نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)

- منتدى الجمهور الهلالي (http://vb.alhilal.com/f28/)

- - وش قصه إصابه ياسر .؟ (http://vb.alhilal.com/t374989.html)

W0LF	14/02/2007 12:49 AM

وش قصه إصابه ياسر .؟

بسم الله الرحمن الرحيم

أحب اسأل عن الإصابه اللي جات ياسر القحطاني ، فمصدر الموقع يقول شد عضلي بسيط ولا يأثر عليه

وقبل شوي جا خبر في برنامج كل الرياضه "القناه الرياضيه" إن اصابه القحطاني تمزق بالركبه مدري هي اربطه

الركبه والا وش بالضبط بس قال انها راح تعيق الاعب عن مشاركات مقبله الله يقومه بالسلامه

ويكفينا ويكفيكم ويكفي جميع لاعبي الهلال شر الإصابات

فالله يرضى عليكم اللي عنده معلومه أكيده يطمنا

Mr.DL5

14/02/2007 12:57 AM

فال الله ولا فالك .....!!!!!!!!! :upset: :upset: :upset:

تدري وش معناة تمزق في اربطة الركبة ...!!!!؟؟؟

يعني الله يعوض علينا واحد مثل القحطاني ...!!!؟؟

بعدين ما اظن ان ادراة الاخبار في المنتدى راح تستخف في عقولنا لانهم قالوا ان اصابة ياسر مجرد شد عضلي وان شاء الله سوف يلعب في المباريات القادمة ...!!!

اعتقد الي انت سمعته اشاااعة ...!!

قلب الظلام

14/02/2007 01:28 AM

في برنامج كل الرياضه يقولون تمزق بعضله الركبه ومدري ايش..؟
اول مره اسمع باصابه زي كذا..
نتمنى ان يكون خبر اداره الاخبار هو الصحيح
لانهم قريبين جدا من النادي..
بالتوفيق للقحطاني وان شاء الله يلعب امام حبايبنا..!

سامي تستحق الاسامي

14/02/2007 01:30 AM

اقول لا تخوفونا تكفون
الله يستر ما اتوقع انه من المناوره تجيه اصابه قويه
الله يستر يا رب الله يقومه بالسلامه

الهلال حـبي

14/02/2007 01:31 AM

ان شاء الله بسيطه وماتأثر عليه وبيشارك بعد بحول الله وقدرته ؛؛

قاهر الظروف

14/02/2007 01:32 AM

باسم الله على ياسر إن شاء الله مافيه إلا العافيه

خرجاوي الهلال

14/02/2007 01:49 AM

مشكله والله اذا نادي زي الهلال وأرضية الملعب حقته زفت !!!

ودايم يشتكون منها اللاعبين وأولهم طارق التائب لكن وش نسوي هذا ياسر وأصيب طاح الفاس بالرااااس

هلالى طرابلسى

14/02/2007 02:01 AM

الحقيقة كثير من الاخوة ولا يحضرنى اسمأهم تداولوا موضوع الملعب بما فى ذالك طارق.... والى الان لم ارى من النادى او الصحافة اى تداول فى هذا الموضوع بشكل يعطيه اهمية..... واصابة اى لاعب ناهيك عن اصابة لاعب مؤثر مثل القحطانى ستكلف النادى مبالغ اكبر من تكلفة اصلاح ارضية الملعب......

الف سلامة عليك ياياسر

واحد صاحي

14/02/2007 02:04 AM

بسيطة بس نبي نلعب عليهم :D :D :D

alglale

14/02/2007 02:17 AM

أولا وقبل كل شي نتمنى أنه ما يصاب ياسر بأي شي وأتمنى ان أصابته تكون خفيفة
وبعدين لعب وإلا ما لعب مو مهم الاهم ياسررررررررررررررررررررررررررررررررررررر

هلالية من زمن آخر

14/02/2007 02:34 AM

لا ان شااءالله فال الله ولافالهم

بسم الله عليه ياسر ان شاءاللله مافيه الا كل خير

اتمنى من الادارة التوضيح

وهذا كله بسبب الأرضية (الزفت) للاسف انها في نادي بحجم الهلال

والله ذيب يا سامي

14/02/2007 02:51 AM

ياسر بيلعب إن شاء الله

هيلالي برساوي

14/02/2007 02:52 AM

لا ان شاء الله

alsultan

14/02/2007 03:07 AM

صحيح انا سمعت في برنامج كل الرياضه المشكلة انه الوقت متأخر والا كان سويت تحرياتي وجبت لكم الخبر الاكيد

ano0o0s

14/02/2007 03:08 AM

أحب أقولكم وأطمئنكم بأن اللاعب تعرض فقط لشد عضلي بسيط , لن تعيقه عن الإستمرار في التمارين الإعتيادية في الأيام القادمة . و سيتم الكشف عليه غدا للإطمئنان عليه أكثر .

ان شاء الله بسيطه وماتأثر عليه وبيشارك بعد بحول الله وقدرته

MiSs Ro0oRo

14/02/2007 03:14 AM

لاحد يتفائل على افضل لاعب عندي <<< زعلت :(

ياسر مافيه شي والحمدلله هو بصحه وعافيه

بس كل اللي فيه شد عضلي بسيط في الركبه واجرو عليه فحوصات وبكرا بيسوون له اشعه

واصابته كانت اليوم اثناء التدريبات واعاقته عن اكمال باقي التدريب مع زملائه .. بس بيرجع بكرا للتدريبات

وهالشي مارح يمنعه من اللعب يوم الجمعه مع الاتحاد

الى الان هو من ضمن القائمه اللي بيلعبون يوم الجمعه .... ولكن اذا النتايج طلعت اصابته قويه فهاذا الشي يعيقه عن اللعب

بس انتو ادعو له وان شاء الله مايجي شر ويبعد عنه كل مكروه

فيتو	14/02/2007 03:22 AM

الله يشفيه ان شاء الله ,,, اما بالنسبه للرياضيه لازم تسوي اشاعات وتكثر من البهارات

الهلالي4242

14/02/2007 03:27 AM

الله يستر

يارب تحفظه وكل نجوم الزعيم

مجد البطولات

14/02/2007 03:30 AM

ان شاء الله سليمه

http://www./upload/14-02-2007/0.68501171411814.gif

هلالــي رومـاوي

14/02/2007 03:31 AM

فال الله ولافالكم

انشالله يقوم بالسلامه ويلعب قدام الاتهاد ويخرشهم خرش كالعاده

يحيى الحيران

14/02/2007 03:32 AM

الله يستر عليه

هلالي في جده

14/02/2007 03:42 AM

إقتباس:

وهذا كله بسبب الأرضية (الزفت) للاسف انها في نادي بحجم الهلال

s60s

ان شاء الله ياسر بيلعب ( على حسب كلام جوال الهلال ).. s13s

وٍوٍلـ..ـوٍوٍدي

14/02/2007 03:59 AM

:cry: بســم آللـه على يآسر .. :cry:

لأ لأ أنشــآ آللـه سليمــه ..!

وعلى حســب جوآل الزعيم ..

وأدآره الاخبآر ..

آنهـآ شد عضلي بسيط ..

وأنشآ آللـه أنهآ مآتعيقـه ..
عـن لقآء الاتحآد ..

ومآيشوووف شر أبو سعيـد

الوقت المعتمد في المنتدى بتوقيت جرينتش +3.
الوقت الان » 07:57 PM.