قــصــــتــــي مـــع الـــــمــــــرور - نادي الهلال السعودي - شبكة الزعيم

ياقاهرهم يالهلال · #1 27/02/2007, 05:33 AM

السلام عليكم

من ذاك اليوم وانا كل ماشوف دورية اتفقد الدرج واتفقد البوك على طول حتى لو صارت الدورية بالشارع الثاني
تدرون ليش

كان ياماكان في قديم الزمان <--------- اقول ورا ماتنهج تراهم طفشوا

(ترا القصة شبة طويلة اذا كنت فاضي فاهلا وسهلا اذا مشغول لو سمحت زر الرجوع

)

جيت من الدوام الساعة 1 الظهر تغديت وعضيت المخدة ونمت تدرون متى صحيت ؟

الساعة 12 بالليل <---------------- يبيلي حجامة طواااااالي ولا

المهم جهازي الكمبيوتر بطئ لدرجه اني انام وانا استنى يفتح الموضوع الجديد

فكرت قلت ليش ياولد مااروح المقهى
دي اس ال وشغل سريع سريع المهم شغلت السيارة وقعدت احمي <------ بالله عاد

مشيت ووقفت عند المقهى

(بالعادة المقهى من الساعة 12 الى بعد الفجر يصكر الباب اللي على الشارع وتدخل من ورا عند عزبة ابو هنود

)

دخلت من ورا اول مادخلت الهندي تشنج يوم شافني انا استغربت منه يوم رحت باخذ اشتراك القى عالم مجتمعين والهنوود
مختبصين سألت وش فيكم قالوا فيه دورية برا شكت فينا <---- حشى مصنع حشيش مو مقهى نت

قعدت استنى
وش بيصير قلت لهم عطوني اشتراك ماعلي منكم قالوا يمكن يدخل ويقفل المقهى الين بعد الفجر ومنت مستفيد من
الاشتراك قلت عطوني بس اول مااخذته شبكت يوم طفوووه على طول قالوا اطلعوا بسرعه دروا انا فاتحين الحين

مساااااكين لو تشوفون وجيه العمااال ترحموونهم

المهم يوم طلعنا نلقى الدوريات سادة سياراتنا كل واحد بيركب سيارته على طووول ( الرخصه واستمارة ولبق وتعال)

المهم طلعت الرخصة <<---- منتهيه من شهر رمضان اللي راح

وادور الاستمارة ياولد وينها ادور يمين ادور يسار افتش
السيارة مالقيتها والله النكببببة صح المهم شافوني العساكر مختبص قالوا بسرعه ياراعي الموتر الرخصة والاستمارة

طلعت لهم وانا داري ان حجز الناصرية مشتاق لي من زمان ماسيرت عليهم

رحت لهم واخذوا الرخصة وماسألوا عن الاستمارة اشوا

شوي كذا قالوا كنا بنوديكم الحجز لاكن ماتستاهلون دام اشكالكم مو حقين لف ودوران وحشيش وخربط بربط

قالوا مخالفات ونمشيكم المهم كل واحد يمشون عليه ويسألونه مظلل . رابط حزام . معك رخصة اللي مخالف ياخذ مخالفة
ويمشي يوم جاء دوري وانا اللي ابلع الريق كاني اتعشى عليه

قالوا وش عليك انت قلت ماعلي شي (( ومن هناك
السيارة مظللة كلها والرخصة منتهية والاستمارة ضايعة يعني لو دروا عني رحت اكله دسمه

قالوا خلاص حرك سيارتك
ورح نم وراك صلاة فجر مايدرون اني توي قايم من الظهر

يوم مشوني وانا ارتاح لكن المشكلة الاساسية هناااا

انهم مسويين تفتيش وانا لازم امر من عندهم عشان اروح يعني لو مريت قالوا وقف هذا اللي ماعليه مخالفات يانصاااب

وانا امشي وريقي نشف من كثر البلع

يوم جيت عندهم فيه عسكري شافني وضحك وانا مسوي نفسي برئ واضحك
ضحكة صفراء يعني توني واقف معكم ومشوني ترا ماعلي شي مشني انت بعد شوي قالي حرك حرك وانا اللي امشي
واطير لكم واكتب الموضوع

بس خلاص انتهى الموضوع