شي ماشفتوه من لقاء الهلا × الوحدة - نادي الهلال السعودي - شبكة الزعيم

جوهرة · #1 23/02/2007, 05:53 PM

....

السلام عليكم ورحمة الله وبركاته

صباح الخير / مساء الخير

ومبروك فوز الزعيم والتاهل الى دور الثمانيه

طبعا دخلتوا تبون تشوفون الاحداث اللى ماشفتوها طبعا ماصارت في الاستاد

صارت في منزلنا عند التلفزيون

مع بدايه المباراه الكل كان متفائل طبعا العائله كلها جالسه الوالد والوالده خواتي واولادهم وبناتهم

نسولف ونضحك وشوي خيم علينا الحزن بدت الوحدة تتحرك وبعدها جت ضربة الجزء

وتعالوا شوف التحيسب طبعا مو الكل كان يشجع انا جالسه جنب الوالد وحطيت يدي على فمي

واقول الله يستر على اني واثقه 100% انها بتدخل لاني اشك في قدرات الدعيع جاء الهدف

وجلسنا على اعصابنا وانا اقوم واجلس والوالد يقول خلينا نشوف المباراه ( تقول شباب في ملحق صجه ولجه وكل واحد يقول انا اللى اعرف احلل )

انتهى الشوط الاول مابين الشوطين

نتناقش من اللى المفروض يدخل ومن اللى يطلع وقررنا نطلع الجري والتمياط بس من يسمع كلامنا

جاء الشوط الثاني

الكل تعدل وجلس مكانه ولازم الهلال يجيب هدف علشان نريح شوي

ويجي الخطاء اللى ضاع من المفرج واعصب واحط المخدة على رجولى واقول عليهم حارس بعد

ونسكت نهدي شوى بامر من الوالد

توالت الهجمات وانا بس صراخ ونقوم ونقعد انكسر ظهري ولا فيه نتيجه

ويجي البلنتى ونطامر طبعا انا وبنت اختى ولدين لاخواتي مسوين ازعاج وقفنا قدام الشاشه

محد يشوف انا قلت طفوه مااقدر الوالد يقول اركدوا اركدوا عسى يجي

قلت ايه والله والكل يدعي

وجاء الهدف اللى فوق الكنب واللى على الارض واللى يصفق ازعااااااااااج

خواتي يقولون الحمد لله

بعدها دخل اخوي وكمل الشله طبعا كبير مو صغير وبدات النقاشات على ياسروه اللى ضيعنا

وانا كنت ابيه يطلع وينزل سامي واقهرهم:thumb:

توالت الهجمات والوحده كان يخوف والحمد لله جاء الثاني والكل صرااااااااااااااااااااااااااااااااخ

ماسكتنا الا بذيك الهجمه اللى لول الله ثم العارضه ان كان الهلال في خبر كان

ومن زين الطبايع صرخنا وتقول كنا في لعبه الا تقول جددتى كم جاب الهلال قالت الوالده 2 قالت الحين

كل شوى مصفقين ويصارخون بس على 2 محد فاضي يفهما كل واحد يده على قلبه ويقول صفر ياحكم

واخيرا انتهت المباراه وطلعنا الوحده وفزنا عليها وردينا الثار

اتمنى عجبتكم المواقف

شكرا على مروركم الكريم

الجوهرة