|
قــصــــتــــي مـــع الـــــمــــــرور السلام عليكم من ذاك اليوم وانا كل ماشوف دورية اتفقد الدرج واتفقد البوك على طول حتى لو صارت الدورية بالشارع الثاني تدرون ليش كان ياماكان في قديم الزمان <--------- اقول ورا ماتنهج تراهم طفشوا :D (ترا القصة شبة طويلة اذا كنت فاضي فاهلا وسهلا اذا مشغول لو سمحت زر الرجوع :d) جيت من الدوام الساعة 1 الظهر تغديت وعضيت المخدة ونمت تدرون متى صحيت ؟ :eek: الساعة 12 بالليل <---------------- يبيلي حجامة طواااااالي ولا :d المهم جهازي الكمبيوتر بطئ لدرجه اني انام وانا استنى يفتح الموضوع الجديد :d فكرت قلت ليش ياولد مااروح المقهى دي اس ال وشغل سريع سريع المهم شغلت السيارة وقعدت احمي <------ بالله عاد :d مشيت ووقفت عند المقهى (بالعادة المقهى من الساعة 12 الى بعد الفجر يصكر الباب اللي على الشارع وتدخل من ورا عند عزبة ابو هنود :d) دخلت من ورا اول مادخلت الهندي تشنج يوم شافني انا استغربت منه يوم رحت باخذ اشتراك القى عالم مجتمعين والهنوود مختبصين سألت وش فيكم قالوا فيه دورية برا شكت فينا <---- حشى مصنع حشيش مو مقهى نت :d قعدت استنى وش بيصير قلت لهم عطوني اشتراك ماعلي منكم قالوا يمكن يدخل ويقفل المقهى الين بعد الفجر ومنت مستفيد من الاشتراك قلت عطوني بس اول مااخذته شبكت يوم طفوووه على طول قالوا اطلعوا بسرعه دروا انا فاتحين الحين مساااااكين لو تشوفون وجيه العمااال ترحموونهم :d :d المهم يوم طلعنا نلقى الدوريات سادة سياراتنا كل واحد بيركب سيارته على طووول ( الرخصه واستمارة ولبق وتعال) المهم طلعت الرخصة <<---- منتهيه من شهر رمضان اللي راح :d وادور الاستمارة ياولد وينها ادور يمين ادور يسار افتش السيارة مالقيتها والله النكببببة صح المهم شافوني العساكر مختبص قالوا بسرعه ياراعي الموتر الرخصة والاستمارة طلعت لهم وانا داري ان حجز الناصرية مشتاق لي من زمان ماسيرت عليهم :d :d رحت لهم واخذوا الرخصة وماسألوا عن الاستمارة اشوا شوي كذا قالوا كنا بنوديكم الحجز لاكن ماتستاهلون دام اشكالكم مو حقين لف ودوران وحشيش وخربط بربط قالوا مخالفات ونمشيكم المهم كل واحد يمشون عليه ويسألونه مظلل . رابط حزام . معك رخصة اللي مخالف ياخذ مخالفة ويمشي يوم جاء دوري وانا اللي ابلع الريق كاني اتعشى عليه :d قالوا وش عليك انت قلت ماعلي شي (( ومن هناك السيارة مظللة كلها والرخصة منتهية والاستمارة ضايعة يعني لو دروا عني رحت اكله دسمه :d قالوا خلاص حرك سيارتك ورح نم وراك صلاة فجر مايدرون اني توي قايم من الظهر :d يوم مشوني وانا ارتاح لكن المشكلة الاساسية هناااا انهم مسويين تفتيش وانا لازم امر من عندهم عشان اروح يعني لو مريت قالوا وقف هذا اللي ماعليه مخالفات يانصاااب :d وانا امشي وريقي نشف من كثر البلع :d يوم جيت عندهم فيه عسكري شافني وضحك وانا مسوي نفسي برئ واضحك ضحكة صفراء يعني توني واقف معكم ومشوني ترا ماعلي شي مشني انت بعد شوي قالي حرك حرك وانا اللي امشي واطير لكم واكتب الموضوع بس خلاص انتهى الموضوع:d |
ههههههههههههههههههههههههههههههههههههههههههههههههههههههههههههههههههههههههههاي |
يااخي غريبه وين سااكن فيه انت اذكر اول اتكي في المقهى للفجر وعاادي مافيه شي بس اشواء انهم فكوك ولا حجروولك ورحابك لسجن النااصريه يقطع ام الطفشششششششش تشكرااتي لك |
ههههههههههههههههههه هامور البورصة انا في البديعة في مقهى بشارع الجيل لا فيه ناس عندهم تراخيص وناس لا هذولي لي سنه وانا عندهم دايم اجيهم من بعد 12 وعادي اليوم مستغرب انهم نصاابين ماعندهم ترخيص بس والله حرمت اروح بعد 12 :d :d |
هههههههههههههههههه احسن تستاهل وش يخليك تقعد تروح مقااهي اخر الليل <======== توه يول اقعد للفجر بس يااخي ياكثر المقاهي عندكم كثر الحصى رح لوااحد ثااني ولا بعد بريلين خخخخخخخخخخخخخخ يابلااش فيه مقهى حلوو اذكر دايم ارووحله بس في السويدي ع شاارع الابرااج انصحك فيه السااعه بخمسه واتصاله سريع واجهزته جديده اسمه مناير او زي كذا بس اول حرف منه ميم هههههههههههههههههههههه يالله الله يعينك ع اتصاالك يااخي قدم ع الدي اس ال والله رااحه |
إقتباس:
|
إقتباس:
:D وانا اشهد |
هامور جهازي اول ماشريته كان سريع بدون دي اس ال انزل مقاطع وصور على السريع بس الجهاز قعد معي الحين ثلاث سنوات وصااار بطئ بس لو اقولك كم سرعة جهازي احتمال تنادي هكرز يخترق جهازي من الغبنه سرعة الجهاز 500 :D :D بس ان شاء الله بقدم على الدي اس ال واخيس لي كم شهر استناهم والله يعيني ماعرف شي بالدي اس ال والخرابيط ذي |
و عليكم السلام و رحمة الله و بركاته .. اخيرا شفت لك موضوع كملت دقيقتين و انا اقراه .. هالفتره ذي مواضيعك اكثر من ردودك .. و كل المواضيع احسك تكتبها و انت مستعجل تكتب جملتين و تحط اضافة موضوع جديد حتى اني خايف بعض الاحيان تنسى ترسل الموضوع من العجله :D .. زين المره الجايه ان ما كتبت [ السلام عليكم و رحمة ... الخ ] .. هذا طبعا ان سلمت انت و وجهك :D .. إقتباس:
بس تدري وش اشين شي .. الصلاوات لا جيت تقضيها .. اسك من العجله ودك تخلص الصلاوات تصلي العصر 3 ركعات همن تلتفت على امك و تقول يمه انا ما زدت ركعه :D ؟! [ هذا اذا كانت امك صاحيه انت و وجهك هالوقت :D ] .. عالعموم مريت هالمره و فكك ربك .. لكن ان شاء الله المره الجايه يمسكونك و انت توك طالع من الدوام و مستانس اجازتك بدت و طوالي لحجز الناصريه و ما تطلع الا قبل الدوام بساعتين :D .. سلام .. التسناري |
هههههههههههههههههههههههههه يا قدمكم مقاهي ياخي كلها دخاخين الله يعينك بس لو انا منك كان اول ما طلعت من المقهى وشفت الدوريات محجرين لسيارتك رحت للبيت مشي وبعد ساعة ترجع تاخذها ولاهم قد راحوا |
إقتباس:
ياخي جتني فتره معد اكتب مواضيع جتني عقده كل مااكتب موضوع انحذف خخخخخخخخ <---جلف مااعرف اكتب موضوع زي الناس وش دعوى كل مواضيعي لازم اسلم قرطاسة نوم :D :D والله ماقهرني من نظامي ذا الا تفويت الصلاة استغفر الله بس ودك اني اقوم اصلي وارجع انام بس بسوي حجامة هاليومين بس مالقيت احد يدلني عليها بكتب موضوع عن الحجامة وين القاها اصبر بس :D |
إقتباس:
المشلكة وانا داخل اشوف الدوريات تكلم راعي المقهى وثاني شي يوم طلعت مع اللخمه شفتهم كل واحد تاكي على التندة يستنى راعي السيارة وانا كنت بروح يمين واخلي السيارة بس خفت على البانوراما من هالليل :D :D |
في مقهى كنت اول من زمان اروح عنده كان ان جت 1.30 الليل صك الستاير واللي يطلع واحد واحد مرة طلعت انا والا دورية مارة بالصدفة وقزني العسكري المهم نادى بالميكروفون (المقهى اللي جنبه خبثاء موقفين السيارات بعيد) المهم يقول وش عندك داخل النت الحين؟؟؟؟؟؟ هاع جاوب قلت ياخي اسولف مع ولد عمي في امريكا ورخيص الساعة بـ5 ريال يقول لا اتحدى قلت كيفك المهم ويطلعون كل اللي في المقهى ويطلع العامل ويحط مغلق وكأنه مايدري ان فيه دورية وقال معليش تأخرنا نص ساعة منا ومنا مشى |
| الوقت المعتمد في المنتدى بتوقيت جرينتش +3.
الوقت الان » 10:34 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd