25/02/2007, 08:30 PM
|
| زعيــم فعــال | | تاريخ التسجيل: 01/11/2006
مشاركات: 296
| |
|
( أفضل حركات We10,we11 )
بسم الله الرحمن الرحيم
1- تسديدة هنري الخاصة ( لسعة هَنُّـور ) :
اركض خارج خط الـ 18 (خارج منطقة الجزاء) و خلِّي مرمى الخصم على يسار هنري ( يعني تركض بشكل عرضي في الملعب ) و بعدها L1 + مربع ( بدون سهم يمين أو يسار ) .
2- تسديد متردد خدعة : مربع + اكس . ( طبعا اللي ما يعرفها يكون ما يعرف كوره أبدًا <مع احترامي له> لأنها قديمه جدًّا و سهله و أنا حاطها زيادة عدد بس ).
3- تعديه بالقدمين ثلاثية ( في ناس يسمونها مراوح !! ) : كرِّر الضغط على L1 بسرعه ( مو باستمرار .. بتكرار أكثر من مره ) .
4- تعديه بالقدمين فردية : R2 مرتين متتاليتين . ( هذي الحركه مفيده كثيرًا ومن أحسن الحركات ).
5- تعديه بدوران اللاعب ( حركة زيدان ) : لف عصا الأنالوج الأيمن 360 درجة بشكل دائري . ( حركه حلوه جدًّا إذا سويتها صح على خصمك وعديت منه )
<ملاحظه : لازم تسوي الحركه بلاعب فنان لأن إذا سويتها بلاعب عادي راح تفلت منه الكوره>.
6- التجنب : R2 + سهم الإتجاه اللي تبيه .
7- تسديد الكرة فوق الحارس ( سَقَّاطي ) :إذا هجم عليك الحارس اضغط : مربع + L1 .
8- قفز اللاعب فوق رجل لاعب الخصم لما ( يزحلق عليك ) :
إذا مشيت بلاعبك و أحد لاعبي الخصم زحلق عليك زاحفا من الخلف أو من الجانب ، عندما يصل لك أضغط R2 مرتين.
( هذي أنا ما عمري جربتها يعني مو متأكد منها بس على الأقل جربوها انتم ).
9- حركة تمثيل الوقوع و كسب ( فاول ) :
إذا كنت تمشي أو تركض بلاعبك و أتى أي لاعب من الخصم و صار لاعبك و لاعبه يستخدمان ( دف الكتف القانوني ) اضغط R2 بتكرار وبسرعه فيعمل حركة تعديه و سيقع مباشرة على صدره أو على جنبه
يعني بالعربي : اذا لاعب الخصم قاعد يتدافف مع أي لاعب من عندك أضغط R2 بتكرار وبسرعه .
( مو دايمًا تزبط هذي الحركه ؛ انت وحظك والحكم ) .
10- الركض بتقديم الكرة كثيرا :
عندما تكون راكضا بلاعبك أضغط R2 + فوق أو R2 + تحت . يعني الآر تو مع أحد الجهات . ( لازم تكون راكض بسرعه يعني ضاغط R1 )
< أكيد الكل يعرفها ما تحتاج شرح >.
11- حركة الون تو : اضغط L1 + X ، تلاحظ إن اللاعب الأول اللي ناولها يتقدم بسرعه ، و اذا وصلت للاعب الثاني الذي ناولتله اضغط X أو مثلث أو دائره .
( جربها عشان تعرف الفرق لو رجعتها له بـ إكس أو مثلث أو دائره ).
12- تسديد الكره بالفاول من تحت الحائط ( زي هدف رونالدينيو على فيردر بريمن الألماني في أبطال أوروبا ) :
< حركة تنفع للفاولات القريبه جدًّا من مرمى الخصم >. إجعل امتداد الكرة مستقيم متجه للمرمى و بعيد عن الحارس ثم اضغط دائرة ( أقوى شي ) + سهم تحت .
(بدون ما تلف الكوره عشان ما تضعف التسديده ).
13- خدعة عدم استقبال الكرة :
إذا ناولت الكوره لأحد لاعبينك و اقتربت الكوره منه اضغط R1 فيتركها تمر من بين رجليه .
14- تجنب الأشياء أو توجيه اللاعب على كيفك :
إذا ما كانت الكوره معك .. اضغط R2 مع الجهه إللي تبيها .
15- الرفعه المتوسطة الطول : لما يكون لاعبك في جانب اليسار أو اليمين من منطقة الجزاء أضغط دائرة مرتين متتاليتين .
16- الرفعة العرضية عند مستوى الفخذ : لما يكون لاعبك في جانب اليسار أو اليمين من منطقة الجزاء أضغط دائرة 3 مرات متتالية
17- الرفعه المخادعه ( الأرضيه ) : لما تروح لجانب الملعب إضغط دائره بتكرار سريع راح يرفعها لاعبك أرضيه .
< فائدة هذي الحركه إنها تجيبلك هدف بنسبة (80 % ) لأن الكوره يا تروح للاعبك وتجيبها إنت هدف أو تخبط بدفاع الخصم ويجيب هدف بمرماه أو على الأقل تسوي اضطراب في منطقة الجزاء >.
18- التخلص من الرقابة و دخول العمق :
اذا كانت الكوره مع أحد لاعبينك ( نفرض إسمه 1 ) ، ناول أحد اللاعبين ( نفرض إسمه 2 ) بالضغط على ( اكس + L1 ) فتلاحظ إنه لما يناول لاعبك ( اللي اسمه 1 ) الكره للاعب (اللي اسمه 2 ) فسيركض (1) بسرعة إلى الأمام ويصير فاضي بدون رقابه ... فتستغل الموقف و تناول له < بس انتبه من التسلل > .
19- مناوله من فوق الدفاع: في أي مكان بعد منتصف ملعبك اضغط : L1 + مثلث . ( طبعًا انت وحظك لأنها يا تصيب و يا تخيب ).
20- قفز لاعب حائط الصد في الفاول : مربع . ( لازم يكون توقيتك مناسب عشان تصد الفاول ).
21- تثبيت لاعبي حائط الصد في الفاول : اكس . ( عشان تصد التسديدات الأرضيه ).
22- رمية التماس الخادعه : دائرة + L1 .
23- تسطيح الكرة في الفاول : مربع + R3 .
24- في الفاول تقدر تصوب بجهه و تشوت بالجهه الثانيه ( يعني تصوب يمين وتشوت يسار أو العكس ) :
تصوب الكوره يمين ولما يطلع الخط بسرعه اضغط L1 بتكرار مع سهم يسار .. ولما تصوب يسار نفس الشي بس بدل L1 تضغط R1 مع سهم يمين .
25- تشتيت الكرة : كثير ألاحظ ناس لما يكونون يلعبون ويكون عليهم هجمه وتصير الكوره مع دفاعهم يشتتونها (يبعدونها) بدائره وهذا صح تشتيت بس مو لمصلحتهم لأن اللاعب راح يشوتها يا للتماس يا للركنيه وإذا كان بمواجهة مرماه يمكن يجيبها هدف بنفسه .. الخلاصه إني أنصحكم تبعدون الكوره عن مرماكم بــ (( مـــــربــــــع )) لأن الدفاع بيبعدها لنص الملعب فيمكن تصير * هجمه مرتده * .
26- خدعه : لما توقف تقدر تتظاهر بالإندفاع .
الطريقه : وقف الكوره بالضغط على R1 ثم إضغط مرتين على السهم فوق أو تحت ( اليمين أو اليسار بالنسبه للاعب ) .
27- زحزحة الكرة : لما توقف بالكوره تقدر تصلحها لنفسك للتسديد .
الطريقه : اضغط L1 و R1 مع بعض وبسرعه اضغط مربع عند وقوفك بالكرة .
28- خداع المدافع
الإستخدام : عندما يكون لاعبك يركض تستطيع التظاهر بالإتجاه في ناحية ثم تذهب من الناحية الأخرى.
الطريقه : عندما يكون لاعبك يركض إضغط السهم تحت ثم السهم يمين قبل لمس الكرة .
29- في حركه مدري وش أسميها بس انها مفيده :
لما يكون الخصم قاعد يركض باتجاه مرماك وتجيب مدافعك أمامه اضغط باستمرار R2 فتلاحظ إن التحكم بلاعبك تغير وصار أسهل وأحسن ووقفته تغيرت (هذي الحركه تربك اللي قاعد يباريك) .
31- حركة رونالدينيو :
اضغط R2 بتكرار وبسرعه ( مو كل اللاعبين يسوونها .. بعضهم فقط يسويها مثل رونالدينو ، ك.رونالدو ) .
32- رشوة الحكم ؟!
(عند بداية المباراة) إضغط
R1 R1 L2 ( select + L2 ) L2
لاحظ الآن أن قرارات الحكم لصالحك بنسبة 90%
ومن الطريف أي وقوع في منطقة الجزاء تحتسب بلنتي لصالحك
إذا خرج أحد من لاعبيك بسبب إصابه يحصل خصمك على كرت أحمر
وأي فاول لخصمك في منطقه الجزاء لا يحتسب بلنتي
وإذا أردت التأكد اكسر خصمك عمداً لايحتسب ضربة جزاء
وتختلف النسبة المئوية من حكم لآخر لكن لا يقل ذلك عن 80%
لكن هذه الحركة ما تضبط إلا إذا كنت تلعب في الدوري ( الماستر )( اللي تشتري فيه و تبيع يعني مو مثل الدوري الإيطالي أو الدوري الإنجليزي .............. إلخ ) عشان ياخذون من فلوسك اللي أنت مجمعها .
أرجو إن الحركات أعجبتكم سواء قديمه أو جديده .منقول |
الوضع العادي
