نقهر اخواننا
 

السلام عليكم ورحمه الله وبركاته

الكلام بالقصيمي لان اغلب البنات اللي هنا قصيميات :D

كيف تقهرين اخوتس ...;)

عندي دروس تجنن لا تفوتكن يا بنات .. شوفو اللي مقهوره, واللي تبي تنتقم ,
واللي تبي ترفع ضغط اخوه تتبع هالخطوات والله يقويكم........... :yes:

*** عند التلفزيون ***

لا صارت فيه مباراه , والاخ متحمس اقطعي هالحماس وشلون؟!
انا اقولك .. وخاصة اذا المباراة لـ لليوفي اذا صعد ان شالله والميلان او الانتر خخخخ بس اخاف والله انا اللي اقعد اشوف المباراه خخخخ المهم

شوفي اذا صار مفتح عيونة وماهب منتبة لـ حد لو تجيبين صاروخ تفجرينه قدامه
مالتفت لك اعرفي انه منسجم ,

هنا بس تقومين بشغلتس.. وتسوين نفستس بنت سنعه

وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه
ولا تعطينوه فرصه يشوف زين ,

اذا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه
واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه..
ولا يهمك احد..

واذا قال: ابعدي لااصقعتس على وجهتس بالكاس قولي اشش بيجوننا ضيوف . .
العبي عليه حتى لو مب جايكم احد , والا سوي نفستس جالسه وتذكرتي ان الكيك بالفرن احترق
ناقزي لين توصلين للفيش وامصعيه برجولتس ولا تلتفتين ورا..
بس هذي قولي يمكن ماتظبط فية ثانية غيره
*** عند النوم *** :D

ان صار ناايم.. نكدي عليه نومه وشلون؟! دخلي عليه بزارينكم و بزارين جيرانكم
وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ

والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس
وبكل برود قوليله نبي نطلع ..

*** اذا المزاج صفر *** :upset:

اذا شفتيه ماله خلق ومب رايق ومقفله معه لا تخافين بالعكس هذي فرصتتس تنتقمين منوه
يعني تحرشي خلي دمتس ثقيييييييييل بالمزح

بس انتبهي في هاللحظه راقبي حركات يده لان ممكن يصك أي شيء قدامه بوجهتس
ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ

المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني ,
انتي لا تسكتين قوليله واذا ماذلفت وجهي وش بيصير

عاد هو بيقوم ويوريتس وش بيصير على سنع انتي في هالوقت اقضبي اول درجتين توصلك لغرفتك
وويقي عليه من فوق وقوليله ههههههههههههاااااي اهم شيء رفعت ضغطك وقومتك من جلستك



عادي .. عادي ولا صرتي بزر وش فيها اهم شيء تحقيق الغايه اللي هي
(( تفجير الامبير )) واهم شي بعد الاخلاق لاهنتي سحليتي خخخخخخخ

*** وقت المخانق*** :thumbup: اهم نقطة هع هع
لا جاء يوم وبراستس حرش وتبين تتخانقين انتي والتمساح لازم تجهزين نفستس من كل ناحيه:


1/ الشوشه لازم تضفينة وتسوين حفله براستس ذاك اليوم تحطين انواع الشباصات والمغاطات
وانتبهي ولا خصله تنزل منك,

وياليت يكون ذاك اليوم حاطه براستس حناء علشان مايتجرأ ويلمس شعرتس <==== ابن أمه يجيب مثل هالتفكير :D

2/ مفتاح الغرفه ولميه الاحتياط واجب

اذا بدت المعركه حطي راستس براسه ولا تبينين له انتس خايفه وبققي عويناتتس فيه وقوليله
وش براسك عاد هو هنا بيقولتس هذا اللي براسي طراااااااااااخ الا ومخمس مصفي طبلونه
لا تستسلمين عطيه بوكككككككس على عيونه الثنتين علشان مايشوف الدرب وحطي
رجلتس.
وعلى طووووووووول لغرفتتس اللي مجهزة مفتاحه من قبل واقفلي عليتس .. ويادار مادخلك شر
بس نصيحه اقعدي يومين لايشوفتس ولا تشوفينوه لانه يبي ينتقم لكرامته وبيوريتس النجوم في القايله


واتمنى تطبقين هالتعليمات وهذا وجهي ان تحداتس اي احد على وجه الارض ومالي دخل
لو طلعلتس صعرور والا طلع بعيونتس الوان الطيف والا ماسلم بتس ضلع
و مالي دخل لو دخلتوا العناية المركزة انا بريئة :p

هههههههههههههههههههههههههههههههههههههههههه أحلى شي حطي على راسك حنا:laugh: :laugh:

سكره هلاليه اللي تبي تودع الرحله بدرري تسوي الاشياء هذي وبالذاات وانا ناايم يالله

اذا اجتمعو ورعاان اخواني وخوااتي اسمع بالنووم انوااع الازعاااااااااااااااج

بس وانا قاعد اتابع مبارااة ابشرك مافيه امل تصير لان اهلي مايجوون الملحق مسؤال عنه السوااق هو اللي ينضفه

واذا يبغاء يمووت او تجيه الدله بين عيوونه يجي يسوي نفسه سنع ويمسح هههههههههههههههههه تروح علييه

الله يعطييك العاافيه ع الموضوع صرااحه اقنهرت ولا كملته

اهم شيء قبل ما تسوون الحركات ذي

كل وحده تحجز لها سرير يا بقسم العظام

ولا بقسم الصحه النفسيه لاني باعمل التالي

1ـ العجرا في الخدمه 24ساعه .....>>>اذا كنت اتابع مباراه

2ـاطفي النور واسكر الباب ويالله صياح >>>اذا كنت نايم

والي يبغا التفاصيل من احد الشباب ماعليه الا يراسلني

على الخاص وتأتيه تفاصيل الوصفه بدقه متناهيه

ملاحظه_ الوصفه اثبتت علميا فائدتها

صادقه بكلامك

التماسيح اللي هم الاهلاويه طبعا

مايبغالهم الا كذا

خ خ خ خ خ خ خ خ

سكرة تبي البنات يموتون


خ خ خ خ



<<<<<<<<<<<< بيذبح اخته لو سوت مثل كذا


خ خ خ خ خ خ







يسلمو سكرة

ههههههههههههههههههههه

حركات رووووووعه والله

والا تدرين شلون ,,امسكي لتس سطل مااااي باااردوتششششش على راسهوخلاصهذا ارع انواع الأنتقام ,,نيااهاااهااا >> متوحشه

احلى شي براستس<<<<<<<<<<احسبها انجلش قعدت اقراها كذا مره


صراحه بعضهم يستاهل لكن مااعتقد احنا نسوي كذا<<<<اقول شوفي المستشفى مليان


مشكوره عالموضوع واللهجه الحلوه