ألحقوااااااااااااا الشلهوب
 

بصراحة عجزت أبلقى موضوع قاعد أدور عليه لي مدة ، ومبحلق نظاراتي وياما لبستهن وياما شلتهن ، قلت يا ولد أصبر شوي يمكن الشباب لاهين
بعودة الثنيان أو ايقاف الجمعان وخميس أو اجازة 13 رمضان.........
لكن الموضوع طال ولا عاد أحتمل أصبر أكثر من كذا ، تدرون ليش ؟

لان الموضوع مهم ومهم جدا .............. لكن ما شفت ولا واحد تطرق له
ألا وهو:

انخفاض مستوى الشلهوب ، لأنه بصراحة ما عاد هو الشلهوب الموهوب.
صح يمكن يمر على اللاعب فترة ينخفض فيها مستواه ، لكن أشوف الشلهوب طولت معه، وعسى خير ان شاء الله.
ويعود لنا شلهوبنا موهوبنا.

أخيرا أقول:

ألحقوا على الشلهوب ، يامن تحبون الزعيم

أول شئ السلام عليكم

ثاني شئ كان ودي ارد على موضوعك الجميل السابق بس خساره قفلوه يالله .

ثالث شئ الشلهوب اوافقك الرأي ان مستواه منخفض كثيراً عما عرفناه عنه سابقاولكن قد نجد له بعض العذر ولفتره قصيره ولكن اتمنى من الصغير سناالكبير عقلا وفناً محمد الشلهوب ان يراجع نفسه .

تحياتي للجميع

اهو يحاول انو يكون مبدع هلالي ولكن؟؟
في شي مكدر خاطر هاللاعب؟؟
مو طبيعي ودايم سرحااااااااان؟؟
في شنو ما ادري؟؟
ياريت اقدر اهكر على عقل وتفكير هالشلهوب واعرف شنو اللي مضايقة؟؟
على العموم امنياتي انو يرجع الشلهوب اللي نعرفة؟؟

مبروك التاهل وفوز الهلال الثلاثي وعودة النمر:
redheart

أخوي الغالي والغالي جدا ( هلالي حتى الثمالة ):

وعليكم السلام ورحمة الله وبركاته،،،،،،
اذا كنا نعلم بانخفاض مستوى الشلهوب فلماذا لم ننتقده ، أو حتى نتطرق لذلك ، ليس لشئ وانما لكي يراجع نفسه ، ويعود لمستواه المعهود.
ولكن للأسف هكذا نحن دائما( النجوم فوق الانتقاد )

أخيرا:

أشكرك على اطرائك لموضوعي السابق ، لكن الله يهديه كايدهم ما ترك لي فرصة الرد وبأدلة دامغة ، وبشهود عيان.

على العموم انتظر الموضوع القادم بعنوان:


( المصيبيح : طاش ، ما طاش )

أخي العزيز redheart

هو فعلا مبدع ، ولكن أين دور الادارة ؟

اذا كان فعلا فيه شئ مكدر خاطرة.

اتوقع انه بدء بالرجوع لمستواة شيئا فشيئا

تحياتي

أخوي ( 9 ):
أي مستوى اللي قاعد تتكلم عنه أنت !!!!!!!!!!!!!!!

مرة أخرى:

يامن تحبون الزعيم:
ألحقوا على الشلهوب......................

نصيحة ألحقوا عليه ، وشوفوا وش وراه وش عنده نصيحة.

اخوي فتى الدلم ولاخر مرة اقول :
انااااااااااااااااا بنت مو بولد؟؟

واهو فعلا مبدع مثل ماقلت بس ؟؟
ينقصة شوي تركيز؟؟

ولا اهو اكثر من رائع ؟؟

مبروك التاهل وعودة النمر:
Redheart

ان شاء الله الشلهوب الموهوب قادر على انه يعودلمستواه المعروف عنه ونجوم الهلال عودونا على الرد بقوه على كل منتقديهم وان شاء الله مع عودة نواف التمياط نشوف الشلهوب افضل

يعطيكم العافية شباب

مستوى محمد الشلهوب شي عادي ينخفض ؛ لو تابعنا مسيرة الاعب من سنتين كانت كثافة المشاركات في النادي والمنتخب ولا تمر مباراة الا ويكون محمد اساسي فيها ؛ لاكن مع بداية هذا الموسم تعرض لأصابة وبعدها جلس فتره طويلة في الاحتياط ومع نهاية مشاركات المنتخب كان أول لاعب هلالي يشارك مع النادي في الدوري لحرصه على أستعادة مستواه .

لا تخافون مستوى المحرج راجع أن شاء الله

الشلهوب
 

لآ اعتقد ان مستوى محمد انخفض ولكن اعتقد ان كثرة الأدوار المطلوبه منه خصوصآ عندمآ
يلعب مرة يسار ثم الى صانع لعب فى نفس المباراة. اضافه الى ضعف الظهير الأيسر للآسف. ارجو تشجيع جميع لآعبي الزعيم ولآ مانع من النقد على ان يكون محدد وشكرا.

أقوك ليش...
 

لأن الشلهوب منذأن ضم للمنتخب وهوماعادمثل الأول ولاكن هويقدم الكثيرولاكن ماهومثل أول ولاكن أنابنفسي واجهت الشلهوب وقال أن لدي ضروف والتدريبات لاأحضرهابأستمرارولضرف عائليه والله يوفقه ويخلصه من الضروف ويرجع مثل أول.
لتواصل عبرالماسنجر:
[email protected]

طيب أختي ( redheart ) ولا تزعلين ، وش دعوى يعني حرف واحد يفرق بينا.

الغالي ( متيم ):
شكرا على الايضاح ، وعساك ذخر.

أخوي ( أبوعبد الكريم ):
كلامك جايز ، بس أبغى أفهم شئ واحد:
كيف نقد محدد؟
وشكرا أخوي.

أخي ( feez911 ):

شكرا ألف على الايضاح.

لكن وين دور الادارة ، ليش ما تساعده ، ليش ما تحاول ايجاد
حل لمشكلته ، من أجل أن يعود كما عرفناه شلهوب وموهوب.

ويعطيك العافية.

أخي ( أسامه ):

هناك فرق بين الانتقاد - وهو ما تتحدث عنه - وبين النقد

وهو ما نتحدث عنه ، ونسعى من خلاله الى عودة الشلهوب

لمستواه المعهود.

وللعلم أخي أسامة فانه لايوجد لاعب ناجح واستمر على نجاحه

الا بعد أن تعرض ( للنقد) واستفاد من ذلك.

وابتعد عن ( منتقديه ) وهو غالبا ما يكون في حالة ابداع

اللاعب ونجاحه وبرضو يستمر الانتقاد ، وهذا نتاج نجاح اللاعب

وحقد المنتقدين وكرههم للاعب.

وخير دليل على ذلك ( سامي الجابر ) الذي استفاد من النقد

البناء ، وطوح بالمنتقدين وآرائهم الهدامة خلف ظهره ، لذلك

أبدع واستمر في الابداع والنجاح وسيستمر باذن الله تعالى.


شكرا على المداخلة ،،،،،،

ياعزيزي اوافقك الراي حول الشلهوب حيث انه ظهر في ارقى مستوياته في بدايته مع الفريق الاول ثم تدنى شيئا فشيئئئئئئئا ....


والسبب:....... الاصابا....... الغ....... الارها.............


عموما الشلهوب بدا يرجع لمستواه شي فشي اتمنى له التوفيق قولو امين

الشلهوب
 

اخى فتى الدلم
اولآ: شكرا لردك.
ثانيا: قصدى هو ان تبين ملآحظاتك على اللآعب بشكل واضح. مثلآ انت قلت ان مستوى الشلهوب انخفض وهذا تعميم غير مفيد لآ للقارى ولآ للآعب.

كان المفروض ان يكون النقد لميزه للآعب ضعفت وتحتاج الى تصحيح. مثلآ: ما الذى ضعف فى محمد ؟ هل هو قلت الحركه ام عدم دقة التمرير ام الأنانيه......وهكذا.

شكرا اخى وبا لتوفيق لمحمد وللهلآل الليله.;)