واحد معه دجاجة مذبوحة (ميتة) أخذها لمحل دجاج
عند صاحب المحل عشان يقطــّع له هـالدجاجة..
فقال له صاحب المحل: خلاص روح وارجع بعد ربع ساعة تلقاها جاهزة.
قال صاحب الدجاجة : خلاص أوكى.
*
مرّ (قاضي المدينة) على صاحب المحل وقال له :عطني دجاج
رد صاحب المحل: والله ماعندى إلا هـالدجاجة وهي لواحد بيرجع بعد شوي.
قال القاضى : خلاص عطني اياها واذا جاك صاحبها قول له الدجاجة طارت.
قال صاحب المحل : طارت !! شلون مايصير؟؟ هو جايبها ميـّتة.. كيف طارت ؟؟؟
قال له القاضى : اقول لك قول له كذا ولا تاكل هم.. وخلـّه يشتكي ولا يهمك.
قال صاحب المحل : أوكى و الله يستر.
*
جاء صاحب الدجاجة عند راعي المحل وقال له: وين دجاجتى؟ ماخلصت؟
رد صاحب المحل : والله دجاجتك طارت
قال صاحب الدجاجة : طارت..!!! صاحي انت..!! أنا جايبها ميتة
وصار بينهم شد في الكلام كان بـ يوصل للضرب
فقال صاحب الدجاجة : تعال معي للقاضي يحكم بيننا هناك ويطلع الحق
فـ راحوا للقاضي و في الطريق شافوا اثنين متضاربين
واحد (مسلم) والثاني (يهودي)
فجاء صاحب محل الدجاج يحجز بينهم ( يفرق بينهم ) بس
بالغلط إصبعه دخل في عين اليهودي وفقعها
تجمّعو الناس على صاحب المحل ومسكوه وقالوا هذا اللي فقع
عين اليهودي
فصارت القضية قضيتين فوق رأسه!!
جرّوه للمحكمة عند القاضي و قبل لا يوصلون للمحكمة حاول
يفلت منهم وهرب
وركضوا وراه وهو يررركض.. ودخل في مسجد وهم وراه
وطلع فوق وهم وراه.. آخرتها نطّ من فوق ومن رداة الحظ طاح
على شايب يمشي في الشارع
و مات الشايب
فجاء ولد الشايب وشاف أبوه ميت و صار يلحق صاحب محل
الدجاج .. ومسكه.. ومعه باقي الناس الحاضرين
وأخذوه للقاضي
يوم شافه القاضي ضحك .. على باله إنه جابوه عشان قصة
الدجاجة
ما درى إن عليه ثلاث قضايا
1) سرقة الدجاجة
2) فقع عين اليهودي
3 ) قتل الشايب
*
ويوم عرف القاضي مسك راسه وقال بينه وبين نفسه : يخرب بيتك
فجلس يفكر القاضي وقال خلونا ناخذ القضايا وحدة وحدة
*
المهم نادى القاضي صاحب الدجاجة
قال له القاضي: وش شكواك على راعي المحل؟
قال صاحب الدجاجة : هذا طال عمرك سرق دجاجتي وأنا عطيته إياها وهى ميتة عشان يقطعها لي .. رجعت
وقال إنها طاااارت !!
قال القاضي : هل تؤمن بالله؟
رد صاحب الدجاجة : نعم أؤمن بالله
قال له القاضي : قال تعالى: ( يـُحيي العظام وهى رميم).. صح؟
قال صاحب الدجاجة: صح
رد القاضي: معناها الله معك .. ما لك شي
هاتو المُدّعي الثاني
*
فجابوا اليهودي وقالوا :هذا يا قاضي فقع عينه صاحب محل الدجاج
فجلس القاضي يفكر ويفكر ويطلع وينزل
فقال القاضي لليهودي : ديـّة المسلم للكافر النصف ..يعنى (لازم نفقع عينك الثانية عشان تفقع عين وحدة للمسلم)
فقال اليهودي : تفقع عيني الثانية !! خلاص أنا أتنازل ماعاد أبي منه شي
فقال القاضي : عطونا القضية الثالثة
*
جاء ولد الشايب اللي توفـّى وقال : طال عمرك هذا الرجال نط على أبوي من فوق المسجد وقتله
فكـّر القاضي.. وقال : خلاص روحوا عند المسجد و تطلع أنت فوق وتنطّ على صاحب محل الدجاج مثل ما نط على أبوك
فقال الولد للقاضي : طيب وإذا تحرك يمين ولا يسار..!! يمكن أموت أنا
قال القاضي : والله هذي مو مشكلتي ، أبوك ليش ما تحرك يمين ولا يسار؟؟؟؟؟؟
*
*
*
(قصّة من نسج الخيال)
ما يُستفاد:
حسيـــنـــوه .. مهما كانت ورطتك
ومهما كانت الجريمة بشعة
هناك دائما ً من يستطيع
إخراجك منها مثل الشعرة من العجين
ألا وهي
قرارات لـــجــــنــــة الإنـضــــبــــــاط
..