المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 24/02/2007, 01:28 AM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,057
شـي مـا شـفـتـوهـ مـن مـبـاراة الـزعـيـم والـوحـدة + (أهـازيـج هـلالـيـة خـاصـة)

بسم الله الرحمن الرحيم

السلام عليكم ورحمة الله وبركاته

وبعد:

__ __ __ __ __ __ __ __ __ __ __ __ __ __ __ __ __ __ __ __ __ __ __ __

كالعادة.. يا أصحاب الزعامة والسيادة.. نحن بسعادة.. بفوز سكر زيادة <<< قسم بالله علي سجع موب صاحي

ألف مليون مليار تريليون دينار مبرووك يا زعماء بالفوز المستحق والتأهل بالغصب عن خشوم البعض<< ما يقصد فيصلوه

وكالعادة أعانقكم بهذا الموضوع بعد كل مباراة أحضرها للزعيم سواء بالرياض أو الشرقية..!

وفي البداية أحب أقول أنه في موضوعي هذا راح أحكي قصة حياتي.. فاللي اتصاله دايل أب أو مستعجل

فهو حر يطلع أو يقعد.. أهم شي ما أبي أحد يغثني ويقول لي وش نبي بقصة حياتك أو موضوعك طويل أو عريض

لأنه موضوعي وأنا حر فيه وعلى قول المتنبي: كـيـفـي هـلالـي....والـهـلالـي بـكـيـفــه

يالله عشان ما نطول بالمقدمة اللي مدري وش تبي خلونا ننزل تحت:



__ __ __ __ __ __ __ __ __ __ __ __ __ __ __ __ __ __ __ __ __ __ __ __

** اتصل علي خويي هلالي جامعة البترول <<<< ياحظه اشتهر

وسألني إن كنت بأحضر المباراة أم لا؟ فقلت له أني مدري لأن ظروفي ملخبطة هاليومين.. فقال لي: وش رايك نروح

مع باص مجلس الجمهور الهلال؟ فرفضت الفكرة مبدئياً.. لكني اقتنعت بعد ما أخبرني أن الباص تحت مسؤولية الأستاذ

علي العمري وما فيه إزعاج أو قلة حياء. بالإضافة أنهم بيعطونا تذاكر مجانية <<السبب الحقيقي..الفقر شين يالربع


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** وصلنا لمكان الباصات عند أستاد الأمير محمد بن فهد بالدمام الساعة الواحدة ظهر يوم الخميس.. ثم أتت الباصات

الساعة 1.30 وكان عددها 3 باصات.. لكن للأسف عدد المشجعين قليل وما ملأنا إلا باص واحد..


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** كان أغلب المشجعين لابسين لبس رياضي..وبعضهم ثياب بدون شماغ.. إلا أنا ووجهي لابس رسمي تقول رايح زواج

لا ومتعطر بعد


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** تحرك الباص حوالي الساعة 2.وكان معي 3 من أخوياي بالجامعة من ضمنهم هلالي جامعة البترول<< تأكيد للشهرة

__ __ __ __ __ __ __ __ __ __ __ __ __ __ __ __ __ __ __ __ __ __ __ __

** الأستاذ علي العمري ذهب بسيارته الخاصة ولم يركب معنا.. لكنه قبل ذلك نبهنا على أن التدخين ممنوع

__ __ __ __ __ __ __ __ __ __ __ __ __ __ __ __ __ __ __ __ __ __ __ __

** كنت مواصل ما نمت.. وكنت أخطط للنوم في الباص عشان ما أنام في الملعب:p لكن للأسف طلع لي هلالي جامعة

البترول وتناقشنا حول المفرج والمرشدي.. أنا مع المفرج وهو مع المرشدي.. وكالعادة استمر النقاش حول ساعة

كاملة حتى دخت من كثر الزعيق ونمت:p لكني قبلها تحديته أن المباراة راح تكون مباراة المفرج


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** كان الباص مريح جداً جداً والمشجعين هادين وكل واحد في حاله...!

__ __ __ __ __ __ __ __ __ __ __ __ __ __ __ __ __ __ __ __ __ __ __ __

** توقف الباص فجأة ونزل السواق!! يقولون أنها دورية وقفتنا!! الظاهر أن راعي الدورية نصراوي نسى حبوب الضغط

وحب يحط حيله علينا...... بس يعقب


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** وصلنا الملعب الساعة 6.30 تقريباً... وانتظرنا نص ساعة ننتظر التذاكر لكن دون فايدة!! ثم مشينا كلنا مع بعض

ومشينا مشينا مشينا والظاهر أننا درنا على الملعب 3 مرات من كثر ما مشينا:p


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** التفت على خويي هلالي جامعة البترول وبغيت أفقع وجهه قلت له: جايبني من الدمام عشان أوفر قيمة التذكرة

وآخر شي ما لقيناها والله لأشرب من دمك


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** بغيت أروح أنا وأخوياي نشتري لأنفسنا تذاكر.... لكن لقينا زحمة زحمة زحمة غير طبيعية على منافذ بيع التذاكر

__ __ __ __ __ __ __ __ __ __ __ __ __ __ __ __ __ __ __ __ __ __ __ __

** وأخيراً وبعد طول عناء وجدنا الأستاذ علي معتوق العمري وبطريقته الخاصة أدخلنا إلى الملعب بدون تذاكر

__ __ __ __ __ __ __ __ __ __ __ __ __ __ __ __ __ __ __ __ __ __ __ __

** قبل الدخول وعند منافذ التفتيش كان التفتيش دقيق جداً.. ينخلون الآدمي نخل.. المهم يوم جاء دوري للتفتيش

فتشني عسكري ورع حتى الشنب ما خط في وجهه ما حصّل معي شي إلا كتيب حصن المسلم حق الأذكار والجن

<<<<<<<< يخاف مووت من الجن

المهم جاء العسكري واخذ الكتيب وعطاه خويه ... أنا قفلت الأخلاق معي خصوصاً وأنا مواصل

مديت يدي ومسكت الكتاب بيد العسكري وقلت: سلامات.. كتاب دين هذا موب مجلة

قال خوي العسكري: أعطيه الكتاب؟ قال العسكري الورع: بكيفك..

أنا انتهيت ذيك الساع ودفيت الكتاب للعسكري وقلت: خذه ولا يكثر.. تتعازمون عليه؟ قال لي العسكري الورع

يبي يرفع ضغطي: خله عشان تكسب فيني أجر.. قلت بصوت عالي: اي والله خلني أكسب فيك أجر.. بس أهم

شي أنك تعرف تقرأ زين؟!!:p سكت الورع وكمل تفتيش...!!

<<<<< والله أني ما كذبت عليكم.. تروني قوي يجي مني


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** بعد ما دخلنا جاني هلالي جامعة البترول يقول لي ان خوينا رامي مسكوا معه سكين

__ __ __ __ __ __ __ __ __ __ __ __ __ __ __ __ __ __ __ __ __ __ __ __

** رجعت أنا وخوياي الأثنين نبي نشوف وش صار مع رامي فجانا عسكري وقفنا وقال لنا ندخل.. رفضنا وقلنا

نبي نشوف خوينا اللي ما سكينه!! فسألنا وش عنده؟ فقلنا ما ندري.. قال: أجل أرجعوا دامه خويكم وما تعرفون وش

عنده.. قلنا وهي قافلة معنا: شايفنا أمه ولا أبوه عشان نقعد نفتش ملابسه؟ سكت العسكري ورجع مكانه..


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** يوم قربنا من منافذ التفتيش شفنا خوينا يصورونه عشان يشهرون به <<< يا حظه بيشتهر ليتي مكانه

__ __ __ __ __ __ __ __ __ __ __ __ __ __ __ __ __ __ __ __ __ __ __ __

** بعدها جانا الأستاذ علي العمري وسألنا وش عندنا فعلمناه السالفة.. فقال خلاص ادخلوا وأنا أشوف الموضوع..

راح لهم علي العمري وحنا دخلنا الملعب.. وعلى حسب الاتصالات اللي بيننا وبين رامي أخبرنا أنهم راحوا القسم

عشان يكتبون محضر بالشرطة.. طبعاً الأستاذ علي العمري بيض الله وجهه ما قصر وحاول قدر ما يستطيع أنه

يحل المشكلة لكن دون جدوى..


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** دخلنا المدرجات ولقينا المدرجات المخصصة لجماهير الهلال فلللللللللللللللللل وعجزنا نلقى لنا مكان

__ __ __ __ __ __ __ __ __ __ __ __ __ __ __ __ __ __ __ __ __ __ __ __

** فجأة وأنا واقف في السلالم أتفرج مر من جنبي خويي وصديقي بالمطار الأستاذ عبدالرحمن البابطين..

جيت أبصوره زين.. فنزلت تحت شوي عشان تضبط الصورة من قدام وعشان ما يشوفني ويدري أني جيت الرياض

<<<< الله يهديه أخاف يعزمني ويتكلف

المهم أني صورته بس هو الله يهديه التفت وما ضبطت الصورة زين... وبأحط لكم الصورة بعدين..!


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** قبل المباراة شغلت إدارة الملعب أغنية تجيب النوم لواحد ما أعرفه بس قال لي خويي أن واحد اسمه محمد عبده

الأغنية هذي جابت لي النوم خصوصاً وأنا مواصل وبغيت أنام وأنا أدور لي سرير.. قصدي كرسي عشان أجلس

عليه


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** بعدها بدأت الأهازيج الجميلة من أسد المدرجات أبو خليل... فهزّ بصوته العذب كل المدرجات وتحمس الجمهور كله..

حتى أنا طار مني النوم وبغيت أستنزل


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** بطلعة الروح حصلنا كراسي في موقع جيد جداً ..أما غيرنا فمساكين يتابعون المباراة من على الدرج

<<< كلها من بركاتك يالدب فيصلوووه


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** أسد المدرجات كان لابس فنيلة الهلال مكتوب عليها اسمه: "HAQAWI" ورقم: "45" << لحد يسألني عن سر الرقم

__ __ __ __ __ __ __ __ __ __ __ __ __ __ __ __ __ __ __ __ __ __ __ __

** سجلت بعض الأهازيج لوضعها في هذا الموضوع.. وإن شاء الله أضعها لاحقاً حتى تستمتعون بصوت أبو خليل

__ __ __ __ __ __ __ __ __ __ __ __ __ __ __ __ __ __ __ __ __ __ __ __

** مع دخول اللاعبين للاحماء لاقى الكابتن سامي الجابر موجة من التصفيق وترديد اسمه كثيراً من الجماهير..<<ياحبني له

__ __ __ __ __ __ __ __ __ __ __ __ __ __ __ __ __ __ __ __ __ __ __ __

** لوحظ الكثير من جماهير المسيار حضرت لتشجيع الوحدة.. فتفاءلنا بالفوز كالعادة بوجود جماهير النحس

__ __ __ __ __ __ __ __ __ __ __ __ __ __ __ __ __ __ __ __ __ __ __ __

** أثناء المباراة تزحلق أحد لاعبي الوحدة في المضمار.. وتبعه لاعب وحداوي آخر.. << لا تسألوني وش أساميهم

لأني ما عرفتهم.. كل لاعبي الوحدة أصلاً نفس الماركة نفس الشكل ونفس اللون


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** حارس الوحدة مدري وش يبي؟!! ما يبدع هو وخشته إلا بمباراة الهلال!! حسبي عليه!!:p

__ __ __ __ __ __ __ __ __ __ __ __ __ __ __ __ __ __ __ __ __ __ __ __

** مع دخول سامي والشلهوب والبرقان للأحماء هتف الجمهور كثيراً وطالب بمشاركتهم خصوصاً البرقان

__ __ __ __ __ __ __ __ __ __ __ __ __ __ __ __ __ __ __ __ __ __ __ __

** ما بأتكلم عن المستوى الفني للمباراة.. لكن بصراحة أعجبني فهد المفرج بقتاليته وروحه العالية..

__ __ __ __ __ __ __ __ __ __ __ __ __ __ __ __ __ __ __ __ __ __ __ __

** فهد المفرج يملك إمكانيات هائلة وكونه يخطئ فالكل يخطئ.. ولكن مشكلتنا أننا نركز على المفرج دون البقية

وننسى أو نتناسى أن جميع المدربين المتعاقبين على الهلال مقتنعين به.... (والمدربين أبخص) ;)


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** بصراحة كنت ألوم الجماهير وأقول أنهم يبالغون بخصوص الأمن.. لكن بعد اللي شفته ما ألومهم والله... حتى أنا

صرت حاقد على العساكر كل أبوهم:p حتى أخوياي أيام الثانوي اللي دخلوا العسكرية مسحت أرقامهم من جوالي


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** بعد نهاية المباراة ذهب أبوسلطان لتحية الجمهور الهلالي الكبير.. وكان يؤشر بيديه للجمهور: بأنهم في

قلبه وعلى رأسه..


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** رد الجمهور الكبير التحية بقيادة أبوخليل بترديد اسمه أكثر من مرة في الأهازيج..

__ __ __ __ __ __ __ __ __ __ __ __ __ __ __ __ __ __ __ __ __ __ __ __

** عندما وصل أبوسلطان لمحاذاة المرمى الوحداوي داعب الجمهور بنفس الحركة التي فعلها أمام الإتحاد

وحط اصبعه على خشمه وهو يضحك (ويقصد من فوق خشومهم)


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** بعد خروج أغلب الجماهير تغنى أبو خليل بمنوعات غنائية جميلة منها: لنا الله... ونحمد الله جت على ما نتمنى..
__ __ __ __ __ __ __ __ __ __ __ __ __ __ __ __ __ __ __ __ __ __ __ __

** بعد خروجنا من الملعب كان منظر الجماهير مهيب.. من كثر الزحمة والناس تخيلت أني بشوارع الثقبة <<< لا عمرك تشبه

__ __ __ __ __ __ __ __ __ __ __ __ __ __ __ __ __ __ __ __ __ __ __ __

** عند وصولنا للباص شاهدت أحد السكرتيه يقود طفل صغير بعمر 13 وأربعة أشهر و13 يوم تقريباً <<< كل ذا وتقريباً

المهم الولد كان يبكي.. وحسب خبرتي في مشاهدة مسلسل كونان عرفت أن الولد ضايع يدور على أهله.. الله يجمعه

بأهله... آمين..!


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** برايفت لأول رد تحتي: رحلة العودة كانت تراجيدية جداً.. فخلها مستورة.. خصوصاً وأن أخوياي تخلوا عني وقعدوا

بالرياض وخلوني وحيداً.......!!!


__ __ __ __ __ __ __ __ __ __ __ __ __ __ __ __ __ __ __ __ __ __ __ __

** المباراة ككل ما كان فيها شي غير ما ذكرته لكم.. عشان كذا ذكرت قصة حياتي أنا وأخوياي عشان أكبر الموضوع

شوي.. فاعذروني... واللي ما بيعذرني يروح يقشر بصل



__ __ __ __ __ __ __ __ __ __ __ __ __ __ __ __ __ __ __ __ __ __ __ __

وأخيراً:

إن أحسنت فمن الله وحده لا شريك له..

وإن أخطأت فمن الدب فيصلووه والشيطان


__ __ __ __ __ __ __ __ __ __ __ __ __ __ __ __ __ __ __ __ __ __ __ __

مع السلامة

الــمــشــاغــب

اخر تعديل كان بواسطة » الـمـشـاغـب في يوم » 24/02/2007 عند الساعة » 02:40 AM السبب: مـالـك مـعـاذ..قـصـدي مـالـك خـص!
اضافة رد مع اقتباس
  #2  
قديم 24/02/2007, 01:59 AM
زعيــم فعــال
تاريخ التسجيل: 15/03/2003
المكان: المنطقةالشرقيه
مشاركات: 245
يعطيك العافية يالمشاغب على سرد رحلتك الجميلة

وبإنتظار الصور و الأهازيج

بس ترى نسيت في القصة خط الرجعة وش صار فيه ومتى وصلتوا الدمام
اضافة رد مع اقتباس
  #3  
قديم 24/02/2007, 02:00 AM
زعيــم فعــال
تاريخ التسجيل: 21/08/2006
المكان: الرياض
مشاركات: 433
موضوع رائع كالعادهـ يا مشاغب .. !!

وترا الـ 45 اللي بفنيلة حقوي هي عدد بطولات الهلال ..

الظاهر من كثرهن تلخبطت وانا اخوك


يا مال العافيهـ .. ومشكوووووووووووور على موضوعك الحلو ..

دمت بودّ ..
اضافة رد مع اقتباس
  #4  
قديم 24/02/2007, 02:48 AM
موقوف
تاريخ التسجيل: 17/04/2006
المكان: قلب الهلال
مشاركات: 744
يسلموووووووووو


والحمد لله على السلامه
اضافة رد مع اقتباس
  #5  
قديم 24/02/2007, 02:55 AM
الصورة الرمزية الخاصة بـ هلالي الى اخر رمق
زعيــم نشيــط
تاريخ التسجيل: 28/07/2005
المكان: فـــوق هــــــام الســحب
مشاركات: 885
الحمد لله على سلامتك وماقصرتوا



ويعطيــــــــــــــــك ألف مليار عافية



بيـــــــــــــــــــــــــــــــــــض اللـــــــــــــــــــــــــــــــــه وجهــــــــــــــــــــــــــــــــــــــــــك................
اضافة رد مع اقتباس
  #6  
قديم 24/02/2007, 03:03 AM
الصورة الرمزية الخاصة بـ الصقر الهلالي
زعيــم مميــز
تاريخ التسجيل: 24/12/2000
المكان: ][وهل غيـر الشمـال أعشـق .!!.][
مشاركات: 10,798
يعطيك العافية يالمشاغب على سرد رحلتك الجميلة

وبإنتظار الصور و الأهازيج

واممممممم اسلووبك بالسرد والسدح مررة رايق ..

عموماا


الف مبروووك .. وعقبال الجايات يا بطل


روح ناام الحين ع كيف كيف ههههههه


موودتي


الصقرر
اضافة رد مع اقتباس
  #7  
قديم 24/02/2007, 03:20 AM
زعيــم مميــز
تاريخ التسجيل: 01/01/2007
مشاركات: 1,645
ملكععععععععععععععععععععععععععع

مشكووور
اضافة رد مع اقتباس
  #8  
قديم 24/02/2007, 03:36 AM
موقوف
تاريخ التسجيل: 27/09/2006
مشاركات: 801
يعطيك العافيه المشاااغب

-------------

وأخيراً:

إن أحسنت فمن الله وحده لا شريك له..

وإن أخطأت فمن الدب فيصلووه والشيطان



خخخخخخخخخخخخخخخخخخخ

لكن لاتنسى الصور والاهازيج
اضافة رد مع اقتباس
  #9  
قديم 24/02/2007, 03:44 AM
زعيــم نشيــط
تاريخ التسجيل: 02/05/2006
المكان: sa-riyadh
مشاركات: 838
اذا كتبت ثاني مره موضوع زي هذا بجيب بوب كورن وحركات لانه فلم موب موضوع ...
موضوع رهيب وانت راعي سواليف من جد
بالله لا تنسى المباراه الجايه ...
يعطيك العافيه
اضافة رد مع اقتباس
  #10  
قديم 24/02/2007, 03:47 AM
الصورة الرمزية الخاصة بـ رائع
زعيــم مميــز
تاريخ التسجيل: 21/07/2005
المكان: وَِسَطٌ وآحـَة الزٍعيمّ
مشاركات: 3,521
مشكور اخوي المشاغب.

اهنيك ع روحك المرحه.. تقبل تحياتي
اضافة رد مع اقتباس
  #11  
قديم 24/02/2007, 04:02 AM
عضو استشاري سابق للمجلس العام
تاريخ التسجيل: 28/01/2005
المكان: الريـــــاض
مشاركات: 6,514
ماشاء الله عليكم شكل رحلتكم توسع الصدر ..

ياحظ المفرج ماشاء الله في كل مكان محور حديث .. الله من الحسنات اللي جته

رحلة القدوم كوميدية .. ورحلة المغادرة تراجيديه ..

اما سالفة الشرطة .. الله يصلحهم بس ..

ان شاء الله الطفل لقى اهله على طول وش هالأخو اللي مضيع أخوه.. الله يصلحه ان شاء الله .

الله يعطيك العافية ..
اضافة رد مع اقتباس
  #12  
قديم 24/02/2007, 04:04 AM
زعيــم مميــز
تاريخ التسجيل: 01/09/2005
المكان: نبض إنسان
مشاركات: 9,002
الله يعطيك العافيه

طريقه العرض رااائعهـ
بانتظار الصور والاهازيج
اضافة رد مع اقتباس
  #13  
قديم 24/02/2007, 04:05 AM
الصورة الرمزية الخاصة بـ مدخل غرامي
زعيــم مميــز
تاريخ التسجيل: 11/09/2004
المكان: الشرقيه
مشاركات: 2,966
الحمدلله على الفوز
اضافة رد مع اقتباس
  #14  
قديم 24/02/2007, 04:31 AM
زعيــم متألــق
تاريخ التسجيل: 04/04/2005
المكان: بالمكان اللي فيه الهلال
مشاركات: 1,412
صدقت واااااااااااااه يالتفتيش

<< منقهر من العسكر والسحلنت .. سلاتيح وربي ااااه لو ماهو لابس بدله عسكريه


قسم بالله ما يردني الا كف ع وجهه اخليه يفتح زين


الحمد لله ع وصولكم ويعطيك الف عافيه على حضوركـ ..
اضافة رد مع اقتباس
  #15  
قديم 24/02/2007, 04:52 AM
الصورة الرمزية الخاصة بـ الفتى^الذهبي^11
زعيــم نشيــط
تاريخ التسجيل: 07/12/2002
المكان: المنطقة الشرقية
مشاركات: 920
الله يعطيك يابو تركي الف عافية.. ... وماقصرة يالمشاغب...
شكرا جزيلا .. على كل شي.. وماقصرة ..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:12 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube