السلام عليكم ورحمة الله وبركاتة

بعد التحري والتدقيق والبحث وبعد الإستنباط والتحري . .

وجدت أن سر نزول مستوى حراس الهلال يتكون في سبب واحد ..

أنا شاهدت تمارين سواء في التلفزيون أو حضور تمارين لبعض الأنديه وحضرت تمارين الهلال للأسف لم أرى تمرين مثل كسل وهزول تمارين حراس الهلال ؟؟ ..

حضرت تمارين فريق الشباب بنادي الهلال وكان المدرب الكبير الحربي يعطيهم تمارين تسمى فعلا تمارين بدر الدعيع والظفيري والحراس الأخرين عندهم مرونه غير طبيعيه وردة فعل رائعه وسريعه جدا ماشاء الله تبارك الله

تمارين فريق الوصل الإمارتي بثت عبر دبي الرياضيه فعلا حراسهم مكروفين

لكن عندنا دلع يسخن يشوت عليه كم شوته وتمرين البديهه بعدين يروح للمناوره ..

أتمنى من الإداره الهلاليه إحضار مدربين على مستوى عالي ..

فالمدرب الحالي حفظت تدريباته لو تبون أسوي زي تدريباته للحراس سويت وبراتب شهري بسيط ..

وإذا كنتم مصرين عليه شوفولكم أي شاب ماتوظف وخله يشوف حصتين تدريبيتين ويحفظ التدريبات ..

بدال كاتجيبون واحد راتبه فوق 10000 دولار للأسف وآخر شي حراسه خرابيط

الخلاصه مدرب الحراس هو السبب

حياك الله يالغالي

فعلا المفروض إشراك حراس آخرين

وهذي مسؤليه مدرب الحراس

بالنسبه لسوء الأرضيه قد تضر اللاعبين الآخرين لكن الحراس لن تضرهم ..

اولا ياعزيزي التدريب ماهو بالكرف والجهد العالي الغير مفيد ممكن الجهد العالي يؤدي الى الاصابات وبعدين يمكن انت حضرت للتدريب وكان التدريب عندهم خفيف لان واضح من كلامك انك ماتفهم في التدريب وبعدين الهلال فيه مدربين متميزين مثل منصور القاسم مدرب الاولمبي اللي ما اقرء مقابله مع حارس الا يمدحه ويكفي انه في منتخب الشباب وكذلك تركي السلطان مع الناشئين بس للاسف الاعلام مغيبهم ويكفي ان الهلال يعتبر افضل نادي فيه حراس الدعيع وحسن والشمري والمعيوف وشراحيلي حراس منتخب والمرزوقي ومن كثر الحراس منسق الغامدي والماس شف الانديه الثانيه تأخذ حراس منسقين مثل الاتحاد النتيف والنصر خالد راضي

كلامك والله صحــــــــــيح 100%



.

100%

كلامك سليم لازم نعطي الفرصه لفهد الشمري شوي

لابد من اعطاء الفرصة لفهد الشمري بين فترة وأخرى

يأخوي المستودع حياك الله

أنا ماقلت أكرفوهم لكن من باب أني أوضح الأمر الواقع بعدين أنا حضرت تدريبات الهلال عدة مرات وعلى نفس المنوال وحضرت مباريات وماتفرق كثير ..

حتى الأدوات في التدريبات لا يتم إستخدامها ..

ويالغالي أنا أشجع المدربين الوطنين لأن مدرب حراس الفريق الأول برتغالي وتدريباته مع كل حضور أو مع كل مره أشوفها تتركز على أشياء معينه .. مايغيرها وأنا أشوف من خلال المباريات الوديه في النادي أو المباريات الرسميه أن مافيه تحسن ..

وأخوي الغالي أتمنى أنك ماتقول أني أفهم أو لا أفهم في التدريب يجب أن تحترم وجهة نظري مثل مأنا محترم وجهة نظرك ..
وكلنا نكتب هالكتابات ليس لإدعاء الفهم أو شي من هذا القبيل فقط نريد أن نفيد زعيمنا ..

من المفترض دخل الهلال بطوله الأمير فيصل بالشمري لأنه دخل الخليجيه بالعتيبي ليكون هناك جاهزيه تامه ..

أخـوي اختلف معاك أنا بشكـل كبير ...

شي طبيعي جــدا ً نزول مستـوى الحارس أو أي لاعب في العالم .. ومهـيب مشكـلة كبيرة نزول مستـوى الدعيـع لأنـه في الأول و الأخيـر يبقـى الأفضل ...

وترا صجيتـونا بسالفــة الدعيع لازم يعتزل .. 80 % من حراس المرمى الكبار في العالم اعمارهم تتعدى الـ 32

يا إنسان هلالي والله أنا ماتكلمت بشخص بعينه أنا ألاحظ أن الحراس نازل مستواهم الدعيع أو غيره ..