فـطـوري يـوم الـخـمـيــس بــدرة الــمـلاعـب
 

السلام عليكم

وصبحكم الله بالخيرات

واللى عندهـم مساء كمان مساكم الله بالخيرات

تتذكرون مباراة الهلال مع فريق ماشال الاوزبكي التي أنتهت بفوز الهلال

وكان ايامها يلعب جيوفاني وسجل هدف مهبول

اكيد الحين تذكرتوها

ذاك اليوم أول مرة أحضر فيها الاستاد انا وواحد من زملائي ودخل المنصة الرئيسية واستمتعنا بلعب الزعيم وأصحبت قريب جدا من جماهير الزعيم
وحتى ماكنت ودي أطلع من الاستاد << ناوي ينام فيه

المهم طلعنا مع البوابة الشمالية

وفيه عالم ولا أهتميت بالموضوع قلت المشجعين طلعوا من الاستاد

واناظر للأرض وفيها قزاز أستغربت صراحة

وعالم واقفه طابور على جنبات الشارع

طرررررررررررررررررررررررررررراخ

هذا صوت قزاز سيارتنا أنكسر عادي الحين بعد ماذاقوها أغلب مشجعين الهلال آنذاك

حتى زميلي حتى مطلع الموتر من الوكالة مستانس فيه ( خذى قلبي )


(( جميع ما ذكر أعلاهـ مقدمة لما سأقوله لاحقا ))


بعدها حلفت أني ما أروح للملاعب ثانية ومعنّد بعد

بس راح اتنازل واصوم ثلاثة ايام تكفير للحلف على شأن شخص عزيز علينا

أبو سلطان

وبأذن الله سأكون أول الحاضرين


دعونا ننسى الماضي ونفتح صفحة جديدهـ لنزف زعيمنا بعد مباراة الوحدة


دمتم بود

حياك الله
والحمدلله من أكثر من 12 سنه وانا اروح الملعب ماقد صار لي أو سيارتي شيء

يابن الحلال ياكثر المشاكل اللي تصير انا قد تكسرت سيارتي والسبة جوال موجود في السيارة

ليت اللي سرقة قال لي انة يبية والله لاأعطية بس صار اللي صار


على العموم جميع مباريات الزعيم المقامة في الرياض جميعها حضرتها والحمد لله

وراح احضر ان شاء الله الخميس بعد العصر وانا مسنتر هناك كالعادة

نقلت المباراة لملعب الملز

الله يحميك أولاً والشي الثاني بخصوص الكفارة اللي قلت عنها صيام ثلاثة أيام
هذا خطأ فادح أكثر الناس يقعون فيه وأولهم أنا سابقاً والصحيح أنك تطعم عن 10 مساكين والآن الجمعيات الخيرية وغيرها تستلم مبلغ (100) ريال مدون تمثل قيمة الكفارة وجزاك الله خير 0

ابو ريناد

جزاك الله الف خير على الايضاح


ومشكورين ومنورين الموضوع

كل ذا مقدمة

الله يوفق الزعيم

شكله من جمهور ماشال؟؟؟؟؟؟؟؟؟؟؟؟؟ههههههههههههههه

والله قهر

ليتها في مكه :(

ياحظكم يا اهل الرياض ..

ان شاء الله الملعب يمتليء بجماهير الزعيم

وياذن الله الفوز هلالي

اخ ودي اجي افطر معك
بس للاسف المدينه - الرياض مشوااااااااااااااااااار

خلها بالنهائي ومن عيوني

هههههههههههههههه

هلا بمستر كشخه

اجل كسرو سياره المسيكين

الله يعوضه

وكلنا يوم الخميس في الملعب

مستر ابروح معك بسيارتك

88
8
8
8


أبجحدك

ويمدحون اللموزينات

يالله شباب الرايض نبي نشوف الملعب مليان والوعد يوم الخميس ان شاء الله .. على الله يتأكد حجزي ..

بس ماتعرفون وين قررو المباراه .. بالاستاد والا الملز ..