#1  
قديم 22/02/2007, 11:15 AM
زعيــم متواصــل
تاريخ التسجيل: 06/08/2005
المكان: *-,..,-* الـــــرس *-,..,-*
مشاركات: 123
دعم لنادي الهلال بأكثر من نصف مليون ريال<<مصدر موثوق

السلام عليكم ورحمة الله وبركاته

أبدخل بالموضوع على طول
ورسالتي موجهة لجميع جماهير زعيم نصف الأرض
جميع جماهير الزعيم بالمملكة

شفنا وسمعنا النكته اللي يقولونه جماهير النصر من أن جماهير الهلال ما تجي مثل جماهير النصر
وجماهير النصر يوم حضرت مباراة الفيصلي الأردني والفيصلي السعودي
استاااانسوا وفرحوا وصجونا وجمهور النصر وجمهور النصر
وهم معذورين لأنهم ما جربوا يحضرون مباراة من مباريات الزعيم
ولو بغينا نذكرهم بمباريات سابقه وما نبغى القديم
بنذكرهم بالماضي القريب مباراة اعتزال الثنيان
والجمهور الغفير اللي ملأ مدرجات الملعب من جميع الجهات مهب مثلهم الواجهه بس

ولو تركنا اعتزال الثنيان بما أنها مباراة اعتزال ومع فالنسيا ووو من تصريفاتهم
نذكرهم بمباراة العين الأخيره
مع أن الهلال كان ضامن الخروج
ومع ذلك علمناهم من هم جماهير زعيم نصف الأرض

مع ملاحظة أني ما ذكرت النهائيات
مع أن الحضور أكثر ولكن لأنهم ما وصلوا النهائيات مانقدر نقارن
لكن ذكرنا مباريات عاديه

ولو نبي نذكرهم تعبنا وحنا نعدد من المباريات
لكن ما نبغى نقول كنا وكنا
نبغى نوريهم جماهيرنا بمباراة الوحدة

لكل اللي يقرون الموضوع لكل الموجودين بشبكة الزعيم
لكل الهلاليين بالمملكة
باختصار نبغى نملى الملعب
وش اللي يمنعنا
لا اختبارات
ويوم خميس وتونا بداية الفصل الثاني يعني حتى طلاب ثالث ثانوي مافيه شي تدرسونه
والرساله لكل جماهير الزعيم
محد يقول لا أنا ماني من الرياض ما أقدر أحضر
وش اللي يردك
أهل الرياض هم اللي عليهم الشرهه وان شاء الله هم قدها وما يقصرون
لأهل الرياض
لا تقول مانب حاضر يكفي الجمهور اللي بالملعب
على كذا كل الجماهير بتقول كذا وماراح يحضر أكثر من ألفين
ولأهل المناطق الثانيه
لأهل القصيم أهل الرس وبريده وعنيزه ووو
ولأهل الغربيه جده ومكه والمدينه والطايف ووووو
وأهل الشرقيه الدمام والخبر والظهران ووووو <<< ما عدا أهل بعض المدن
وأهل الجنوبيه عسير وغير عسير
والشماليه عرعر والجوف وسكاكا وتبوك ووووو

لكل هلاليين المملكه
ما وراكم شي لا دراسه ولا امتحانات ولا شي
وش اللي يمنعكم
أنت ياللي تقرا الموضوع
لاتلفت ايه أنت ما فيه غيرك
ليه ما تحضر

مع ملاحظة أن فلوس التذاكر للهلال
واللي يقولون افتحوا حساب للدعم
واللي يشاركون بجوال الزعيم وقناة والزعيم عشان يدعمون النادي
مافيه أحسن من الدعم بالمباريات
لو حضر 30 ألف
بمباراة واحده يدخل الزعيم
20 × 30 = 600 ألف
والمصدر من حاسبة جوالي ومن جماهير الزعيم
وهذي تكفي لتسديد رواتب اللاعبين والعاملين أكثر من شهر



اضافة الى أن المباراة مهمه وضد الوحده ولازم نفوز
وحسب كلام الذيب سامي والاسطوره أبوسلطان الفوز تحدده جماهير الزعيمواضافة الى أننا نبي نعلم النصراويين منهم جماهير الزعيم


اللي قريت الموضوع
انشر بين اخوياك الهلاليين
واذا جيت لا تجي لحالك
جب معك ثلاثة أربعه أو أكثر لو اخوانك الصغار
منها تونسهم ومنها تدعم الزعيم




وعلى دروب الخير نلتقي أحبه <<<< ملطوش من السامي كسمو الهلال



والسلام عليكم
اضافة رد مع اقتباس
  #2  
قديم 22/02/2007, 11:25 AM
عضو سابق بلجنة الفيديو والصوتيات
تاريخ التسجيل: 24/12/2003
مشاركات: 1,483
انا غداي عند بوابة 4
ههههههههههههههه
مشكور على الموضوع
اضافة رد مع اقتباس
  #3  
قديم 22/02/2007, 02:03 PM
زعيــم متواصــل
تاريخ التسجيل: 06/08/2005
المكان: *-,..,-* الـــــرس *-,..,-*
مشاركات: 123
أفا مافيه الا رد

شكلك بتجلس لحالك يا حبيب وهج بالملعب
اضافة رد مع اقتباس
  #4  
قديم 22/02/2007, 02:42 PM
زعيــم فعــال
تاريخ التسجيل: 26/10/2006
مشاركات: 395
اللي قريت الموضوع
انشر بين اخوياك الهلاليين
واذا جيت لا تجي لحالك
جب معك ثلاثة أربعه أو أكثر لو اخوانك الصغار
منها تونسهم ومنها تدعم الزعيم


انا جاي من الرس ومعي الشباب
اضافة رد مع اقتباس
  #5  
قديم 22/02/2007, 03:38 PM
زعيــم نشيــط
تاريخ التسجيل: 01/07/2005
المكان: ارض الوطن
مشاركات: 641
اصلي بإذن الله المغرب فالدرة
اضافة رد مع اقتباس
  #6  
قديم 22/02/2007, 03:48 PM
زعيــم متواصــل
تاريخ التسجيل: 17/04/2006
مشاركات: 86
العصر إن شاء الله في الملعب
اضافة رد مع اقتباس
  #7  
قديم 22/02/2007, 03:59 PM
زعيــم متألــق
تاريخ التسجيل: 24/08/2005
المكان: الدلــــــــــــم
مشاركات: 1,151
انا بعد شوي ماشي وان شاء الله المغرب في الملعب
اضافة رد مع اقتباس
  #8  
قديم 22/02/2007, 05:22 PM
عضو سابق في متابعة الاخبار
تاريخ التسجيل: 16/07/2005
مشاركات: 1,085
بالمناسبه دخل المباراة سيقسم بين الفريقين لان المباراة ستعتبر على ارض محايده ..
هذا نظام الاتحاد السعودي
اضافة رد مع اقتباس
  #9  
قديم 22/02/2007, 05:34 PM
زعيــم متألــق
تاريخ التسجيل: 11/12/2006
المكان: الرياض
مشاركات: 1,422
باذن الله
البطوله
مالها الا هلالها
اضافة رد مع اقتباس
  #10  
قديم 22/02/2007, 05:37 PM
زعيــم مميــز
تاريخ التسجيل: 07/02/2006
المكان: ღ عـز الديـ. .k.s.a. ـار ღ
مشاركات: 2,649
ههههههههههه

لا انشاءالله يبيضون الوجه
اضافة رد مع اقتباس
  #11  
قديم 22/02/2007, 06:00 PM
الصورة الرمزية الخاصة بـ الجليد الازرق
زعيــم مميــز
تاريخ التسجيل: 10/07/2005
المكان: نـــــادي الذهـــــب
مشاركات: 15,305
اكيد الزعماء ما يقصرون
وانا حاضر الله لا يعوق بشر
اضافة رد مع اقتباس
  #12  
قديم 22/02/2007, 06:48 PM
تقني مميــز
تاريخ التسجيل: 23/03/2006
المكان: Jubail Industrial City
مشاركات: 2,982
هههههه

مشكورر فديتك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:17 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube