فهـد المفــرج ::

المدافع الأبرز على مستوى خط الدفاع الهلالي السعــودي .. شكل الى جانب تفاريس سدا منيعـا .. جعل من الزعيم الأقل حصولا على الأهداف في مرماهــم ..
مدافع بمستوى ثابت عادة .. منتظم حضورا بالتمارين .. منضبط الى أبعد حد أخلاقيــا .. لم نسمع بيوم من الأيام على مدى العقد او اكثر ان فهــد المفرج دخــل في مشكله .. لم نسمع أنه ساوم ناديــه قال عنه محمد بن فيصــل رئيس النادي بان فــهد المفرج شريــك بالأنجـــازاتـ ..!!


\/


وسأقول ما دار بيني وبينه قبل حوالي الثــلاث أسابيع في النــادي ..


كان أخر اللاعبين خروجــا من التمرين , هو , والذئب سامي الجــابـ ـر .. خرج كخروج أي أنسان غير مشهور بدون ضجة ولم يكن له نصيب في طلبــات التصــوير ..!!!

خرج وأتجه الى سيارته ( الجيب ) .. لم أنتبه لخروجــه العادي ..

اتجهت مباشره بأتجاه سيارتــه ..

طقيت عليه نافذة السيارة فأجاب بفتح الباب فمديت يدي للمصافحــه فمد يده وهو يقول ::

الله لا يهينك ( في اشاره الى انه جالس وانا واقف ) وسلمت عليه وسالته عن احواله فكان يجيب بكل هدؤ ورزانه لا ترى فيها أثــار الشهره ورفعــت الخشــم عند بعض النجـوم ..!!

حز في خاطري في ذاك التدريب بان مجموعه من الحضور والذين يأتون بشكل يومي والذين اعتبرهم ( عوامل هدم ) داخل النادي .. قد رددوا عبارات مسيئه عند استلام المفرج للكره كـ كلمة ( يا متفــرج ) ...!!!!!!


حاولت أن أرفع من معنوياته وقلت له كلام اظنه مشجع لنفسيته لأتفأجـا به يقول لي ::
لا يهمك احد تراني مأ أقرا جرائد ولا أفتح منتديات لأقرا ما كتب عني من هجوم ..!!!!

قلت له أنت في مكان مهم ومواجه للجماهير .. والجماهير بعقليات مختلفة وتفهم مختلف وثقافات متباينه .. فلا تعتقد كل الناس مثل بعض الجماهير الي تشوفها تهاجمك ..!!


قال : الي مريحني انه في ناس ( شرواك ) تقدرني ..

قلت والله مو بلحالي ولا حنا قليل الي نقدر مجهوداتك يا فهــد ..

كثيرين مثلي .. لكن السيئ يصل بشكل أسرع ..

ماحبيت اطول عليه وخاصه انه كان متأخر بالخروج من النادي ..

\/

أخواني جماهير الهلال .. معقوله نكافئ نجم من نجومنا بكلماات مثل متفرج ..؟؟

معقوله نسمع كلام بعض الجرائد ونزيد عليه بالهجوم ..؟؟

يا شباب والله لو سائق الباص حق اللاعبين دخل الملعب ولبس فنيلة الزعيم بشجعه بشجعه بشجعه ..

وخاصة اذا كنت بمباراة قائمه .. وحطمت لاعب تراك تلغي وجودك كمشجع وتجعل هدف وجودك غير متواجد بل على العكس تعمل على عكس ذاك الهدف من الحضور ..


فهد المفرج أنت نجم نعشقك كجماهير هلالية وأحسبك ثالث أفضل مدافع سعودي ..

دمتم بخير