02/03/2007, 07:19 PM
|
| زعيــم متواصــل | | تاريخ التسجيل: 14/12/2005
مشاركات: 83
| |
|
الهلال و الاتحاد السعودي لكرة القدم
السلام عليكم واكتب لكم وانا على مسافه 500 كم شرقا وليتني موجود بالرياض علشان أحضر المباراه
بس المشكله ان صديقي النصراوي معي هذا اولا وثانيا مرتبط بمهمه عمل لبكرة
المهم خويي المسكين الاصفر اليوم يطقطق أصابعه وماهو على بعضه .. سألته ..وش فيك
رد علي وقال( الحين لو كان الهلال مكان النصر باحتجاحه على الفيصلي هل كان الاتحاد السعودي يقبل الاحتجاج
خصوصا أن اللوبي الازرق متوغل داخل الاتحاد السعودي بقوة .......
طالعت فيه وانا مبتسم
قلت طيب باسالك سؤال : أذكر لي أحتجاج قدمه الهلال للاتحاد السعودي وقبلوةوخذ راحتك فكر الين تقول بس....
قام يفكر ويحك خشته قال . مااذكر ؟؟؟؟
قلت . لان مافيه أحتجاج للهلال و قبل من الاتحاد السعودي
اذكر احتجاج واحد قدمه الهلال مدعوم بمستندات رسميه لرعايه الشباب قبل عشرين سنه ضد النصر لاشراكه صالح المطلق
وهو مسجل بنادي مارد بالقصيم ورغم ان الاحتجاج واضح ولايحتاج تـأويل ان ادارة النصر مارست التزوير عيني عينك على عهد عبدارحمن بن سعود واللاعب كان مسجل بناديين بوقت واحد وبنفس بطاقه الاحوال ماانقبل الاحتجاج وذا دليل على قوة اللوبي الازرق
وخذ معك أدله ثانيه على قوة اللوبي الهلالي
1- أول ايقاف بالكاميرا بالملاعب السعوديه تم بنهائي كاس ولي العهد بين الهلال والشباب على يوسف الثنيان وفوق البيعه سامي الجابر عطوة ثلاث مباريات علشان يضمنون مايلعب قدام الاهلي بنص النهائي 1419
2- الفريق الوحيد اللي دايم يسحبون لاعبيه الدوليين اذا شارك خارجيا خسرنا ثلاث بطولات اسيويه وعربيتين وثلاث خليجيه بسبب معسكرات المنتخب ولكن الفرق الثانيه دايم مستفيده وهذا دليل على قوة اللوبي الازرق داخل الاتحاد السعودي من زود قوتنا مانقدر نشرك لاعبينا الدوليين خارجيا لكن شف الاتحاد لان ماعندهم واسطات دايم يشاركون
بالاعبيهم الدوليين حتى يوفرون لهم معسكرات ويأجلون لهم مباريات ويحوسون جدول الدوري علشانهم
3- الهلال الفريق الوحيد اللي اذا توقف احد لاعبيه مايقدر يطلع براءه بنص المده مثل محمد نور ولااسامه المولد بالعكس يقضونها كامله حتى الثنيان والهريفي توقفوا للسبب نفسه الهريفي قضى نص المده وطلع يلعب لناديه ثم المنتخب
والثنيان اكلها وخذمعك الجمعان علشان بس اعترض على تغيير المدرب له وتاخر بالطلوع شوي قاموا وقفوة ثلاث شهور
لكن الهريفي يقول لمدربه ........... والايقاف جاء من ادارة ناديكم لان فيه خلاف مع عبدالرحمن بن سعود والكل يعرف هذا
ولاتنسى نور وشلته بالعربيه يوم طلعو ا للمدرجات وتكفيخ بجماهيرهم ولااحد عبر له ولو بلفت نظر لكن الهلال علشان قوة اللوبي الموجود عنده بالاتحاد السعودي ماقدر حتى يفك الايقافات للثنيان والجمعان وحتى صالح النعيمه يوم دخل الملعب معترض على هدف صحيح للهلال طردوة من الملاعب لا وسحبوا جوازه لكن انتم يالنصراويين تدخلون الملعب وتلحيط بالعقال ورمي نعل وتتفيل وكفوف على وجيه الحكام واخرتها خطاب شكر من الاتحاد السعودي ههههههههههههههههههههههههههههههههههههههههههههههههههههههههههههههههههههههه
شفت قوة اللوبي الازرق شلون عندنا ماحد قدنا
خويي النصراوي . بس بس خلاص ليتني ماسالتك
قلت . لحظه لاتنسى الحين تراكم غثيتونا بلاعبين من الاولمبي ضمهم المنتخب ولالعبوا قدام سطيف وقلبتوا الدنيا
ترى عندنا اربعه لاعبين ولادرينا عنهم انفسنا الغنام العبدالسلام العنبر الصويلح
وحضراتكم الحين كن ودكم تطلبون من الاتحاد السعودي انه مايلعبهم باسيا
يااخي من جد وجهييكم مغسوله بمرق ولاتستحون ولاعندكم نخوه اصلا من شفت حركتكم مع الفيصلي المسيكيين
على ارضكم وبين جماهيركم وبالتحكيم ولاقدرتوا له عرف انكم ضعوف ولاانتم كفو اصلا
الحين ودكم لو شفتوا الهلال يلعب بدولييه باسيا تقولون ايه اتحاد الدلال يدعم الهلال ويلعب دولييه يعني لازم بخطه جهنميه تسوونها ان الهلال مايلعب الدوليين علشان يكون هذا عدل في نظركم
خويي النصراوي . من قال لك هذا
طالعت فيه .تكفى رح لمنتداك اللي قاعد تقراء فيه اليوم موضوع مثبتينه الله لايبلانا بس ....
طيب الحين هذه تعتبرها ادله على قوة اللوبي الهلالي ولاضعفه صراحه احترت معك( خويي النصراوي)(غبي)
طالعت في وجه خويي النصراوي وتذكرت ( طالع وجه العنز واحلب لبن)
وبصراحه ثبتت نظريه واحد من الاخوان اللي حط جائزة بمليون ريال للي يدله على نصراوي ذكي لكن ما بالحمض أحد
=========================================================================
الحوار كان طويل لكن هذا مقتطفات من اللي دار اليوم وخويي النصراوي الحين باللاب توب حقه ويدعي ان الحزم يفوز
لكن بالتوفيق للزعيم اليوم تكفون لاتفشلونا اليوم تراني معه الين بعد بكرة والله يعين |
الوضع العادي
