|
حنا السعوديون منقول للدكتور صعب بن محمد الزعيمر الشراري {عكاظ} 528 حنا السعوديين أكثر شعب في العالم يمتلك بترول . وحنا اللي تبرعنا لأغلب دول العالم . وحنا اللي إكتفينا من القمح وصدرناه للعالم . وحنا اللي أخذنا كأس أسيا ثلاث مرات . ووصلنا لكاس العالم ثلاث مرات . وحنا اللي هزمنا العراق في حرب الخليج . وحنا اللي فجرنا مركز التجارة والبنتاجون .. حنا السعوديين أول من طلع الفضاء من العرب . وحنا أكثر شعب في المنطقة وحنا أكثر شعب عنده ستالايت . وحنا اللي نمتلك قناة mbc وقناة art ... وحنا أكثر من يتصل على القنوات الفضائية ونلعب مع المذيعات الحلوات ونمزح معاهم . حنا اللي أرسلنا أكثر المجاهدين لأفغانستان والبوسنة والشيشان . وحنا اللي ماأحد يغار على الدين مثلنا ، رغم إن أغلبنا مايصلي كل الفروض . وحنا اللي مافي شعب يضايق الكفار مثلنا . والتكفير عندنا مثل شرب الماء وألذ من العسل .. حنا السعوديين مافي أطيب وأكرم مننا . حنا اللي نرمي نصف أكلنا في الزبالة من زود الكرم . وحنا من تفوق على غيرنا في كبر الكروش والكسل .. حنا من أكثر شعوب العالم إستهلاكا للدخان والشيشة . وحنا اللي عندنا مدينة جدة رابع أكبر مدينة تلوث في العالم . وحنا اللي قضينا على الحياة البرية في السعودية من كثرالصيد والقنص. ثم رحنا على مصر والسودان نقضي على الباقي . حنا أكثر من يطارد بنات العالم في الخارج . وحنا أكثر ناس في العالم ننفق على السياحة . وحنا اللي تبكي وتتحسف علينا بانكوك وبتايا من بعدها عنا . حنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا . ومانرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا . حنا اللي نحافظ على تقاليدنا حتى لو كانت غلط . وحنا اللي مانشوف أحسن من قبايلنا .. ونشوف الأجانب أقل مننا . إلا من رحم ربي . حنا اللي نشوف البنت مخلوق ناقص ومالها رأي. ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أو للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!! حنا اللي الحرمة عندنا ماتكشف حجابها لنا وتكشفه للأجنبي . وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي. رغم أن بنات البدو يسوقون السيارة في الصحراء من زمن. من دون خوف ولا وجل . ومن دون إعتراض الأهل .. حنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر. حنا اللي عندنا أغلى المهور في العالم. ومانشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!! . رغم الحقيقة والألم.. حنا السعوديون أحسن المسلمين والعرب.(هيّن بس ) .!! ملاحظة : كل المعلومات الواردة في المقال صحيحه وعلى حسب الإحصائيات |
ماراح أعلق الا على اخر نقطه اللي عن الزواج كيف يعني مانشوف العروس الا بعد الزفاف؟ إذا كان قصده النظرة الشرعيه فمعلومااته قااصره اللحين 99% لازم النظرة الشرعيه وإذا كان قصده التعارف قبل الزواج حنا الحمد لله مسلمين ولا عندنا علاقات قبل الزواج لأن هالعلاقات هذي هي اللي تسبب الطلاق مب على كلامه ان سبب الطلاق عدم التعارف... |
مدري وش اعلق عليه ومدري وش اترك هالكاتب قال كل شي ..كأني انا اللي قايل هالكلام.. بس بعض الكلام كأنه يلمح لشي..والله أعلم إقتباس:
|
الله يهديه |
بربرة فاضية مع إحترامي .. شخص شاف كم إحصائية و قال خلنا نحشرها بمقال :) طبعاً هذا الحشو ما يرتقي لكلمة مــقــال |
عندنا بالسعوديه اكثر كتاب داجين و عليهم بربره عالفاضي نسي يضيف هالمعلومه لمقاله .. |
بصرراااحه بصرراحه بعض كلااامه حق ..ولو ان الحقيقه مؤلمه وتجرررح احيانا.... ((((حنا اللي نشوف البنت مخلوق ناقص ومالها رأي. ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أو للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!! >>>>لكن اعارضه في هالنقطه يمكن هاااذي وجهة نظره >>مع انهاا وجهة نظررر غبيه صح ان البنت نص حقوقها ضااايعه لكن مو لدرجة انهاا تصير"مخلوووق نااقص" ومالها رأي ...او مثل الغنم زي ماا قاال مووو من حقه انه يتكلم عن البنت عندنا بهالطريقه ...!!! ولو ان قصده واااضح خاااصه انه تكلم عن الحجاااب ... |
إقتباس:
|
مقال حلو بس عليه بعض الملاحظات إقتباس:
|
أسلوب مكشوف لدس السم في العسل ..!!! صحيح يوجد بعض المعلومات صحيحة ولكن ليس هذا مبررا لهذا الجلد " الساذج " للذات ..!!! من قال إن غالبنا لا يصلي الخمس الفروض ..!!! ومن قال أن أكثر بناتنا تذهب مع السواق لوحدها .. !!! صحيح عدد السائقين كثير ..لكن عدد البنات اللواتي يذهبن مع آبائهم أو إخوانهن أكثر .. وأراهن الكاتب على ذلك ..!!! هو يريد أن يمرر قيادة المرأة للسيارة وكأنه وصي على بنات خلق الله ..حتى ولو جاء بمعلومات أو إحصائيات تضحك الغير علينا ..!! مع كل ما قال بحقنا وإن كانت حقائق كما يقول .. فالحمد لله أننا من أفضل الشعوب حتى ولو كنا نطمع بالأفضل ..:) شكرا لك أخي على هذا النقل الجميل لهذا المقال لكي نرد بما نقدر عليه ..:) تقبل تحياتي ،،، |
إقتباس:
والله انه صادق غالب الشباب المراهقين مايعرف الصلاة الا في المدرسة ومن غير مايتوضى للاسف هذي الحقيقة وسأذكر لك موقف حصل لي شخصيا يوم من الايام كنت طالع مع خويي المهم دخل وقت صلاة المغرب او العشاء مانيب متأكد قلت لخويي وقف خلنا نصلي قال طيب وقفنا عند مسجد نزلت اصلي وهو جلس بالسيارة قلت انزل صل قال بلحقك رحت اصلي وطلعت من المسجد واناظر وين سيارته ماهيب فيه وادق عليه قال جايك ارحين ويجي قلت وش فيك ماصليت قال بصلي بعدين. |
عندنا بالسعوديه اكثر كتاب داجين و عليهم بربره عالفاضي نسي يضيف هالمعلومه لمقاله .. |
أخوي البارق اللي يشوف كلامك يقول هذا مو عايش بالسعوديه إقتباس:
فيه ناس مايصلون ..شوف أوقات الصلاه.. الشوارع مليانه سيارات.. إقتباس:
ياخي فيه حاجات تصير وتدل على غباء البعض.. بالذات اللي عندهم سواقين.. اللي يخلي خواته ولا اللي يخلي زوجته تركب مع السواق بدون محرم..ويصول ويجول بالشوارع :d الحين هالسواق الاجنبي مو انسان؟! ناس أغبياء:d هالكاتب ماشاء الله عليه قال كل شي وماقصر..بس هو كأنه يلمح لقيادة المرأه..بس يبطي عظم :p |
اووح اووح مايقى الا تقلون السعوديه زباله خيرر ترى البنت هذا اول لكن الحين شفها مدلعه واذا طلعت برا راحت تفتش وتسوووق.. اقولك في اشياء صح وفي اشياء لا والله مبالغهـ.... حنا السعوديون أحسن المسلمين والعرب.(هيّن بس ) .!! غصب على الكل :P شكرا بس زودتها ... |
إقتباس:
هداهم الله مـايصلي ولا يهتم :cry: بشي اسمه صلاه . اذكر أني كنت مره في إستراحه وكنا شباب نلعب كورة وفله s60s وشوي يوم أذن نبهنا واحد على الصلاة , لكن لامستجيب ونبهنا أكثر من مره وبعدها محد عطاه وجه وقال الي يبي يصلي يلحقني , وما صلا الا يمكن 5 وعددنا حول العشرين واحد لـ أسف :( * * * امـ ـ ـا بخصوص كاتب المـ ـ ـقال فـ أكيد تلقاه مو سعودي يمكن تجنيس :rolleyes: أو علماني لاسمح الله :yes: وما أقول الا الله لايكثر من أمثاله ;) سلاميشو .. :) |
| الوقت المعتمد في المنتدى بتوقيت جرينتش +3.
الوقت الان » 04:49 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd