18/02/2007, 11:17 PM
|
زعيــم متواصــل | | تاريخ التسجيل: 14/12/2005
مشاركات: 83
| |
الدليل الدامغ على مجامله الاسباني للهلال..ومالكم الا وكاله ناسا الدليل واضح قبل هدف الشلهوب قام الاسباني بطرد لاعبين من الهلال علشان يصبح العدد تسعه لاعبين
وبعدين ينفذ جريمته الكبيرة باحتساب الهدف اللي حصل من فاول على منطقه الجزاء
بتجون تقولون لي ان تيري هنري سجل مثله أقول لكم ان أرسال قانون الفيفا مايوصل الرياض
حده يوصل الشرائع بمكه حيث الاستقبال يلقط ويخلي هدف الوحده بالنصر صحيح اما بالرياض مايوصل فكيف بالله
يكون هدف صحيح
طيب وش الحل نبي حكام وطنيين أشتقنا لريحه المطلق والمرداس والتويجري وش كان حليلهم معنا ننبرش ونكسر المفاصل
ونطلع بجائزة اللعب الرجولي الانبراشي
أقول لكم ماحد ضرب على يدكم وخلى الدلوخ مثل جستنيه والبكيري وخريج الاصلاحيه يحشون الحكام الوطنيين
يكتبون ويحشون ويولون زي الحريم والحين هذي النتيجه جابوا لكم حكم اجنبي ورحتوا فيها
اسباني ايطالي انجليزي فايزين فايزين
لنا الحين معكم ست مباريات بالحكم الاجنبي ونفوز ماهو اذا فزتوا بالسابعه تقولون ظهر وزهق الباطل وطلعت الحقيقه اللي كانت تحت البطانيه ومدري ايش
مالكم الاحل واحد هو أنكم تقدمون على وكاله ناسا تراها بامريكا لاتحسبونها سياره
تقمون معروض انكم تبون حكام من المريخ علشان كوكب المريخ اقرب للارض عن غيرة من الكواكب الثانيه مثل مارس
وسنكرز وباونتي وعطارد
وحطوا المواصفات اللي تبونها
نبي مثل صلعه ابراهيم العمر وسيقان علي المطلق وسنون ناصر الحمدان ويطبق قوانين عمر المهنا بقانون النيات
وتلاعب العقيلي بروح ونص القانون وكلها 15سنه ضوئيه وجايبينه لكم
ويفككم ربي من الحكام الاسبان اللي يشجعون الهلال وعلى فكرة تراهم ماجابوا لكم حكم ايطالي لاتقولون بعد يتعصب لالوان منتخب ايطاليا الازرق والابيض
يله تصبحون على خير |