصابع اليد الواحده ...... لحقت تقيمه وتسلب منه شهادة التدريب :p ...... ولاتنسى

انه الفريق مرهق من اربع مباريات قويه كانت مع الاتفاق ثم الاتحاد فالوحده والحزم

وخصوصا الحزم لاعب بعشره دفاع ومهاجم ايش برأيك الحل في فريق مثل كذا ؟

إقتباس يدخل في نفس التشكيله وبعد بدايه الشوط الثاني بعشر دقايق ينزل الشلهوب بدل نواف وقبل نهايه المباراه بعشر ينزل سامي بدل الفان في كل المباريات كانت هذي خطته حتى مباراه الامس حسيت انه توهق لما امتدت المباراه لاشواط اضافيه ما عرف مين ينزل

ياخوي والله ما ينعرف وش تبون ان غير باللعيبه في كل مباراه قلتواااا ما يثبت على

تشكيله ولازم الانسجام وووو...الخ من الكلام وبعدين التمياط امس كان افضل السيئين

امس لو انه بنحكم الي قدم مستوى والي ماقدم خصوصا ان الفريق كان امس واضح عليه

الاجهاد والتعب من تعاقب المباريات القويه عليه في فتره وجيزه .

وبسـألك لو كنت مكانه امس مين بتنزل لما امتدت المباراه كما حدث بالامس ؟

إقتباس ياسر القحطاني لاعب لا يختلف عليه اثنين بس بالفتره الاخيره كثر ظهوره الاعلامي خلال الاسبوع الي راح طلع مرتين على اف ام وفي جريده الرياض وبعد كل مباراه يطلع يصرح كل الي اتمناه من ياسر يكون تركيزه في التدريبات والمباريات ويترك الاعلام والغرور وياليته يتعلم من سامي في طريقه التعامل مع الاعلام

يأخوي نجم ومطلوب أعلاميا وشنو المشكله في انه طلع مرتين في الاعلام خلال اسبوع

والا صار ما يركز في التدريبات والمباريات ومغرور وكنت اتمنى تكمل معنى كلامــك

لانه ماجاب اهداف في المباريتين الاخيره صاااار مغرور وما يركز وننسى له الي قدمه

في الفتره الماضيه وبعدين ياخوي ترى ياسر من فتره طويله ما اخذ راحه وهو بالاول

والاخير مثلي ومثلك بشر ومن الموسم الماضي انتهى انضم للمنتخب وبعدين رجع للنادي

وللمشاركات يعني ارهاق مع عدم توفيق وهذا يصير مع كل اللاعبين حتى سامي قد سبق

صارت معه ( صيامه عن التهديف لفتره ) .

إقتباس نواف التمياط لاعب كبير وقدم الكثير واعتقد ما زال بإمكانه يقدم بس مو على حساب الهلال نواف كان يطالب باللعب اساسي واعتقد انه مو في كامل جاهزيته للعب صار المدرب يلعبه اساسي على حساب الموهوب الشلهوب والوسط ضايع كل الي اتمناه يكون الحل الوسط وهو ان نواف يلعب بمباريات الدوري (( الغير حاسمه )) حتى يعود نواف لمستواه لان الجمهور الهلالي لا يرحم ونواف حاليا يشارك في مباريات حساسه ومصيريه تحدد موقع الفريق من البطولات وفي كل مباراه نشاهد الاستياء من جماهير الهلال ضد نواف اتمنى يكون احتياطي ويلعب في المباريات العاديه حتى يعود لمستواه

يعني ما نحاول نوقف مع اللاعب حتى يرتقي بمستواه شيئا فشيئا والا نركنه على جنب

وننهيه اضافه الى بقولك شي الشلهوب قبل فتره بسيطه انخفض مستواه وخصوصا بعد

بعد عودته من الاجازه الي اعقبت وفاه والدتها رحمها الله واعطي فرص وامام فرق

قويه وارتقى مستواه ورجع ليش ما يعامل نواف بمثل الصفه نفسها الي عاملنا بها

الشلهوب وبعدين المباريات القادمه كلها مافيها مباريات عاديه ومباريات مو عاديه

جميع مباريات الهلال القادمه تحمل الاهميه القصوى نفسها فمباريات الاسيويه وبعدها

مباريات كاس ولي العهد ومباريات الدوري والي مو لازم نفرط في نقطه واحده علشان

ما يفقد الفريق الصداره وميزه الصداره يعني طلعنا ( مافيه ولا مباراه عاديه )

اخوي الله يحفظك ......

النقد والرأي يجب تكون بالمعقول ويحكم العقل والمنطق ونعرف الظروف المحيطه

للشــئ الي راح ننتقده او نقول رأينا فيه ومن ثم نحكم فتكون نسبه صوابنا وقتها اكبر

من اخذ الظاهر والحكم عليه من غير معرفه بما يندرج تحت هذا الشي الظاهر لنضمن

الامانه والعدل في قول أراءنا .

وعفوا على طول التعليق ولكن نعووود ونقوووول

الاختلاف لا يفسد للود قضيه

تحياتي واحترامي وتقديري لك

دمت بود

الهلال أمس كان في خبر كان لأنه دخل المبارة مستهتر

بدايه اقول انت ياللي تنتقد المدرب ترى ماعندك سالفه

الظهور الاعلامي غرور ؟؟؟؟؟؟؟؟؟؟؟؟؟؟؟

وشرايك نركن نواف بالاحتياط وما نلعبه وبأول فرصه يروح الشلهوب للمنتخب ونقعد بها اذا كان نواف مو جاهز ؟؟؟؟؟

اخـــــوي كلامك غلط

الحزم ناادي لا يستهان به والهلال استهان به

إن كان للمدرب من خطأ واضح بالأمس فهو ركن سعد الذياب على دكة الإحتياط والمرشدي ظهير أساسي ....

لكن مثل ما قال ابو سلطان نعذره لأن الذياب توه راجع للتدريبات والمدرب ما يعرفه ...

تحياتي للجميع ... ومبروكين يا زعماء على التأهل وعقبال الكاس إن شاء الله ...