|
تــكفى يابـــو بنــدر ... لك اثلاث واربــاع !!! نواف التمياط رجل يجبرك على احترامه وتقديره .. وثقة مني بأنه سيعود لمستواه في المراحل الحاسمة القادمة ولأنه يستاهل .. أهديه هذه القصيدة : نواف .. مثلك ما يجافيه الابداع ××× ولايحده عن طموحه .. ذريعه جيناك شرهة ما نجي لوم واقراع ××× جيناك حبٍّ .. بيّنٍ في ربيعه حرٍّ .. ولك في جو الاحرار مطلاع ××× ولا تصيد الا السمينة .. طبيعه الى انتهض هزّ الجناحين ثم فاع ××× فوعة فطينٍ للحباري سريعه مفتاح سرك بيدك وكاد ما ضاع ××× وحصون فنّك بالملاعب منيعه لايزعلك عاتب .. ولو كان شنّاع ××× إدمح وسامح للقلوب الوجيعه تكفى يابو بندر لك اثلاث وارباع ××× نقولها ... شوقٍ لفنك .. نذيعه والله ما نرخص بك"هلال" واتباع ××× مكانتك ياذا الهلالي رفيعه سفير فن بلعبك .. وفن الاطباع ××× نواف ناف ونايفٍ في صنيعه نواف .. مثلك ما يجافيه الابداع ××× ولايحده عن طموحه ذريعه !! مع تحيات المملكة 5/2/1428هـ |
الله يرحم مزنـــة على ماقالوا الشعــار |
إقتباس:
والله يرحم الفطنة ! على ما قالوا الشطار !!!! |
إقتباس:
صح لسانك يالغالي ولاعدمناك |
صح لسانك والله لا يحرمنا من ابداعاتك ..!! |
انشاء الله يرجع لمستواه المعروف الله يعطيك العافيه |
صح لسانك وكلنا مع نواف |
قصيدة موزونة ورائعة وصادرة من القلب ،، ولا يثمن الشعر إلا شاعر أو ذو إحساس مفعم بالنبل ،، شكرا أختي المملكة على هذه القصيدة الثرية والرائعة وأرجو ان تصل نواف مع تأكدي أنها ستعطيه دفعة كبيرة للأمام !! تحياتي !! |
إقتباس:
رووووووووووووووعةs60s يعطيك العافية |
والله يا اختي المملكة لو ياخذ اجازة الله يصلحه الا السنه الجايه يريح نفسه ويريحنا ,,, مع كامل الاحترام له كشخص ولكنه يقضي على سرعه الفريق ببطئه وحبه لأمتلاك الكره. |
الكصيده جميله ورائينا كيف الشاعر استطاع الدخول بنا في اجواها تفضل استاذ حمد السعيد خخخخخخخخ امزح صح لسانك يالغالي وفالك المليون |
صح لسانك وان شاء الله يرجع ابو بندر لمستواه اللي كان في عام 2000 |
المبدع مبدع دائماً وانتي من هالنوع اختي المملكه s60s صح لسانك ولاهنتي على القصيده الجميله للأجمل والأروع ابو بندر ولد شمر ;) ::: والله اللاعب لايختلف عليه اثنان لكن للأسف الجمهور لايعرف حتى الآن كيف يقف مع اللاعب في ازمة انخفاض مستواه ::: شاهدناهم بالأمس يطالبون ببيع الشلهوب او اعارته لمجرد انخفاض مستواه .. وقبله ابو بندر التمياط .. ::: لو كان يقف الجمهور مع نواف كما يقف الآن مع بعض الأسماء ( بدون ذكر لأن الموضوع يسبب حساسيه لهم ) :rolleyes: لأصبح نواف الآن كما كان قبل فتره .. لكن يكفي صياح الجمهور عليه في مباراة الوحده امر محبط .. ::: بإنتظارك ياابو بندر وكلي ثقه برجعتك ..:yes: ::: صباحك ورد |
| الوقت المعتمد في المنتدى بتوقيت جرينتش +3.
الوقت الان » 09:16 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd