دعم لنادي الهلال بأكثر من نصف مليون ريال<<مصدر موثوق السلام عليكم ورحمة الله وبركاته أبدخل بالموضوع على طول ورسالتي موجهة لجميع جماهير زعيم نصف الأرض جميع جماهير الزعيم بالمملكة شفنا وسمعنا النكته اللي يقولونه جماهير النصر من أن جماهير الهلال ما تجي مثل جماهير النصر وجماهير النصر يوم حضرت مباراة الفيصلي الأردني والفيصلي السعودي استاااانسوا وفرحوا وصجونا وجمهور النصر وجمهور النصر وهم معذورين لأنهم ما جربوا يحضرون مباراة من مباريات الزعيم ولو بغينا نذكرهم بمباريات سابقه وما نبغى القديم بنذكرهم بالماضي القريب مباراة اعتزال الثنيان والجمهور الغفير اللي ملأ مدرجات الملعب من جميع الجهات مهب مثلهم الواجهه بس ولو تركنا اعتزال الثنيان بما أنها مباراة اعتزال ومع فالنسيا ووو من تصريفاتهم نذكرهم بمباراة العين الأخيره مع أن الهلال كان ضامن الخروج ومع ذلك علمناهم من هم جماهير زعيم نصف الأرض مع ملاحظة أني ما ذكرت النهائيات مع أن الحضور أكثر ولكن لأنهم ما وصلوا النهائيات مانقدر نقارن لكن ذكرنا مباريات عاديه ولو نبي نذكرهم تعبنا وحنا نعدد من المباريات لكن ما نبغى نقول كنا وكنا نبغى نوريهم جماهيرنا بمباراة الوحدة لكل اللي يقرون الموضوع لكل الموجودين بشبكة الزعيم لكل الهلاليين بالمملكة باختصار نبغى نملى الملعب وش اللي يمنعنا لا اختبارات ويوم خميس وتونا بداية الفصل الثاني يعني حتى طلاب ثالث ثانوي مافيه شي تدرسونه والرساله لكل جماهير الزعيم محد يقول لا أنا ماني من الرياض ما أقدر أحضر وش اللي يردك أهل الرياض هم اللي عليهم الشرهه وان شاء الله هم قدها وما يقصرون لأهل الرياض لا تقول مانب حاضر يكفي الجمهور اللي بالملعب على كذا كل الجماهير بتقول كذا وماراح يحضر أكثر من ألفين ولأهل المناطق الثانيه لأهل القصيم أهل الرس وبريده وعنيزه ووو ولأهل الغربيه جده ومكه والمدينه والطايف ووووو وأهل الشرقيه الدمام والخبر والظهران ووووو <<< ما عدا أهل بعض المدن :D وأهل الجنوبيه عسير وغير عسير والشماليه عرعر والجوف وسكاكا وتبوك ووووو لكل هلاليين المملكه ما وراكم شي لا دراسه ولا امتحانات ولا شي وش اللي يمنعكم أنت ياللي تقرا الموضوع لاتلفت ايه أنت ما فيه غيرك ليه ما تحضر مع ملاحظة أن فلوس التذاكر للهلال واللي يقولون افتحوا حساب للدعم واللي يشاركون بجوال الزعيم وقناة والزعيم عشان يدعمون النادي مافيه أحسن من الدعم بالمباريات لو حضر 30 ألف بمباراة واحده يدخل الزعيم 20 × 30 = 600 ألف والمصدر من حاسبة جوالي ومن جماهير الزعيم وهذي تكفي لتسديد رواتب اللاعبين والعاملين أكثر من شهر اضافة الى أن المباراة مهمه وضد الوحده ولازم نفوز وحسب كلام الذيب سامي والاسطوره أبوسلطان الفوز تحدده جماهير الزعيمواضافة الى أننا نبي نعلم النصراويين منهم جماهير الزعيم اللي قريت الموضوع انشر بين اخوياك الهلاليين واذا جيت لا تجي لحالك جب معك ثلاثة أربعه أو أكثر لو اخوانك الصغار منها تونسهم ومنها تدعم الزعيم وعلى دروب الخير نلتقي أحبه <<<< ملطوش من السامي كسمو الهلال والسلام عليكم |
انا غداي عند بوابة 4 ههههههههههههههه مشكور على الموضوع |
أفا مافيه الا رد شكلك بتجلس لحالك يا حبيب وهج بالملعب |
اللي قريت الموضوع انشر بين اخوياك الهلاليين واذا جيت لا تجي لحالك جب معك ثلاثة أربعه أو أكثر لو اخوانك الصغار منها تونسهم ومنها تدعم الزعيم انا جاي من الرس ومعي الشباب |
اصلي بإذن الله المغرب فالدرة :) |
العصر إن شاء الله في الملعب |
انا بعد شوي ماشي وان شاء الله المغرب في الملعب |
بالمناسبه دخل المباراة سيقسم بين الفريقين لان المباراة ستعتبر على ارض محايده .. هذا نظام الاتحاد السعودي |
باذن الله البطوله مالها الا هلالها |
ههههههههههه لا انشاءالله يبيضون الوجه |
اكيد الزعماء ما يقصرون وانا حاضر الله لا يعوق بشر |
هههههه مشكورر فديتك :D |
الوقت المعتمد في المنتدى بتوقيت جرينتش +3.
الوقت الان » 05:35 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd