يا جماعة الخير خلصونا من بعض الامور اللي تطفش وترفع الضغط ..الى متى ذا

التخلف ..؟؟؟؟؟؟؟؟ سنه ورى سنه ونقول بيتغير الحال... ولكن الظاهر ما فيه أمل

يتغير الا الى الاسوأ فالاسوأ؟؟؟؟؟

بصراحه الاخراااااااااااااااااااااااااج وما ادراك مالاخراج..الاخراج بحد ذاته كلمه

كبيره وفن ماهو كل من هب ودب يصير مخرج ..المخرج وخاصة مخرج المباريات

يجب ان يكون صاحب ذوق رفيع...


الاخراج عندنا محلك سر..لا والله ليته كذلك..المصيبه المجلجله انه في تراجع مخيف

من يصدق ان دوله بأمكانات المملكه التقنيه وملاعبها الفريده من نوعها في الشرق

الاوسط.. وبمستوى كرة القدم السعوديه العالمي والافضل عربيا وآسيويا.. من يصدق

ان دوله بهكذا مزايا ليس لديها مخرج رياضي متخصص؟؟؟؟؟؟؟؟؟؟؟؟؟؟؟؟؟؟؟

من يصدق ان جميع المخرجين هنا هم اما مخرجي برامج اطفال او برامج نسائيه او

ثقافيه او...او...الخ

المهم ان المخرج في السعوديه ليس لديه تخصص معين..

يالله يافلان اليوم عندك مباراه ونبيك تخرجها عندك خمس كاميرات موزعه في الملعب

جاهزه انت بس اختار الكاميرا القريبه من الكوره واظهرها للمشاهدين واذا دخلت

الكوره في الشبكه او طاح واحد من اللاعبين عد لنا اللقطه مره ثانيه الله لايهينك ..بس

هذا هو الاخراج الرياضي عندنا ..

احلف ان بعض المخرجين ما يدرون من المباراه بينه ولا من اللي فاز او كم انتهت

عليه المباراه؟؟


يا جماعه ..التخصص التخصص..وليس الاخراج وحده بل كل شئ من تعليق الى

تصوير الى اعداد الى مذيعين ..كلهم كوكتيل او بالاصح جواكر من وين ماتحطهم اوكي

مافي مشكل...و النتيجه تخبط وتخلف ورفعة ضغط.... آه ياهلال ليتك في الشرقيه او

ليتني في الرياض والله ماكنت اغيب عن الملعب ولا مباراه منها اشجع وانبسط ومنها

افتك من رفع ضغط المخرجين والمعلقين وطقتهم..

خذ مثلا اليوم في مبارا الاتفاق مع الزعيم..

ماشاء الله على نجوم الزعيم... حسموا النتيجه بدري بعدها امتعونا اقصد ارادوا ان

يمتعونا ببعض اللمحات الفنيه والكرات الكعبيه الرفيعة المستوى ولكنهم لايعلمون ان

المخرج ما يفهم في هذا المجال ولا يعرف قيمة الفن الرفيع... لان هذي اللقطات ماقالوا له عليها الجماعة ؟؟؟؟؟؟؟؟

كعبيات لوبيسكو وسامي والكاتو وتعديات الذئب الخرافيه كل هذي ماقالوا له عليها

يعيدها.. والرجال الظاهر انه موصي هندي يوزع اللقطات حسب اللي علموه عليه

وهو الظاهر انه راح يتابع طاش ما طاش او راح يتمشى في الفيصليه..

اللي يشوف مباريات اوروبا يتسمر قدام التلفزيون..اخراج يجعل الواحد يفتح فمه

مندهشا لروعة الاخراج وللذوق الرفيع للمخرج وكأنه احد اللاعبين او احد عباقرة

الكره ..يجعلنا وكأننا في الملعب لا والله بل تفضل التلفزيون لكثرة اللقطات الجميله

التي يتحفوننا بها وخاصة تولعهم باللقطات التي تطرب الجمهور ...ابدا لايهمهم ان

كانت لهذا الفريق او ذاك حتى لو كانت مليون حركه ضد فريق واحد ماهمهم الاخراج

اخراج.. اما ربعنا اااااااااااااااه يارفعة الضغط


خلونا من اوروبا ليش نروح بعيد؟؟ خذوا الامارات مثلا واللي يعتبر دوريهم بالنسبه لنا

مثل الدرجه الاولى.. لكن اللي يتابع الاهتمام والتطوير..تجيه حسره اللهم لاحسد..

اخراج رائع تعليق اروع وتحليل ونقل ساحر حظهم والله (تعلموا ياللي في بالي)

قناتين متخصصتين لا والكاميرا عندهم تنتقل من الملعب هذا للملعب هذا مثلا اذا

ينقلون مباراه في العين وجا هدف او لقطه حلوه في مباراة تقام في دبي مثلا تنتقل

الكاميرا اليها مباشره

ونحن مازلنا على (ننتقل بكم الان للقناه الثانيه)(ونعود بكم الى القناة الاولى*) وعجبي

طبعا تعرفون الفرق بين كرتنا وكرة الامارات من حيث المستوى مع احترامي

للاخوان ..ولكن من حيث النقل والاخراج والتعليق والتحليل والتخصص ..يبيلنا 100

سنه على الاقل لين نوصل نصف ما وصلوا اليه مع عدم احترامي!!!!!!!!!!!!!

عيب والله عيب وفضيحه ان هذا عند دوله لديها من الامكانات الرياضيه والمنشات

مالا يتوفر لاكثر الدول العالميه تقدما ولكن وين الناس المتخصصين عندنا؟؟؟ طبعا

مافيش

طيب ترى ماهو بعيب انا نجيب لنا خبراء اجانب يعلمون ابناء الوطن ويتدربون على

ايديهم او نرسلهم الى الخارج للدراسه والاستفاده..بالضبط زي ما نبعث المدربين

الوطنيين لحضور دورات تدريبيه بالخارج.. وش الفرق يعني؟؟؟؟؟؟؟؟؟؟؟؟؟

اكيد انكم مثلي طفشتوا من مخرجينا ومعلقينا ومصورينا....الخ

والله من وراء القصد

وسامحونا

والله انك صادق اخوي / سيف الزعيم

لاكن الشكوى لله وانا اخوك عجزنا وحنا نلج

حتى بالصحافه لاكن 000000000000

ولا اللي يضيق الصدر اذا سجل هدف اللاعب قام وحط الصورة على الجمهووور طيب خلنا نفرح بالهدف و اللاعب ولا وشنبي بالجمهور اللي فرحته وحده من يوم عرفنا الدنيا

المشكلة بعض الاحيان مهوب في المخرج المشكلة في المصورين اللي صووورن رجلين اللعيبة......
ولا الهتلفونات اللي تدق على الاستديو (بالله ركز على اللاعب الفلاني ولا عد اللقطه اللي صارت فيالشوط الفلاني)هو فاضيلك ولا فاضي لغير من هاللي جالسين في بيوتهم وماغير يا عصمان اتصل ولا يا محماس كلم الاستديو ولــــ*********** جدهم

اخي العزيز(ازرق الارض)

لكن ايش؟؟
انا اقول لك:
لقد اسمعت لوناديت حيا@@@@@@@@ ولكن لا حياة لمن تنادي

شكرا لك عزيزي

اخي الغالي(الحكيم)
يحطون الصوره على الجمهور لآنهم قايلين لهم ودارسينها كذا ولا هم مايدرون ليش يسوون كذا
بعدين يمكن انهم يدورون لواحد يعرفونه بين الجمهور
ههههههههههه
شكرا لك أخوي

والله انك صادق في كلمة قلتها والي يرفع ضغطك بعض المعلقين الي يطلعك عن جو المبارة بالسوالف والتنكيت الي ماله داعي وبعض االمرات بالتجريح اما الاخراج فالاهتمام بلاعب معين او ردود الفعل للمدربين او الجمهور او ساعة الملعب مع العلم ان النتيجه موجوده على الشاشة اخراج -تعليق- قناة - تحليل والله شربه ماسخه مع احترامي للجميع وشكرا

صدقت اخوي ((( سيف الزعيم )))



وينقطع لسان من يغلطك


اهو بس الضغط اللي يرتفع


قل السكر جانا


قل المرارة جاتنا


قل الامراض العصبية كلها تجمعت فينا


آآآآآآآآآآآآآآآآآآآآآه يا يمى آآآآآآآآآآآآآآآآآآآآآآآه


تعب قلبي

كلامك صح من الألف الى الياء ،،

والي رفع ضغطي في المباراه ان الشريد اخذ بطاقه صفراء وجاء المخرج على باله يبي يوضح ويحط الكاميرا على الشريه ويطلع اسمه إشاره بطاقه حمراء!!!!!!!

وهذه المشكله لها حل واحد وهو الصحافه ،لو تستلمهم الصحف وحده ورا الثانيه بالنقد الاذع الي يستحقونه لاشك انهم المشكله .


تحياتي

هلا شباب

وسعوا صدوركم

وفيه مثل ما ادري حكمه تقول

لا حياة لمن تنادي

مالك الا خشمك ولو اعوج

صدقت اخوي سعود ايه والله وسعوا صدوركم تعودنا خلااااااص

يا رجال وش بنسوي هذا حنا لا تقدم ولا شيء يعني محلك سر

الضرب في الميت حرام

ادعوا للميت بالرحمة فقط

الحمدلله يا شباب ان رمضان كريم ..
وصارت المباريات على القناة الثانية بس .. وبطلنا مناقز بين القنوات .
والحمدلله اللي انهى معاناتنا مع بدعة الشريط الأخباري.. الله يذكره بالخير ولا يعيد معاناتي معه .

اما عن الإخراج والتعليق فحدث ولا حرج
ياليت هالكم مخرج عندنا يتفرجون على مباريات الدوري الأوروبي ... كم مباراة من الدوري الأنجليزي على كم مباراة من الدوري الفرنسي والألماني والأسباني .. ويشوفون وش كثر حنا محرومين من المتعة ومن جمال كرة القدم الحقيقي بسبب الإخراج . ويتعلمون فن أخراج المباريات بالمشاهدة .
وفعلاً انا مع من قال لابد يكون مخرج المباراة ممارس سابق ... أو اقلها متابع جيد .

والتعليق ... أهـ يالتعليق ..مشكلته مشكلة .. لاكن في حل بسيط وسهل جداً ... اذا غثك المعلق وقام يخور ==>> اكتم ابوه .... ياكثر ماشفت مباريات بدون صوت;)

تحياتي للزعماء

وايش فرقت المهم انهم ينقلو المباريات وبس الاخراج مسالة شكلية ومن الكماليات

كلام سليم وفي محله .

وأنا واثق إن لا ذا ولا ذاك