ابشركم لقيت حل لمشكلة تقسيم الجماهير في مباراة الهلال Vs الاتحاد ..!! - نادي الهلال السعودي - شبكة الزعيم

Mr.DL5 · #1 13/02/2007, 05:05 PM

بسم الله الرحمن الرحيم

خلونا نخش بالموضوع على طول ...

الحيين نص مواضيع المنتدى تتكلم عن مشكلة تقسيم الجماهير وهي 70 % للاتحاد و 30 % للهلال ...!!

انا اقول لكم ان ذا الكلام كلام جرايد ...

تقولون لي وش دراك انه كلام جرايد ..؟؟

انا راح اقول لكم ....!!

النهائي العام الماضي امام الشباب كم كتبوا في الجرايد عن نسبة التقسيم ....

قالوا 70 % للشباب كونه في المركز الاول واحقيت الارض والجمهور له ...

والهلال قالوا 30 % حنا زعلانا وقمنا نسب ...!!

لكن يوم رحنا للملعب لقينا غير الكلام الي قريانه ..

لقينا العكس لقينا 60 % للهلال و 40 % للشباب

صلاة المغرب مدرجات الهلال فل والعساكر قفلوا البوابات ...

والجماهير الي برا اكثر من الي بالداخل .....

وانا كنت برا وما امداني ادخل ..

المهم مدرج الشباب كان 40% وما امتلئ فيه الا 8 % تقريبا وكان كل اعلام الاندية موجودة ...!!

المهم ما لقوا حل العساكر الا انهم دخلوا جماهير الهلال في باقي المدرج المخصص للشباب وهو 25 % و 4 % حاجز امني بينا وبينهم والباقي للجماهير الاندية المجتمعة في المدرج ...!!

بس حبيت ابين لكم ان مشكلة التقسيم هي محلولة وما عليكم انت احضروا وبس ...!!

والى الان اظن انه ما صدر شي رسمي بخصوص التقسيم والي موجود مجرد كلام جرايد ...!!

اصلا حتى بالعقل ما تصير ....!!

اجل 70 % من الملعب على 500 او 700 مشجع ....!!!

يعني روقنا شوي بالله ....

ونص المنتدى الحيين اعضاء اشك انهم هلاليين ...!!

كل خمس دقايق فاتح لنا واحد موضوع ويقول احضروا مباراة النصر والفيصلي الليلة ...!!

وواحد ثاني كاتب ليه ابو حقوي ما يروح ويشجعهم ....

ما ادري اما انه عبيط او يستعبط ...!!

نادي كل نهائي تلقى جماهيره تشجع اي فريق ضدنا واذا انهزمنا افرحوا اكثر من فرحتهم بتحقيق كاس ...!!

يعني خلهم بقليط وان شاء الله ينرقعون 5 \ 0 ...!!

والله يوفق الفيصلي الاردني ...!!

واذا تبون دليل على صغر عقولهم وانهم ما يستاهلون الواحد يجيب طاريهم على لسانه ...

منتدى الفيصلي الاردني اخترقوه من امس العصر الى اليوم الظهر وهو مقفل المنتدى بسب ذا الزلايب الفقراوية ...

شوهوا ابو سمعة السعوديين ....

حنا طول عمرنا وحنا نلعب بطولات خارجية قد خسرنا من نادي ورحنا وهكرنا على منتداهم ...!!

وهذا اكبر دليل على صغر عقلياتهم ..

وانا اليوم ان حضرت المباراة راح اشجع الفيصلي الاردني ...!

واتمنى المشرفين يتواجدون بشكل اكثر واي موضوع من ذا المواضيع على طول حذف هي وصاحب الموضوع ...

وهذا الي حبيت اقوله والسلام عليكم ...!!

الزعيـ 9 ـم · #2 13/02/2007, 05:11 PM

موضوعك رائع
انشاء الله زي ماقلت
وبالتوفيق للفيصلي الاردني

Mr.DL5 · #3 13/02/2007, 05:13 PM

إقتباس

الرسالة الأصلية كتبت بواسطة الزعيـ 9 ـم


	موضوعك رائع انشاء الله زي ماقلت وبالتوفيق للفيصلي الاردني

والله مرورك هو الاحلى يالغالي ....!!!

والله يوفق الفيصلي الاردني ...!!

والله ذيب يا سامي · #4 13/02/2007, 05:13 PM

أنا أعتقد إنه كلام جرايد

لأنه يوم لعبنا مع الطائي في حائل محد طلعلنا وقال الملعب 70 % للهلال <<< كل اللي كان إنه دخل المباراة للهلال

Mr.DL5 · #5 13/02/2007, 05:14 PM

إقتباس

الرسالة الأصلية كتبت بواسطة والله ذيب يا سامي


	أنا أعتقد إنه كلام جرايد لأنه يوم لعبنا مع الطائي في حائل محد طلعلنا وقال الملعب 70 % للهلال <<< كل اللي كان إنه دخل المباراة للهلال

اصلا حتى بالعقل ما تصير ....!!

اجل 70 % من الملعب على 500 او 700 مشجع ....!!!

Mr.DL5 · #6 13/02/2007, 05:54 PM

شكرا للحميع على المرور ....!!!

SALEHYA · #7 13/02/2007, 05:55 PM

الهلال بمن حضر

عاشقة القمر · #8 13/02/2007, 06:10 PM

انتم اتركوا كلام الجرائد واحظروا المباراة وان شاء الله راح يمتلي الملعب ازرق وابيض وبقوا 10% للاتهاد علشان مايبكون ههههههههههههههههههههههههههه

بالتوفيق لكم وللزعيم بثلاث نقاط يارررب

افاق هلالية · #9 13/02/2007, 06:15 PM

ملعب الطائي مقسوم نصين

Mr.DL5 · #10 13/02/2007, 06:33 PM

إقتباس

الرسالة الأصلية كتبت بواسطة SALEHYA


	الهلال بمن حضر

اجل الهلال بمن حضر ...!!

ابومحمــــــــد · #11 13/02/2007, 06:34 PM

الله الله ياجماهير الزعيم الوعد الملعب والمهم التشجيع المثالي

عطــر الأمــاكن · #12 13/02/2007, 06:37 PM

حتى لو فرضنا ان نسبة الهلاليين قليلة

انتم تعالو واحرجوا ادارة الملعب

منطقيا

مستحيل يخلون 30% للهلاليين وبرى الملعب فيه الاف ما دخلو

اكيد بيفتحون لهم جزء بسيط

انا اضمن لكم ان كل شخص بيجي للملعب راح يلاقي له كرسي

تحياتي

محب الجنه الخرج · #13 13/02/2007, 06:41 PM

مشكور اخوي على الكلام الرائع

ومن قلب اقولها الله يوفق الفيصلي الاردني اليوم شجعوا الفيصلي

مو بس غيرنا يسوي هاالحركات علينا اذا لعبنا بطولات خارجية نرد لهم الدين

Mr.DL5 · #14 13/02/2007, 06:44 PM

إقتباس

الرسالة الأصلية كتبت بواسطة عطــر الأمــاكن


	حتى لو فرضنا ان نسبة الهلاليين قليلة انتم تعالو واحرجوا ادارة الملعب منطقيا مستحيل يخلون 30% للهلاليين وبرى الملعب فيه الاف ما دخلو اكيد بيفتحون لهم جزء بسيط انا اضمن لكم ان كل شخص بيجي للملعب راح يلاقي له كرسي تحياتي

هذا الي انا اقوله لان اغلب الاعضاء يعتقدون انه ما فيه مكان لهم ......!!

واي واحد راح يحضر انا اضمن له انه راح يلاقي كرسي له ....!!

زعـيـمـهــم كـلــهـم · #15 13/02/2007, 06:50 PM

مشكوووووووووور اخوي على الموضوع الجميل والاكثر من رائع