|
طيب ليش التشكيلة كذا .. يعني ماتدري أدخل لتعرف ( شرح بالصور ) السلام عليكم ومسائكم قشطة بالفراولة أولاً بحكم تواجدي الدائم بالنادي ومن خلال ملاحظاتي على طريقة لعب المدرب بالمنااورات قبل لا يغلق التمارين ومن خلال ملاحظتي على لعب المدرب بالمباراة أستنتجت التالي وللعلم المستفيد الاول محمد الشلهوب والمهاجمين من التشكيلة التي لعب فيها أمام الاتحاد وأمام الوحدة إليكم الطريقة وصدقوني أتوقع بل وأجزم أنكم بعد ماتعرفون راح تقتنعون فيها وبالطبع الكل عارف بمستوى نواف المتراجع والذي لاحطته بالتمارين وبالمباريات هذا صورة للملعب وطريقة تقسيم اللاعبين وبعد ماتشوفونها راح أقولكم المدرب وش يرمي له http://www.m5zn.com/uploads/09218e9293.jpg أتركوا الدعيع ودفاعه لنتكلم عن الوسط والهجوم لاحظوا خالد عزيز في منطقة المحور وحيد ( اذا كانت الهجمة للهلال ) مع التراجع السريع لعمر الغامدي في حال ارتداد الهجمة عمر الغامدي حلقة وصل وربط الكورة بلاعبي الوسط والاختراقات من العمق نواف التمياط وطارق التايب كل واحد فيهم ماسك جهة ياليمين أو اليسار ( وهنا الزبدة ) أذا وصلت الكورة لنواف وهو في أقصى اليسار أخذ الكورة الى أقصى اليمين لوحده ومعاكسه طارق له للذهاب الى جهته وكذا مع طارق لاحظوا أذا وصلت الكورة الى الى طارق أو نواف يتوقف جميع لاعبي الهلال والتحرك لوسط ودفاع الخصم مايسبب في أرهاقهم في الشوط الاول وكذلك مع ياسر والفان تارة يكون ياسر رأس حربة وتارة يكون الفن رأس حرفة ( لاحظوا الصورة ) يكونوا خلف بعض في هذه الحالة نواف التمياط بيتعب كثير لان ليس عنده مخزون لياقي بينتهي الشوط الاول ( لاتهم النتيجة لان النتيجة ستتحقق بأذن الله في الشوط الثاني ) الشوط الثاني يبداء المدرب بدراسة اللعب هل أنهك الخصم أم لا .؟ فيزج بالشلهوب بدلاً من نواف ويثبت طارق على وسط والجهة اليمين للملعب وأخذ الجبهة اليسرى بالكامل للشلهوب مع خروج الخثران من مركزه للتقدم خلونا نرجع لمباراة الوحدة كيف كامل المر بدء الشوط الاول يصول ويجول بالجهة اليسرى الهلالية والشوط الثاني مايقدر يلحق على الشلهوب فتبداء صناعة الالعاب مع تواجد الفان وياسر مهاجمين صريحين .... وبأذن الله ستكون الغلبة للهلال واللى مافهم علي برجع واعيده له ........................................... طبعاً اللى خلاني أكتب هالموضوع هو كلام بعض الجماهير عن نواف والشلهوب للعلم ان نواف هو من أرهق دفاعات ووسط الخصم وحتى وهو في غير عادته والشلهوب هو الورقة الرابحة المقلقة للخصم أتمنى أني قد وفقت في نقل المعلومة التى ترضيكم على الوجه المطلوب تحياتي يازعماء |
بصراحه الاحصائيات حلوه |
هههههههههههه ليان انت بوادي والموضوع بوادي بس اتشرف بردك والله لا يحرمنا من هالطلة |
تدرون وش المشكله قلت بالوقت ذا بلاقي على الاقل صفحتين من الردود ماهمني نقد أو ثناء بس ماتوقعت اني ما ألاقي ردود الا رد واحد ولا هوب مع الموضوع وصراحة توقعت ان عندك فكرة عن الامور الفنية والان أجزم أن مناداتكم بعدم لعب نواف ليس الا ........... مانيب قايل بكيفي :) تحياتي |
اتمنى لو انك مانزلت الموضوع لتكشف الخطه للفرق الاخرى |
ياهلا أخوي هلاللي دوووم ما أتوقع اني بصير اذكي من مدربين الفرق الاخرى وترى هم يشاهدون اكثر من مرة المباراة عموما مشكور على الرد |
شكرا على جهودك |
Hilaly OC مشكور يالغلا على هالطلة |
اول شي احييك على مجهودك في توضيح فكرتك بس للاسف كلامك يذكرني بكلام بعض الهلاليين لتبرير مشاركة المسعري وطخته من اللاعبين لان مستوى نواف في مباراة الوحدة بالذات لا يختلف عما كان يقدمه المسعري من عك كروي في فترات سابقة عارف كم صوت حصل عليه التايب في تصويت شبكة الزعيم 1500 صوت في المقابل نواف حصل على كم صوت 11 صوت للاسف عندما يكون نواف متواجد فطارق التايب هو الذي يفعل كل شيء هجوميا مع مساعدات من عمر الغامدي وعزيز والعنقري بقدر امكانياتهم اما نواف لا حس ولا خبر لا تحرك من غير كرة ولا تعاون مع زملائه وسلبية واضحة بالمختصر مستوى سيء جدا لا يمكن تبريره لا باسهم ولا بغيره الجمهور الذي يعتبر نواف لاعبه المفضل اقدر لكم سعادتكم بوجود لاعبكم المفضل كأساسي وهذه قناعات مدربين لكن من لم يقنع بمستواه في ارض الملعب صعب جدا ان تقنعوا الاخرين فيه في المنتديات وفي النهاية سؤال بسيط عزيزي كم جملة ثنائية تمت في مباراتي الاتحاد والوحدة بين نواف والتايب وفي المقابل كم جملة ثنائية قام بها التايب مع كل من الغامدي وعزيز والعنقري كل على حدة والسؤال الاسهل الا يستطيع الشلهوب ان يقوم بنفس الادوار التي تقول ان نواف يؤديها ؟؟؟؟ خاصة انه اكثر ملائمة للخطة كونه يلعب بقدمه اليسار اما مهاريا وفكريا وكمجهود فشتان فالفرق واضح لا ينكره احد عموما كما اسلفت اشراك نواف قناعات مدربين واعتقد ان هذه القناعات سرعان ما ستموت اذا واصل نواف على مستوياته السيئة |
كلامك في محله وهنا انا اتذكر طريقة فاندرليم مع المنتخب السعودي ايام كاس العرب والخليج كان يخلي تميم لاخر 10 دقيقة وينزله ويحوس بالدفاعات |
مشكور إقتباس:
اسمحـلي .. مو الشلهوب اللي يجلس في الاحتيـااط - ورقـة رابحه !!!!!! .. هذااا الشلهووووب ياا نااس .. الحين مع الحـزم بكيفـه المـدرب .. لكن في الاسيووويه بـأذن الله الشلهووب والتاايب اسااسييـن .. أفضـل لاعب في آسيـا + قبل كـم يـوم اختـاروه ( أفضل لاعب عـربي ) .. وانت تقول ورقه رابحـه ؟؟؟!!!! آآآآآآآآآآآه يا الشلهـــــــوووووووب .. :( |
وجهة نظر تستحق الاحترام :) و لأنك شمري على ما يبدو تستحق الرد في كل مواضيعك :):) لك ودي |
انا اقول المدرب افهم منا بالامور هذي |
spanish eyes أحترم وجهة نظرك بس انا ماجيت أدافع عن نواف بس صراحة كلام الاعضاء عن نواف يطمس تاريخه انا جيت اوضح فكرة فقط ولعلمك انا اعشق سامي لدرجة الهيام وبقية اللاعبين سواسية وانت مثلما قلت وجهة نظر المدرب .... وانا موضوعي وجهة نظر لي فقط ان اصبت من الله وان اخطائت فمن الشيطان ............................................... ..................................... ...................... الاخطبوط الذئب منور كالعادة صقع << كلام الاخوان في ليبيا |
منورين يارب وتسلمون عالطلة أخواني افهموا انا ترجمت اللى اشووفه لاتقولون اني انا ابي كذا انا اتمنى من الدقيقه الاولى الين الوقت بدل الضائع الشوط الثاني والهلال يبدع بس قناعات مدربين |
| الوقت المعتمد في المنتدى بتوقيت جرينتش +3.
الوقت الان » 05:32 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd