24/02/2007, 06:27 PM
|
| زعيــم متواصــل | | تاريخ التسجيل: 08/09/2001
مشاركات: 113
| |
|
فضحية العبدالهادي حرب في الهلال ودعم الاتحاد والنصر
حيا الله الزعماء
كلن بأسمه
حياكم الله جميع ... كل عضو ونبارك لموقع الهلال الشرعي والرسمي شبكة الزعيم
هالعدد وهالأعضاء ...
كثرت سلامات ولا دخلت في الموضوع 
طيب أبشر ابدخل في الموضوع 
ما نبي نحش احد ولا نذكر احد الا بالخير بس العبدالهادي طولها وزودها حبتين ...
خاصه بعد تقسيم الجماهير في مباراة الوحدة 50% 50% والقرعة لصالحنا وحشرنا في نص الملعب
الله يجعل له من اسمه نصيب ....
عموما بما ان الرجال طولها ومصخها فهو خلنا نكتب عنه ونفضح المستور....
يا جمهور الهلال يا إدارة الهلال يااعضاء شرف الهلال العبدالهادي يحارب الهلال عيني عينيك في السر والخفاء ...
تدرون وش سوى قبل مباراة الهلال أرسل واحد يبلغ نادي الهلال ان مباراة الهلال والأتحاد مؤجلة ..!
ليه يا حضرة ..؟
قال ان العبدالهادي يقول تراها مؤجلة من فوق ..!
طيب يا جماعة الخير الحق لنا من المفروض نوافق على التأجيل او ما نوافق ...
قال العبدالهادي يقول الاتحاد عنده مشاركة مهمة في السودان ( مباراة ودية ) ولازم نأجل مباراتكم من الجمعه
الى الأثنين ...
يا جماعة ما يصير هذا حق لنا ... خلاص حنا بنتصل على العبدالهادي ونشوف الموضوع ...
وطبعاً الشيخ فيصل العبدالهادي ما عطى أحد وجه ولا يرد على الأتصالات الله يحييه ...
وش العمل ... كيف تأجل مباراة بدون موافقة الهلال .. والسبب مباراة ودية ...!
شيء غريب ...!
وصل الهلاليين الى الرجال اللي ما عنده لف ودوران ولد فيصل بن فهد ...
نواف اللي أن شاء الله ما يظلم احد ...
وقال لهم ما أمرت ان المباراة تؤجل ولا شيء والطبيعي انها ما تؤجل الا بعد موافقة الناديين ...!
وهنا اتوقف وأسأل ... وش قال العبدالهادي لنواف من أول ..؟
وبعد مباراة الاتفاق اللي جابوا الكاس أتصل يكذب خويه اللي أرسل من أول ...
ويلف ويدور وكأن الموضوع ما طبخه من اول ....
العبدالهادي يصير أخو شما اذا الموضوع يخص الاتحاد او النصر ...
يا جماعة يا ناس ما قال سلطان ولد الغالي فهد الله يرحمه ان المباريات ماتنقل القرعة تنفذ ....
وشلون نقلت النصر والفيصلي ...؟
وش الحجة النصر يبي يسافر الخميس لا وعلى طيارة خاصة ...!
يا جماعة وينها فيه حرمه ...؟
180 كيلو عن الرياض ...!
يعني تقريباً ساعتين ..؟
موضوع النقل ما يستاهل ولا يسوى ...
المباراة وقدموها يوم ليه النقل ...
علشان يرتاحون قبل مباراة البطولة في الجزائر
طيب هم ما سافروا ...!
يعني ما ودنا نقول انهم ضحكوا على الدقون ...
والسبب الحبيب العبدالهادي ..
نجي لتقسيم الملعب في مباراة الهلال والوحدة ...
سؤال بسيط ورانا ما شفنا هالتقسيم الا على الهلال ..!
يعني ما قسموا الاتحاد والطائي ليه..؟
وش معنى ...؟
يعني يحشرنا العبدالهادي في نص الملعب .. والقرعة عطيتنا الأفضلية ..؟
وش هالنظام اللي يطبق على الهلال ويترك الباقين ...
يا عبدالهادي ما نبي منك شيء
نبي الحق للجميع
يا عبدالهادي
الهلال أهم والهلال أهم والهلال أهم
ليه داعم المنتخب الأول والشباب والناشئين
ما نبي مجاملة ولا حركات من تحت لتحت
لكن نبي العدل لنا وعلينا |
الوضع الشجري
