سؤال بريء (( لوبيسكو )) كل عام وانتم بخير شباب ؟ ابي اعرف ويش دور لوبيسكو في مباراة اليوم ؟؟ وفين مركزه ؟؟ اذا بتقولو محور انا اللي شفته ان خميس هو اللي شعلة في المحور واخينا على الواقف اما اذا قلتو وسط مهاجم فانا اللي شفته انه سامي قايم بهذا الدور على اكمل وجه وبرضه اخينا على الواقف ياليت تفيدوني بشيء يا شباب ؟؟ |
انا معاك ان موقعه غير معروف ولكنه يقدم مستويات حلووة والدليل هالمباراة واعتقد من وجهة نظري الخاصه ان ادراة الهلال لم تستطع احضار المحترفين الذين من الممكن الاستفادة منهم في مواقع افضل بدل هالادلخ ادميلسسون كان احضرو ظهير ايسر وبدل لوبيسكو كان مهاجم مممتاز لكن اصبرووووو على لوبيسكو تروة نجم:) |
والله انا اشوف انه ادى دور كلاعب حر يساند الدفاع ويساهم في صناعه اللعب . لاعب جامد على الكوره تمريراته دقيقه تحركاته فيها كثير من الخبره والذكاء الصراحه اشوف انه يؤدي دور جدا ممتاز في الوسط.. |
لا ما لك حق الولد فاهم كوره ولمساته حلوه بس انا معك مركزه لايحتاج للاعب اجنبي كان يبي لنا ضهير ايسر او صانع العاب |
والله انه افضل محترف في الهلال في الوقت الحالي الرجال في كل مكان كان الامس في الدفاع تلقيه في الهجوم تلاقيه في الوسط ايضا حاضر ومبدع وتمريراته متقنة للغاية |
المشكلة ليست الآن، المشكلة في حضور نواف التمياط وخميس، وين بيكون موقعة من الإعراب؟؟؟. بس أحسن عشان يتركون منهم محترف محور ويجيبون ظهييييييييييييييييييييييييييير ايسر. |
المهم لاعب أجنبي !!!! ولا فيه مشكلة نضحي بعمر الغامدي كما ضحينا قبله بفيصل أبو أثنين !!! من أجل خاطر هذا اللاعب ( الهدية )!!! |
لا ياحبايب بتعرفون هالاعب زين إذا أنظموا لعيبة المنتخب ولا بقى إلا الكسرو كأس ولي العهد والمربع بدون دوليون وخميس في المنتخب تبغى أبو قحط يرجع معصي لأنزل عليه في الملعب . لكن قل أدميلسون وش يبي أنا معاك . |
مرحبا انا من رايي الشخصي بان لوبيسكو افضل لاعب اجنبي في ناد الهلال وخاصه في مباره الاتفاق ون ناحيه التمرير المتقن والتسديد والتحرك في الملعب ومسانده المهاجمين وقطع الكرات من الخصم. اما عن ادميلسون فهو عاله على الفريق في المباراه ولويجبون بداله ظهير ايسر كان افضل من تضييعه الهجمات. |
لوبيسكو مستواه جيدجدا واعتقد ان لديه الكثير وبنيته الجسمانيه ممتازه ..... اعتقد لو اردنا انتقاد لآعب فلننتقد اديميلسون |
لوبيسكو لاعب فنان وذا بنيه جسمانيه ، هذا الاعب ان بغيته في الدفاع تلقاه وان بغيته في الهجوم تلقاه وان بغيته في الاظهره تلقاه احس انه صفقه اكثر من رائعه .. |
اذا كان هذي ثاني مباراة و هذا المتواه . اعتقد القادم احلى |
مع كل الأحترام لأراء الزعماء ....... لي وجهة نظر مختلفه....... لوبيسكو بطيء ويلعب عالواقف ومجهوده غير واضح ....... بل هو لا يساند خميس كمحور يدعم خط الظهر بسبب ثقله الواضح والسبب كبر سنه ...!!!! ثم أننا لسنا بحاجه الى تمريراته المتقنه كما وصفتوها ..فأبو اثنين كان يؤدي الدور ذاته ولكنكم قتلتوه بدم بارد ( وين أحسن لاعب أجنبي عن هالبارد الشايب العم لوبيسكو ) .... وتراه ما فرق عن الطباخ ايدميلسون ( سعيد أخو مبارك ) وترى الهلال ياشباب أكبر من هاللاعبين المنتهيه صلاحيتهم ..... وياريت نستبدلهم بظهير أيسر وصانع ألعاب يجيد اللعب في الجهة اليمنى ينفعنا بعد العيد عندما يبتعد عنا نجومنا الدوليه لتأدية الواجب الوطني .... تحيه للمتميز الكاتو ...ونعم المحترف وجهة نظر متواضعه !! |
انا اللي شفتة من المبارة انو كان عظمة بحلق الاتفاقيين ؟؟ كان دايم يقطع الهجمات؟؟ وكان يرسل الكرات الى الذيب والشلهوب ويوزع الكرات زين والله انة ورقة رابحة؟؟ واصبراو علية شوي بس يعتاد على اللعب وحتقولون ريد قالت؟؟ ومبروك الفوز والتاهل وعودة النمر: Redheart |
الوقت المعتمد في المنتدى بتوقيت جرينتش +3.
الوقت الان » 08:36 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd