اتمنى إفادتي يازعماء بخدمة الدي إس إل - نادي الهلال السعودي - شبكة الزعيم

alzaeem faisal · #1 25/02/2007, 10:07 PM

السلام عليكم ورحمة الله وبركاته

اتمنى منكم ياإخوان إفادتي في موضوع الدي إس إل

في البداية لابد ان اتصل على مركز الخدمة 907 وأطلب هذه الخدمة وأختار بين سرعة 128 - 256 - 512 - 1غيغا
طيب راح انتظر حتى يشغلوا هذه الخدمة لي بعدها أشترك بأحد مزودي الخدمة وأيضاً لا بد أن أختار السرعه أريد أن أعرف لماذا أطلب السرعة من الجهتين وكم أسعار هذه الخدمات من الجهتين هل هذه هي طريقة الإشتراك بهذه الخدمة أم لا وكم هي السرعه المناسبة

وإذا كان خطأ أتمنى إفادتي وأكن شاكراً لكم

الفوز للهلال · #2 25/02/2007, 10:09 PM

اصبحت تجيك لحد بيتك باتصال واحد منك في خلال يومين بالكثير وبدون فني وخرابيط

حبيبي توتي · #3 25/02/2007, 11:27 PM

إقتباس

الرسالة الأصلية كتبت بواسطة الفوز للهلال


	اصبحت تجيك لحد بيتك باتصال واحد منك في خلال يومين بالكثير وبدون فني وخرابيط

^^^
صار لي 9 شهور مقدم ولا جاني شي

...
وبعدين الاسعار وكل شي ...

128 بسعر 90 ريال في الشهر
256 بسعر 100 ريال في الشهر

اما اسعار مزودي الخدمه فـ كل شركه لها اسعار تختلف عن الثانيه

إقتباس


	لماذا أطلب السرعة من الجهتين وكم

عشان كلهم يزرفونك

وبعدين تدفع رسوم التركيب 300 ريال

وان كانك تبي مزيد من التفاصيل شف اعلان شركة الاتصالات فوق ادخل وان شاء الله راح يفيدك

الفرحان · #4 25/02/2007, 11:39 PM

عليك السلام والرحمة

بالضبط مثل ما قلت !

اول شيء تطلب من 907 وبعد ما تتفعل تشتري العدة حقت الدي اس ال

مودم وسبلتر واذا كان عندك تشويش في الخط تمدلك سلك خارجي .. والافضل اذا ما تعرف لهذا كله تروح لمحل وتجيبلك فني يركب لك هذه

بعدها تشتري بطاقة دي اس ال لأي شركه تحب وبيني وبينك كل الشركات مره فوق ومره تحت

شف وش يناسبك وخذ .. انا معاي شبكه نت وماشيه معي ..

طبعا ً على حسب السرعه اللي تبي اذا انت راعي تحميل واجد خذلك 1 ميغا او 512 .. اذا تصفح بس وتحميل خفيف خذلك 128 او 256

اضغط هنا لمعلومات عن الاسعار من شركة الاتصالات
وتقدر تركبه بدون رسوم تأسيس .. تروح للجنادرية وتروح لمعرضهم ويأسسونه لك مجانا ً ..

اي استفسار انا حاضر

alzaeem faisal · #5 26/02/2007, 06:37 PM

اخوي الفوز للهلال

يعطيك العافية أخوي ومشكور وماقصرت

الغالي حبيبي توتي

ماشاء الله عليك تسع شهور صابر شكلي بردد ياليل ماطولك

يعطيك العافية أخوي كفيت ووفيت

أخوي الفرحان

حلوه العده حقت الدي إس إل

يعطيك ألف عافية كفيت ووفيت ماشاء الله عليك

ومشكور وماقصرت أخوي

ولدي سؤال إذا اشتركت بسرعه 256 هل يمكنني الإشتراك عند مزودي الخدمة بسرعه 1 غيغا أو العكس إذا اشتركت بسرعه 1 غيغا هل يمكنني الإشتراك عن طريق مزودي الخدمة 128 وإذا كان نعم هل له سلبيات؟؟؟؟؟؟؟؟؟

وهل الإفضل مودم USB أم مودم لاسلكي ؟؟؟؟؟؟؟؟؟؟؟؟؟؟.

الفرحان · #6 26/02/2007, 07:37 PM

إقتباس

الرسالة الأصلية كتبت بواسطة alzaeem faisal


	ولدي سؤال إذا اشتركت بسرعه 256 هل يمكنني الإشتراك عند مزودي الخدمة بسرعه 1 غيغا أو العكس إذا اشتركت بسرعه 1 غيغا هل يمكنني الإشتراك عن طريق مزودي الخدمة 128 وإذا كان نعم هل له سلبيات؟؟؟؟؟؟؟؟؟ وهل الإفضل مودم USB أم مودم لاسلكي ؟؟؟؟؟؟؟؟؟؟؟؟؟؟.

شوف حبيبي .. تقدر تشترك من الاتصالات بسرعة واحد ميقا .. وتاخذ من مزودي الخدمه سرعه اقل هذه ما فيها مشكله .. واحسنلك عشان متى ما تبي تغير السرعه فقط تغير الاشتراك من احد مزودي الخدمه ..

اما انك تاخذ من الاتصالات سرعة 512 وتشترك من مزود الخدمه 1 ميغا ما راح تستفيد شيء لان سرعة خطك اصلا 512 !!

والافضل طبعا ً المودم اللي يحتوي على اربع منافذ ولا سلكي ايضا ً

alzaeem faisal · #7 26/02/2007, 08:01 PM

مشكور أخوي الفرحان
كفيت ووفيت يالذيب

ألف شكر لكم على المعلومات اللي أفادتني

كفيتوا ووفيتوا وألف شكر مرة أخرى