الكمبيوتر صار يعلق معي بعد الفورمات - نادي الهلال السعودي - شبكة الزعيم

اموت بحبك يالزعيم · #1 10/02/2007, 03:14 PM

السلام عليكم

شباب انا من يوم ماسويت الفورمات طبعاً انا مسوية في البيت من نفسي مب من محل عشان ماحد يقول راجع راعي المحل

انا سويت فورمات للجهاز والحين صار يعلق معي في النت خصوصاً إذا جيت ارسل ملف من المسن يعلق ولازم اعيد تشغيل الجهاز وتعبني والله وش الحل

يليت تعلموني الحل

M O U R I N H O · #2 10/02/2007, 03:19 PM

1. ثبـت تعريـف كـرت الفيديـو
2. وقـف الفايـروول

ثم ريستـارت للجهـاز

اموت بحبك يالزعيم · #3 10/02/2007, 08:00 PM

اخوي كل شي معرف عندي وهذي صورة لها في المرفقات مافيه اي علامة استفهام تفيد انه فيه مشكله يعني

والفايروول مافهمت وش قصدك مدري وش الفايروول هل هو برنامج حماية او ايش

throw · #4 11/02/2007, 06:16 AM

سلام عليكم

اخوي الفايروول هو جدار الحمايه اللي يجي مع الوندوز ( سيرفس باك 2)

M O U R I N H O · #5 11/02/2007, 10:55 AM

مثـل ماقال لك ثـرو .. أدخـل على لوحة التحكـم ثـم جـدار الحمايـة .. وسو تعطيـل له

ثم ريستـارت للجهاز وشف وش صـار معـك ..

اموت بحبك يالزعيم · #6 11/02/2007, 05:44 PM

مافاد شي لازال يعلق وش السالفة

اموت بحبك يالزعيم · #7 11/02/2007, 05:58 PM

يليت القا حل اخوي بسرع وقت ممكن

انا اتوقع من الشاشة مدري ليه لأني اصلاً يوم فرمت الجهاز يشتغل الجهاز والشاشة تقعد شوي وتطفا ماتكمل لأن شاشتي يمكن مسطحة ال سي دي

وعرفت الكرت واوكي لكن الحين صار يعلق فجأة صراحة

قبل شوي رحت اجيب شاهي وارجع القا الجهاز معلق

M O U R I N H O · #8 11/02/2007, 06:07 PM

إحتمـال كبيـر من كـرت الشاشة .. لأني لعبت في إعداداته مـرة وصـار الجهـاز يعـلق شوي .. لكـن رجعت كل شيء زي أول وصـار تمـام

لكن وش نـوع كـرت الشاشة عندك .. ؟

اموت بكاكا · #9 12/02/2007, 05:11 AM

سوله استعاده نضام وان شاء الله يضبط معك اخوي

اموت بحبك يالزعيم · #10 13/02/2007, 12:01 AM

ماظن من كرت الشاشة يا حسام لأن الجهاز مايعلق إلا إذا شبكة النت فقط لاغير يعني الجهاز اوكي بس اذا شبكة النت مرة يعلق على طول ومرة بعد ربع ساعة على حسب المزاج فهمت اخوي

انا اتوقع يمكن من تعريف المودم خطأ أو متضارب مع الجهاز يعني مهب الصحيح ولا وش رايك وانا اخوك لأن مثل ماقلتلك أنه مايعلق إلا إذا شبكة النت فقط لاغير

اموت بحبك يالزعيم · #11 13/02/2007, 07:15 AM

استخدمت الجهاز اليوم اليل الساعة 2 إلى الساعة 4 ولا علق إلى مرة وحدة وبعد صلاة الفجر اول ماشبكت النت علق قلت يمكن الجهاز استخدمت الجهاز مدرة ربع ساعة تقريباً ولا علق وشغلت النت ولا خشيت على اية موقع لكن يوم استخدمت الجهاز والنت شغال ماخذ دقيقة إلا وهو معلق كله ومرة ثانية وثالثة ولازال

لكن هل تتوقع من المودم يعني تعارض ولا اي شي من القبيل هذا

اموت بكاكا · #12 14/02/2007, 09:34 PM

اخوي قلت لك سوله استعاد النضام لليوم اللي سويتله الفرمته وشف وش راح يصيرلك

القائدالهلالي · #13 15/02/2007, 12:53 AM

الرااااااااااااام يمكن صغير الحجم
وانا انصحك كل 6 اشهر تودي كمبيوترك لمحل حاسب وتفرمته
لا تفرمته في البيت

اموت بحبك يالزعيم · #14 16/02/2007, 08:25 AM

الف الف شكر على من حاول يساعدني بداية ب ثرو وحسام واموت بكاكا والجميع وابشركم انحلت المشكلة

ومثل ماتوقعت كان تعريف المودم خطأ والسيدي ماكن تبع المودم الي عندي والحمد لله جبت له تعريف وانحلت المشكلة

مرة اخرى اشكركم جميعكم

أخوكمــــ:عبد الله