|
عليك بهم ياحبيبنا محمد بن فيصل + معانات جماهير الهلال في مباراة الوحده السلام عليكم مساء الخير على الزعماء اللي كل يوم يثبتون انهم احلى جمهور في العالم ويتمنى ان فريق عالمي (عالمي صدق ) انهم ينتمون له لكن جماهير الزعيم ترفض ان تعشق غيره لانه في نضرها افضل فريق في العالم وتقول بصوت واحد ولدنا نشجع فريق كبير ... وبنموت نشجع فريق كبير من زعل ما همنا ومن رضا ما همنا اميرنا المحبوب محمد بن فيصل كل الشكر لك على ما افصحت به قبل يومان بان الامانه غير امينه وجميع جماهيرالهلال معك... ان ما حصل يوم الخميس يتعدى كونه تقسيم اوقضية 50/50 للمدرجات انه تعدي على جماهير الهلال ومحاوله لاذلالها ويعلم ذلك من حضر المباراة .... تخيلوا عندما توجهنا للملعب تفاجأنا بطابور (سرى) 300 متر تقريبا من شباك التذاكر الى بوابة امن الملعب ولاول مرة يحصل مثل هذا لمذا كل هذا الحقد على الجماهير الهلاليه لماذا المضايقات لجماهير الزعيم طبعا كانت كمرة قناة الزعيم موجوده هناك ومتاكد انهم التقطوا الصور لهذا المنضر حضرنا مباريات للهلال مع النصر والاتحاد لم نرى مثل هذا التصرف انها بدايه لتطفيش جمهور الزعيم كالعاده مع اقتراب مواعيد الحصاد .. ومن حضر المباراة ايضا اثناء ....دخول اللاعبين (يشغلون محمد عبده) وين احب الليلة وين في مباراة الاتحاد وايضا مباراة الوحده لماذا ؟؟؟؟؟؟؟؟؟؟؟؟؟ لاسكات رابطة الهلال المبدع ابراهيم حقوي اللي بالنسبه لنا اهازيجه احلى من (الاماكن ... للشاري ) و(اسمحي لي يالغرام ... لاسير البوق) بس والله كان منضر مخزي اثناء دخول الجماهير الهلاليه كنا جايين نطر الاتحاد السعودي ولا جايين بندخل بلاش على حساب فيصل العبدالهادي الله لايوفقه ولا يربحه امين لكن مهما يحولون يضايقونا جماهير الزعيم ما يهمها بالعكس يزيدها اصرار وعزيمه على الحضور والمؤازرة وكلنا معك يا سمو الامير محمد بن فيصل وضد اي مصادر مسؤله اوغير مسؤله لانه في الاتحاد السعودي ما عاد ندري من المسؤل ومن غير المسؤل عن كل المهازل .... ان لم يكن مركزي بالصف الاول امام ما عاد تفرق معي لوصرت قبل الاخير |
والله مهزلة ما بعدها مهزلة للاسف ...!! |
إقتباس:
|
طيب أنت تقول بيطفشونا ليش مانقهرهم ونحضر كل مباراه وبكذا نضرب عصفورين بحجر ندعم الهلال ونقهر حساده |
إقتباس:
|
انا رحت بعد الاذان ووصلت بعد عشر دقاقيق <<بيتنا حوله وقدامي في شباك التذاكر 5 او 6 ودخلت ونص مدرجات الهلال فاضيه باستثناء الواجهه |
ان شاء الله الجمهور بيكون حاضر يوم الجمعه نبي الملعب مليان |
إقتباس:
7 7 ليه نجلس ورا البيبان ومدرجات النادي المنافس مخصص لهم 50% وفاضية؟؟ |
jjj.jjj والله مهزله بالفعل لكن الوعد يوم الجمعه الرد بيكون قاسي الســـ الهلالي ـــهم ان شاء الله يوم الجمعه وكل يوم فيه مبارات للهلال انا ودي كل يوم مبارات للهلال اصلا بعد المبارات اروح للنهدي واخذها مسجلة واتفرج عليها لين تجي المبارات اللي بعدها والوعد الاستاد أشوى إني هلالي اكيد بنحضر .. بس ليش هالضلم وحنا ورى زعيمنا بدون ما نتعرض لمضايقات Bu RAIED جمهور الزعيم ما يحتاج عزيمه ولا تلزم عليه اصلا نطنش عزايم لعيون الازرق والجمعه ان شاء الله هلاااااااااااليه مثل العاده |
الـفـارس الأزرق اقول لك ماسكين طابور قبل صلاة المغرب بشوي كنا جايين نطر وشبكة الزعيم كانت حاضرة واكيد مصورين المنضر مجن سامي ون ان شاء الله الجماهير بتملى الملعب يوم الجمعه ملك سدير ليه نجلس ورا البيبان ومدرجات النادي المنافس مخصص لهم 50% وفاضية؟؟ وش رايك نسأل المصدر المسؤل يمكن نحصل عنده اجابه قال ايش مصدر مسؤل انتم تعرفون المسؤليه انتم |
النصر اعطوه الملعب كامل + محاباة من الحكم ... الإتحاد اعطوه 95% ضد الطائي + مضايقات لرئيس الطائي لايدخل الملعب .. بعد ما طالع النصر من البطولة حاولوا يمهدون الطريق للاتحاد عشان يوقف الزعيم ... (لكن بدري عليهم).. أما مباراة الزعيم على ارضه ضد الوحدة يعطى 50% من ارضية الملعب...وش الفايدة إذا كنت انا العب على أرضي ومحروم من نصف جماهري.. وش الفائدة من القرعة اللي تسمح للفريق المضيف إنه يستحق الأكثر مقاعد جماهير ... ياخي يكفي إن صورة الملعب مشوهه ... كتلة جماهيرة في جهة والجهة الأخرى شبة فارغة ... امام الجماهير الخليجية والعربية ... أقول شوهت صورة المعلب يامين بلا أمانة.. ثلاثة من الشباب راحوا للملعب وحصلوا البوابات مسكرة .. ومنعوهم من الدخول للملعب .. كل واحد تخلص من الشال اللي معه .. وراحوا باتجاه بوابات جماهير الوحدة ومنعوهم .. لكن بعد ما قلوا إنهم نصراويين جايين يساندون الوحدة .. قالولهم تفضلوا حتى ما فتشوهم بعد ... والله عجب .. عجب .. واللي في الملعب شاف الشيء هذا بعد ما سجل الهلال هدف التعادل .. شوف الجماهير اللي قامت تشجع في مدرجات الوحدة .. وبعدها تدخل العسكر وحاولوا يضمونهم للجماهير الهلالية ... الله لا يوفقك يالعبد الهادي .. والله لا يوفق اللي وصاك على محاربة الهلال.. حسبنا الله ونعم الوكيل ... حسبنا الله ونعم الوكيل |
| الوقت المعتمد في المنتدى بتوقيت جرينتش +3.
الوقت الان » 12:19 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd