نـقـاط خـفـيـفـة حـول مـبـاراة الـهـلال والاتـحـاد + إيـقـاف الـدعـيـع..!!! - صفحة رقم 3 - نادي الهلال السعودي - شبكة الزعيم

الـمـشـاغـب · #1 17/02/2007, 06:04 AM

بسم الله الرحمن الرحيم

السلام عليكم ورحمة الله وبركاته وبعد:

ألف مليون مليار تريليون مبرووووووووووووك على الفوز المستحق مساء البارحة على أشباهـ النمور

بصراحة البارحة كانت غير في التشجيع... غير في الحماس... غير في القتالية..!!

كل نجوم الزعيم بلا استثناء كانوا بالأمس على قدر المسؤولية.. وبيضوا الوجه... وجابوها "من فوق خشومهم"

بيني وبينكم: أمس كنت مشغول شوي وما كنت ناوي أتابع المباراة...!! أحس أن مباراة الزعيم مع الاتحاد معروفة

نتيجتها من قبل تبدأ

طبعاً قبل ما يجيني واحد مطفي النور

ويقول لي: "احمد ربك..بالشكر تدوم النعم"..

أقول اللهم لك الحمد والشكر أولاً وأخيراً... لكن والله يا جماعة خلاص طفشنا طفشنا ... كل مباراة مع الاتحاد لازم

ندق خشومهم فيها؟!!

ترى ملينا:p ودنا بس مرة نحس بالخوف من الاتحاد

يا ناس أغلبنا صار عنده تبلد بالاحساس..!! إذا جات مباراة الاتحاد يقعد طول المباراة مستانس حتى لو الهلال متأخر

بهدف.. لأنه متأكد -بعد مشيئة الله- أن الهلال بيعدل النتيجة..

** بالتحكيم المحلي فايزين... بالتحكيم الأجنبي هَم فايزين!!!! ومسكين يا معاند الزعيم..!!!

** إلا على طاري الأجنبي: حسبي الله على هالحكم الإسباني اللي مدري وش يبي؟!!

كيتا ينطح ويرفس ويكوكع (يضرب كوع):p والحكم يتفرج!!

الظاهر أن الحكم الاسباني يحسبها مصارعة ثيران مو مباراة كرة قدم؟!!!!

** أنا ما رفع ضغطي زيادة إلا كيتا يوم يرفس الدعيع...! بس شرهتي على الدعيع اللي ماشات هالقطو الأفريقي

وعلقه بلمبات الملعب

** يقولون والله أعلم أن الحكم (الفلتة) محمد فودة يقول أن للاتحاد بلنتيين وهدف الهلال غير صحيح؟!!

بالنسبة للهدف فهو صحيح (من فوق خشمه);) والبلنتيين ماهي ببلنتيين (من فوق خشمه بعد):p واسألوا خبراء

التحكيم..!

** ويقولون بعد والله أعلم: أن إدارة نادي الهلال راح تعاقب الدعيع بخصم راتب شهر... وذلك لخروجه من الملعب

لمدة 30 دقيقة من زمن الشوط الأول<<<<< شكلهم صادقين أنا ماشفته الشوط الأول

** حسب خبرتي في التحليل النفسي اكتشفت أن الحكم الاسباني يعاني من انفصام بالشخصية:p خلال 70 دقيقة كان

طيب وحبوب... وفجأة انقلب 180 درجة وبدأ يطرد اللاعبين

حتى أني خفت أنه يطردني من وراء التلفزيون

** الجمهور الاتحادي مسكين... كل ما زانت العلاقة بينهم وبين رئيسهم البلوي... جاء عمهم وحارق دمهم زعيمهم كلهم

وخرب أبو العلاقة

صدق من قال: "هم يحرقون أعلام.... وحنا نحرق قلوب";)

** صديق اتحادي وصف هدف الشلهوب بهدف الغفلة.... قلت له: والله أبوحميد شاف قدامه مجموعة "مغفلين" في غفلة

وجاب فيهم هدف عشان ثاني مرة ما يلعبون مع اللي أذكى منهم

** أكثر ما عجبني في المباراة حركة أبوسلطان بعد المباراة يوم يقول: "فزنا عليهم غصب عن خشومهم"

فديتك يا بوسلطان.. والله ما حرق قلوبهم إلا هالحركة وتأكدوا منها في منتدياتهم

** جماهير المسيار حضرت وساندت الاتحاد... ووالله الذي لا إله إلا هو أني تفاءلت بحضور جماهير النحس:p

** عندي خطة (بمليون ريال) للبلوي بتخلي الهلال يهبط للدرجة الأولى أو الثانية حتى..

طبعاً الخطة هي: أن تحضر جماهير المسيار في مدرجات الهلال في كل مبارياته

<<<<<<< الله يستر لا يدرون بالخطة ويطبقونها ثم نروح فيها صدق

** الكاسر ياسر مازال يواصل بطولته في مسلسل تفصيل عباية البلوي هانم

** الشلهوب الموهوب مازال أيضاً مواصلاً هوايته في ترويض أشباهـ النمور الإتحادية!!

** أما التايب وكما قال أحد الأعضاء: "عن حبك يا تايب ماني بتايب".. فهو ابداع متواصل وإمتاع بلا حدود..

** رودريقاو 2000: ما أدري هل هو أخو تركي 2000 صدق ولا بس تشابه أسماء؟

بس بصراحة من أول مباراة

تحس أنه فنان رغم صعوبة المباراة..

** المفرج: يا عيني عليك يا فهد... والله أبدعت وما قصرت أمس... واصل بنفس الروح والمستوى!!

** تفاريس: آآآآآه يا تفاريس.. ودي بس انك تسلم عشان أحلل حبي لك

والله مالك مثيل يا تفاريس.. وأحلى خبر

سمعته أنك بتجدد للزعيم الموسم الجاي

** جماهير الزعيم: بيض الله وجيهكم جميعاً... أنتم الرقم الصعب.. ولولا الدراسة لكنت معكم في المدرجات..لا هنتوا

وأخيراً:

إن شاء الله إني ما طولت عليكم...

وأدري أن الموضوع يمكن ما يعجب بعضكم.. لأنه أصلاً مب عاجبني:p

بس والله مانيب رايق أكتب موضوع مرتب...

لكن قلت لازم أشارككم الفرحة بالفوز

ولو حتى بموضوع أي كلام...!!

واستروا ما واجهتوا...