إقتباس معلومات الزوج الاسم: برادلي نيمن الجنسية: أمريكي الوظيفة: مسؤول عن الشؤون العامة (العلاقات العامة) في القنصلية الأميركية بالظهران معلومات الزوجة الاسم:هيفاء المنصور الجنسية: سعودية الوظيفة: مخرجة مطلع الخبر يستعد دبلوماسي أميركي جاء للتو للعمل في السعودية، لإشهار إسلامه تمهيداً لاقترانه بالمخرجة السعودية المعروفة هيفاء المنصور الصيف القادم. ويعمل الدبلوماسي، واسمه برادلي نيمن مسؤولا عن الشؤون العامة (العلاقات العامة) في القنصلية الأميركية بالظهران، وقال أمس لـ«الشرق الأوسط» إنه سمع الكثير عن المخرجة المنصور قبل قدومه للعمل في البلاد. ويتعين على نيمن إشهار اسلامه في المحكمة. وقال أمس «بالنسبة لي، أعجبت بشخصيتها وذكائها. كذلك كنت متأثرا بقدرتها على الإنجاز، من خلال افلامها وكتاباتها وعملها في ارامكو، وانا معجب بإصرارها، ومحب لطبيعتها المستقلة». وقال انه تعرف أخيراً على عائلتها في الخبر والاحساء، قبل أن يطلب يدها للزواج في 14 فبراير (شباط) الحالي. مصدر الخبر جريدة الشرق الاوسط http://www.asharqalawsat.com/details.asp?section=3&article=407288&issue=10312

والآن تعليق أبو راس :

عَنْ أَمِيرِ الْمُؤْمِنِينَ أَبِي حَفْصٍ عُمَرَ بْنِ الْخَطَّابِ قَالَ: سَمِعْت رَسُولَ اللَّهِ يَقُولُ: " إنَّمَا الْأَعْمَالُ بِالنِّيَّاتِ، وَإِنَّمَا لِكُلِّ امْرِئٍ مَا نَوَى، فَمَنْ كَانَتْ هِجْرَتُهُ إلَى اللَّهِ وَرَسُولِهِ فَهِجْرَتُهُ إلَى اللَّهِ وَرَسُولِهِ، وَمَنْ كَانَتْ هِجْرَتُهُ لِدُنْيَا يُصِيبُهَا أَوْ امْرَأَةٍ يَنْكِحُهَا فَهِجْرَتُهُ إلَى مَا هَاجَرَ إلَيْهِ"

فالرجال الله أعلم بنيته وما نبي نتكلم عليها .. بينه وبين ربه

لكن هنا الاسئلة:

اولا

ليه تم تسريب الخبر للجريدة ونشره للناس مع انه موضوع عائلي "بحت "؟
والدليل انه تم تسريبه بالعمد ان الصورة اللي بالخبر صورة خاصة ما يجيبها اعلامي الا انعطت له من صاحبها او صاحبتها؟

ثانيا

كيف متصورين كذا جنب بعض وهم لسه ما تزوجوا؟
ومن زين الطبايع طالعه متكشفة .
ولا يمكن يعني رؤية شرعية بس شاركوا الجمهور فيها؟
ولاحظوا ان كتفها اصلا مكشوف بس الجريدة مغطته بلون الفستان لكن شغل فوتوشوب تعبان


ثالثا

اللي اعرفه ان وزارة الداخلية ما تعطي تصريح زواج سعودي من اجنبي الا بطلعة الروح ..
كيف ذولي ضامنينها بالجيب وماخذين المسألة "ايزي"


رابعا

يقول الرسول صلى الله عليه وسلم: (إذا جاءكم من ترضون دينه وأمانته فزوجوه)

الحديث يقول ترضون دينه
يعني لازم فترة من يسلم من شان يشوفون مدى التزامه وانه من اللي يرتضى دينهم
مو قضية انه موافقين وامر مفروغ منه..
والباقي تكملة اجراءات
كيف رضوا دينه وهو لسه ما أسلم أصلا
وحتى بعد ما يسلم
كيف يعرفون اذا هو بيصير من اللي اسلم "وحسن اسلامهم" بدون ما ينتظرون شوي



فتكم بخييييييييييييييييييييييييييير

الله يوفقهم ويصلح حالهم..!!

إقتباس لكن هنا الاسئلة:

تفضل!!

إقتباس اولا ليه تم تسريب الخبر للجريدة ونشره للناس مع انه موضوع عائلي "بحت "؟ والدليل انه تم تسريبه بالعمد ان الصورة اللي بالخبر صورة خاصة ما يجيبها اعلامي الا انعطت له من صاحبها او صاحبتها؟

وهذي أنت مصدق أن عندها عايلة عشان تقول موضوع عايلي

يا رجال هذي عندها الدعوى إيزي... ماهمها لا أهل ولا سمعة.... (بايعتها):p

الله لا يبلانا..!!

إقتباس ثانيا كيف متصورين كذا جنب بعض وهم لسه ما تزوجوا؟ ومن زين الطبايع طالعه متكشفة . ولا يمكن يعني رؤية شرعية بس شاركوا الجمهور فيها؟ ولاحظوا ان كتفها اصلا مكشوف بس الجريدة مغطته بلون الفستان لكن شغل فوتوشوب تعبان

يا حبيبي.. أنت تتكلم عن مين؟!! يا عمي هذي هيفاء وهبي...قصدي هيفاء المنصور:p

تسوي اللي تبيه!! ولا عندها في أطلق شنب..!

بس إذا تبي الصراحة.. يا بختها فيه أما هو فالظاهر أن عنده عمى ألوان:p

إقتباس ثالثا اللي اعرفه ان وزارة الداخلية ما تعطي تصريح زواج سعودي من اجنبي الا بطلعة الروح .. كيف ذولي ضامنينها بالجيب وماخذين المسألة "ايزي"

الظاهر أنك طيب وعلى نياتك..!!

هذي يا طويل العمر.. مجرد مكالمة لطويل العمر غازي القصيبي ويجيب لها عشرين تصريح..! لا تنسى أن منهجهم

واحد;)

إقتباس رابعا يقول الرسول صلى الله عليه وسلم: (إذا جاءكم من ترضون دينه وأمانته فزوجوه) الحديث يقول ترضون دينه يعني لازم فترة من يسلم من شان يشوفون مدى التزامه وانه من اللي يرتضى دينهم مو قضية انه موافقين وامر مفروغ منه.. والباقي تكملة اجراءات كيف رضوا دينه وهو لسه ما أسلم أصلا وحتى بعد ما يسلم كيف يعرفون اذا هو بيصير من اللي اسلم "وحسن اسلامهم" بدون ما ينتظرون شوي

لا في هذي راح أخالفك فيها مع كامل الموسى..يؤ قصدي مع كامل احترامي لك..:p

الحديث الشريف ما يمنع مثل هذا الزواج ولا يحرمه حتى وإن كان الزوج ناقص الدين...

وإنما هو توجيه ونصيحة من الرسول صلى الله عليه وسلم لأمته في اختيار الزوج..!!

وبعدين تعال:

هي أصلاً ما التزمت بأمور الإسلام البسيطة مثل الحشمة واحترام الدين والمتدينين!! جاي تقول لي الحين كيف

ترضى أو يرضى أهلها بالزواج من أمريكي توه أسلم؟!!


مع السلامة

لاتعلييييييييييييييييييييييق

العجوز ذي إلى الحين ماتزوجت

إقتباس ليه تم تسريب الخبر للجريدة ونشره للناس مع انه موضوع عائلي "بحت "؟

هذي لو عندها عائله مالقيتها سافره كذا

الله يهدي كل ظال او يفك المسلمين من شره

والله ياني مانيب ادانيها بعد

يمكن هذا الزواج يكون فاتحة خير عليهم والله يهديهم وايانا أجمعين...

إقتباس اعرفه ان وزارة الداخلية ما تعطي تصريح زواج سعودي من اجنبي الا بطلعة الروح .. كيف ذولي ضامنينها بالجيب وماخذين المسألة "ايزي"

هو وش جنسيته سؤالك صرااحه مدري شيبي

ارجو ان يكون دخولة في الاسلام ليس لغرض الزواج من مسلمة فقط

::::

قال الرسوال عليه الصلاة والسلام: ( لان يهدي الله بك رجلا واحدا خير لك من حمر النعم ))

الله يهديه الى طريق الحق لعل بعد اسلامه يكون خير منا ومنها..

الله يهدينا ويهديها وينور قلبها بالهداية...

:::

شكرا على الردوووووووووووووووود جميعا

===========

الاخ اللطيف هامور..

إقتباس الرسالة الأصلية كتبت بواسطة هامور البورصه هو وش جنسيته سؤالك صرااحه مدري شيبي

انت اللي ردك مدري وش يبي

مكتوب قدامك انه امريكي (الله لا يعمينا)

والمعروف انه زواج السعودي (ذكر او انثى) من غير السعودي يستلزم موافقة من وزارة الداخلية وفيها معاملة طويلة واللي متزوجين من برا يعرفون هالشي

عساها وصلت

فتكم بخيييير

إقتباس الرسالة الأصلية كتبت بواسطة أبو راس الاخ اللطيف هامور.. انت اللي ردك مدري وش يبي مكتوب قدامك انه امريكي (الله لا يعمينا) والمعروف انه زواج السعودي (ذكر او انثى) من غير السعودي يستلزم موافقة من وزارة الداخلية وفيها معاملة طويلة واللي متزوجين من برا يعرفون هالشي عساها وصلت فتكم بخيييير

الرجال يقصد أنك إذا عرفت جنسيته فماله داعي سؤالك

يعني بالعربي: يجوز للأمريكي مالا يجوز لغيرهـ;)

والسموحة على هالدخلة...

^
^
انا قلت في نفسي احتمال قصده كذا
بس حبيت انه يوضحها بنفسه ويقولها صريحة .. ما فيها شي

والنقاش مفتووووح

وكنت من البداية متوقع انه احد يطرح هالنقطة

هل النظام يفرق بين امريكي وباكستاني؟
نص النظام يشمل الجميع

مصيبة اذا كان هذا "الافتراض" صحيح
السعوديين بامريكا ينسجنون بتهم وبدون تهم (مثلا حميدان التركي او اللي في جوانتينامو)
ونجي هنا نتساهل معهم ونحطهم فوق القانوووون؟؟

بس انا اتوقع ان للعائلة برضه علاقاتها وطرقها

لانه مو اول مرة يسوونها زي ما يقول الخبر
في امريكي ثاني قبله وبريطاني !!

إقتباس وهيفاء المنصور هي الفتاة الثالثة بين أخواتها اللاتي يتزوجن من أجانب، حيث اقترنت اختها الكبرى (هناء) بمواطن بريطاني قبل 18 عاما، وتزوجت شقيقتها هند بأستاذ جامعي أميركي قبل ثلاث سنوات.

ومن حقي اعترض ليه انا اتبهذل اذا بتزوج من بره وغيري لا
مو كلنا مواطنين والنظام واحد؟

الله يهنيهمـ ..